បាត់ដំបង៖ គ្រោះធម្មជាតិខ្យល់កន្ត្រាក់នៅខេត្តបាត់ដំបង បានបំផ្លាញផ្ទះប្រជាពលរដ្ឋដួលរលំរបើកដំបូល អស់ចំនួន១.៥៨៥ខ្នង ក្នុងនោះធ្ងន់៣៦២ខ្នង មធ្យម៥២៣ ស្រាល៧០០ខ្នង នៅដើមឆ្នាំ២០២០។ ប៉ុន្តែសាខាកាកបាទក្រហមកម្ពុជាខេត្តបាត់ដំបង បានឆ្លើយតបចំពោះគ្រួសាររងគ្រោះធ្ងន់ និងមធ្យមចំនួន ៥១២ គ្រួសារ នៅមិនទានឆ្លើយតបចំនួន៣៤៤គ្រួសារ នៅលើស្រុកចំនួន៧ រួមមាន ស្រុកកំរៀង ១០៥គ្រួសារ ស្រុករតនមណ្ឌលចំនួន ៥៧ខ្នង/ធ្ងន់ចំនួន ២៦ខ្នង ស្រុកភ្នំព្រឹកចំនួន ៧២គ្រួសារ ធ្ងន់ចំនួន ៣៤ខ្នង ស្រុកបវេលចំនួន៤៩គ្រួសារធ្ងន់ចំនួន ១៦ខ្នង ស្រុកបាណន់ចំនួន ២៣ខ្នងធ្ងន់៩ខ្នង ស្រុករុក្ខគីរី ចំនួន ២៩ខ្នង ធ្ងន់៨ខ្នង ស្រុកគាស់ក្រឡចំនួន ខ្នង ៩ធ្ងន់៤ខ្នង។
ឯកឧត្តមបណ្ឌិត ប៊ុត គឹមស៊ាន ប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង បានមានប្រសាសន៍ថា ក្នុងខែមេសានេះ ខេត្តបាត់ដំបង បានរងផលប៉ះពាល់ដោយខ្យល់កន្ត្រាក់កើតឡើងចំនួន ២៥លើក នៅលើស្រុកចំនួន១២ ក្នុងឃុំសង្កាត់ចំនួន៦៨ បណ្តាលឲ្យខូចខាតផ្ទះប្រជាពលរដ្ឋសរុបចំនួន ១.៥៨៥ ខ្នង ក្នុងនោះធ្ងន់៣៦២ខ្នង មធ្យម ៥២៣ស្រាល៧០០ ខ្នង។ សាខាកាកបាទក្រហមកម្ពុជាខេត្តបាត់ដំបង បានឆ្លើយតបចំពោះគ្រួសាររងគ្រោះធ្ងន់ និងមធ្យមចំនួន ៥១២ គ្រួសារ នៅមិនទានឆ្លើយតបចំនួន៣៤៤គ្រួសារ លើស្រុកចំនួន៧រួមមាន(១)ស្រុកកំរៀង ១០៥គ្រួសារ( ២)ស្រុករតនមណ្ឌលចំនួន ៥៧ខ្នង ធ្ងន់ចំនួន ២៦ខ្នង(៣)ស្រុកភ្នំព្រឹកចំនួន ៧២គ្រួសារ ធ្ងន់ចំនួន ៣៤ខ្នង(៤)ស្រុកបវេលចំនួន៤៩គ្រួសារធ្ងន់ចំនួន ១៦ខ្នង(៥)ស្រុកបាណន់ចំនួន ២៣ខ្នងធ្ងន់៩ខ្នង (៦)ស្រុករុក្ខគីរី ចំនួន ២៩ខ្នង ធ្ងន់៨ខ្នង (៧)ស្រុកគាស់ក្រឡចំនួន ខ្នង ៩ធ្ងន់៤ខ្នង។ ដោយឡែកកាលពីថ្ងៃទី ២៣ -២៤ខែមេសា ឆ្នាំ២០២០នេះ ខ្យល់កន្ត្រាក់បានប៉ះពាល់លើស្រុកចំនួន ៧ ក្នុងឃុំចំនួន ១៩ ដែលធ្វើឲ្យខូចខាតផ្ទះប្រជាពលរដ្ឋចំនួន ៦១៥ខ្នងផ្ទះ ធ្ងន់ចំនួន ៨៦ខ្នង មធ្យមចំនួន ១៨៦ខ្នងនិងស្រាលចំនួន ៣៤៣ខ្នង។ សាខាកាកបាទក្រហមកម្ពុជាខេត្តបាត់ដំបង បានស្នើសុំគោរពការណ៍ឯកឧត្តមបណ្ឌិតប្រធាន ចុះពិនិត្យផលប៉ះពាល់ជាក់ស្តែង ក្នុងស្រុកគោលដៅដែលរងគ្រោះច្រើន ចំនួន២ស្រុក រួមមាន ស្រុកកំរៀង និងស្រុករតនមណ្ឌល ដើម្បីវាយតម្លៃផលប៉ះពាល់ និងធ្វើរបាយការណ៍ជូនថ្នាក់ដឹកនាំ ពិនិត្យឆ្លើយតបបានទាន់ពេលវេលា។
គួរបញ្ជាក់ផងដែរថា កាលពីព្រឹកថ្ងៃទី៧ខែឧសភាឆ្នាំ២០២០នេះ ឯកឧត្តមសន្តិបណ្ឌិត សុខ ផល ប្រធានកិត្តិយសសាខាកាកបាទក្រហមកម្ពុជា ខេត្តបាត់ដំបង ឯកឧត្តមបណ្ឌិត ប៊ុត គឹមស៊ាន ប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង បានអញ្ជើញជាអធិបតី ក្នុងការចុះចែកអំណោយ ជូនប្រជាពលរដ្ឋរងគ្រោះ ដោយខ្យល់កន្ត្រាក់ចំនួន១៥នាក់ និងក្រីក្រខ្លាំង៣២នាក់ នៅឃុំតាគ្រាម ស្រុកបាណន់ ខេត្តបាត់ដំបងផងដែរ៕
ដោយ ៖ អ៊ុងសារុំ
