ជនស៊ីលវិលចំនួន ១៣២នាក់ ត្រូវបានសម្លាប់ដោយយោធាអាមេរិច ក្នុងប្រតិបត្តិការទូទាំងពិភពលោកកាលពីឆ្នាំ ២០១៩។ នេះបើតាមការបញ្ជាក់របស់យោធា កាលពីថ្ងៃពុធម្សិលមិញនេះ។ តួលេខនេះទាបជាងខ្លាំង ទៅនឹងតួលេខដែលចុះផ្សាយដោយក្រុមអង្គការ។
មន្ទីរបញ្ចកោណអាមេរិចថ្លែងក្នុងសេចក្តីប្រកាសថា ក្រសួងការពារជាតិអាមេរិច “បានវាយតម្លៃថា មានជនស៊ីវិលប្រហែល ១៣២នាក់បានស្លាប់ និងប្រហែល ៩១នាក់បានរងរបួស កាលពីឆ្នាំ ២០១៨ ក្នុងកំឡុងកិច្ចប្រតិបត្តិការយោធាអាមេរិច នៅក្នុងប្រទេសអ៊ីរ៉ាក់ ស៊ីរី អាហ្គានីស្ថាន និងសូម៉ាលី”។
របាយការណ៍បន្ថែមទៀតថា “ក្រសួងការពារជាតិមិនបានរកឃើញថា មានជនស៊ីវិលស្លាប់នៅ ក្នុងកិច្ចប្រតិបត្តិការយោធា នៅក្នុងប្រទេសយ៉េមែន និងលីប៊ីកាលពីឆ្នាំមុនឡើយ”។
ចំនួនជនស៊ីវិលស្លាប់ច្រើនបំផុត គឺនៅក្នុងប្រទេសអាហ្គានីស្ថាន ដោយមានអ្នកស្លាប់ ១០៨នាក់ និងរបួស ៧៥នាក់។
ចំណែកនៅក្នុងប្រទេសស៊ីរី និងអ៊ីរ៉ាក់ មន្ត្រីបញ្ចាកោថា យោធាអាមេរិចធ្វើឲ្យមានការបាត់បង់ជិវិតជនស៊ីវិល ២២នាក់ និងរងរបួស ១៣នាក់។
មានជនស៊ីវិលត្រឹម ២នាក់ប៉ុណ្ណោះស្លាប់នៅប្រទេសសូម៉ាលី និង ៣នាក់រងរបួស។
អង្គការក្រៅរដ្ឋាភិបាលជាច្រើន បានធ្វើការចុះផ្សាយជារឿយៗ ពីតួលេខអ្នកស្លាប់ដ៏ខ្ពស់ ដែលបណ្តាលមកពីការវាយប្រហារ របស់អាមេរិចនៅក្នុងតំបន់សង្គ្រាម។
អង្គការ NGO Airwars ដែលបានតាមដានពីជនរងគ្រោះ នៃការទំលាក់គ្រាប់បែកជុំវិញពិភពលោក បានធ្វើការប៉ាន់ប្រមាណថា មានជនស៊ីវិលចន្លោះ ៤៦៥នាក់ ទៅ ១.១១៣នាក់បានស្លាប់នៅក្នុងប្រទេសស៊ីរី ដោយប្រតិបត្តិការគាំទ្រដោយ អាមេរិចកាលពីឆ្នាំមុន៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia