ភ្នំពេញ៖ អង្គភាពអ្នកនាំពាក្យរាជរដ្ឋាភិបាល បានចេញសេចក្តីប្រកាសព័ត៌មានថា នៅថ្ងៃព្រហស្បតិ៍ ទី៧ ខែឧសភា ឆ្នាំ២០២០ អង្គភាពអ្នកនាំពាក្យរាជរដ្ឋាភិបាល រៀបចំសន្និសទីសារព័ត៌មានស្តីពី« គម្រោងសហហិរញ្ញប្បទានទ្រទ្រង់សហគ្រាសធុនតូច និងមធ្យម និងបញ្ហាប្រឈមរបស់ធនាគារសហគ្រាសធុនតូច និងមធ្យម» ដែលមានវាគ្មិនអញ្ជើញចូលរួម ៖
លោកឧញ៉ា តែ តាំងប៉ ប្រធានសម្ព័ន្ធសមាគមសហគ្រាសធនតូច និងមធ្យមកម្ពុជា លោក ឈា ឡាយហ៊ី ប្រធាននាយកដ្ឋានសហគ្រាសធុនតូច និងមធ្យម នៃក្រសួងឧស្សាហកម្ម វិទ្យាសាស្ដ្រ បច្ចេកវិទ្យា និងនវានុវត្ដន៍។
ខ្លឹមសារនៃសន្និសីទសារព័ត៌មាន មានគោលបំណងក្នុងការជម្រាបជូនសាធារណជន ឲ្យបានជ្រាបច្បាស់ពីការពង្រីកការអនុវត្តន៍ច្បាប់ចំពោះការនាំចូលមកកម្ពុជា ដើម្បីជំរុញនិងបង្កើតភាពងាយស្រួលនូវទំនិញប្រភេទអាជីវកម្មខ្នាតតូច និងមធ្យម ក្នុងការនាំចេញ និងលើកទឹកចិត្តដល់សហគ្រាសធុនតូច និងមធ្យម ឲ្យកែច្នៃវត្ថុធាតុដើមពីកសិកម្ម ដែលជាកម្លាំងចលករមួយ យ៉ាងសំខាន់ លើយុទ្ធសាស្ត្ររាជរដ្ឋាភិបាល ក្នុងការជំរុញនិងអភិវឌ្ឍន៍វិស័យកសិកម្ម។
បើតាមប្រកាសព័ត៌មាន ផលប៉ះពាល់ជាក់ស្តែងពីជំងឺកូវីដ១៩ ទៅលើសហគ្រាសធនតូច និងមធ្យម នឹងត្រូវបានធ្វើក្នុងពេលខាងមុខ ដើម្បីកំណត់យកនូវបញ្ហាក្នុងការកំណត់យក និងស្វែងរកដំណោះស្រាយនូវដំណោះស្រាយប្រកបដោយប្រសិទ្ធភាព ។ ការសិក្សាលើផលប៉ះពាល់នៅទៀតសោត ត្រូវបានកំណង់ជាពីរផ្នែកគឺ ១)ចំណីអាហារ ៖ សង្កេតឃើញមានការកើនឡើង ក្នុងអំឡុងខែមីនាំមានការធ្លាក់ចុះតិចតួចក្នុងរយៈពេលចុងក្រោយនេះ។ ២) មិនមែនចំណីអាហារ ៖ សង្កេតឃើញមានការធ្លាក់ចុះខ្លាំង និងមានការប៉ះពាល់ខ្លាំងជាងគេ៕
ដោយ៖កូឡាប
