ត្បូងឃ្មុំ ៖ សពអ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី មាតាក្មេកសម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាមាតាបង្កើតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានធ្វើពិធីបញ្ចុះរួចហើយ នៅវេលាម៉ោង ៣និង៣៣នាទីរសៀល ថ្ងៃទី៦ ខែឧសភា ឆ្នាំ២០២០ នៅក្នុងភូមិទី២ ឃុំរការខ្នុរ ស្រុកក្រូចឆ្មារ ខេត្តត្បូងឃ្មុំ។
បន្ទាប់ពីតម្កល់ធ្វើបុណ្យតាមប្រពៃណីព្រះពុទ្ធសាសនា រយៈពេល២យប់ និង៣ថ្ងៃ
សពអ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី បានដង្ហែអមដោយផែនរថយន្តចំនួន១២ផែន
ចេញពីរាជធានីភ្នំពេញ វេលាម៉ោង ៧និង១៨នាទី ព្រឹកថ្ងៃទី៦ ខែឧសភា ឆ្នាំ២០២០ មកដល់ស្រុកកំណើតនៅស្រុកក្រូចឆ្មារ ខេត្តត្បូងឃ្មុំ វេលាម៉ោងប្រមាណ១រសៀល ដើម្បីធ្វើពិធីបុណ្យទៅតាមប្រពៃណីសាសនា៕ដោយ៖កូឡាប