ភ្នំពេញ៖ នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ បានឲ្យដឹងថា នៅថ្ងៃទី ៦ ខែ ឧសភា ឆ្នាំ ២០២០ មានករណីគ្រោះថ្នាក់ចរាចរណ៍ផ្លូវគោកបានកើតឡើងចំនួន ១០ លើក (យប់ ៥ លើក) ស្លាប់ ៥ នាក់របួស ១៣នាក់ (ធ្ងន់ ៧នាក់)។
នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ សូមគោរពជម្រាបជូន សាធារណជន អំពីស្ថានភាពគ្រោះថ្នាក់ចរាចរណ៍ផ្លូវគោក និងលទ្ធផលនៃការអនុវត្តច្បាប់ស្តីពីចរាចរណ៍ផ្លូវគោក គឺស្ថានភាពគ្រោះថ្នាក់ចរាចរណ៍ផ្លូវគោកទូទាំងប្រទេសកើតឡើង គ្រោះថ្នាក់ ១០ លើក (យប់ ៥ លើក) ក្នុងនោះ ស្លាប់ ៥ នាក់ (បាត់ដំបង ១ នាក់, កំពង់ស្ពឺ ១ នាក់, កំពង់ធំ ១ នាក់, រតនគិរី ១ នាក់ និង ឧត្ដរមានជ័យ ១ នាក់) និង របួស ១៣នាក់ (ធ្ងន់ ៧នាក់)។
ចំណែក លទ្ធផលអនុវត្តច្បាប់ស្តីពីចរាចរណ៍ផ្លូវគោកទូទាំងប្រទេស៖ រកឃើញយានយន្តល្មើស សរុប ១.៨៧៤ ករណី (ម៉ូតូ ១.៣៩២ ករណី)។ រួមគ្នាទប់ស្កាត់គ្រោះថ្នាក់ចរាចរណ៍ តាមរយៈគោរពច្បាប់ស្តីពីចរាចរណ៍ផ្លូវគោក៕ដោយ៖កូឡាប
