ភ្នំពេញ៖ កញ្ញា មាស សុខសោភា ជាតារាចម្រៀងស្រីមួយដួង ត្រូវបានចាត់ទុកថា អាចបកស្រាយបានគ្រប់ទម្រង់នៃបទចម្រៀងទាំងអស់ មិនថាបទបែបញាក់កន្ត្រាក់អារម្មណ៍ មនោសញ្ចេតនា បទបុរាណ ឬសូម្បីបទជាភាសាបរទេសនោះទេ គឺសុទ្ធសឹងតែពីរោះស្តាប់មិនចេះជិតណាយនោះឡើយ។
បើទោះជាបានឈានជើងចូលប្រឡូកក្នុងវិស័យសិល្បៈចម្រៀងរាងចាស់វស្សាក៏ដោយ ក៏កញ្ញា មាស សុខសោភា នៅតែទទួលបានការគាំទ្រដដែលពីសំណាក់មហាជនគ្រប់ស្រទាប់វ័យ ។ ព្រោះគ្រប់គ្នាចាត់ទុកថា កញ្ញាជាតារាចម្រៀងស្រីមានទឹកដមសំឡេងយ៉ាងពីរោះក្រអួនក្រអ៉ៅ ហើយផ្អែមស្រទន់ទៀតផង។
ពិតណាស់ ក្រៅពីជាប់រវល់នឹងការងារសិល្បៈ កញ្ញាក៏មានពេលវេលាឆ្លៀតលំហែកាយ និងធ្វើអ្វីៗដើម្បីសុខភាពផងដែរ ។ ជាក់ស្តែង ថ្មីៗនេះ កញ្ញាបានបញ្ចេញនូវសកម្មភាពហាត់ប្រាណ ជាមួយឈុតហាត់ប្រាណយ៉ាងស៊ិចស៊ី ធ្វើឲ្យហ្វេនៗបើកភ្លែកធំៗមើលសឹងពុំដាក់ភ្នែកតែម្តង ។
នេះបើយោងតាមផេកហ្វេសប៊ុកផ្លូវការរបស់កញ្ញា មាស សុខសោភា បានបង្ហោះរូបប៉ុន្មានសន្លឹកនិងភ្ជាប់សារមួយឃ្លាថា៖ «តោះបងប្អូននៅផ្ទះហាត់ប្រាណដើម្បីទទួលបានរាងស្អាតនិងសុខភាពល្អជាមួយខ្ញុំទាំងអស់គ្នាណា » ៕ ដោយ៖ លឹម ហុង
