ភ្នំពេញ៖ បន្ទាប់ពីគ្លីនិកសុធារិទ្ធបែកចាន ដេរនិងលាងរបួសដល់ជនរងគ្រោះពីរនាក់ ហើយយកលុយថ្លៃព្យាបាលជិត 1 ពាន់ដុល្លារនោះ ធ្វើឲ្យមានការប្រតិកម្មពីលើបណ្ដាញសង្គមហ្វេសប៊ុកក៏ដូចជាអាជ្ញាធរមូលដ្ឋានផងដែរ។ ពាក់ព័ន្ធករណីនេះក្រសួងសុខាភិបាល នៅថ្ងៃទី៨ ខែឧសភា ឆ្នាំ២០២០ នេះ ចេញលិខិតព្រមានជាផ្លូវការចំពោះលោកវេជ្ជបណ្ឌិត គូរ គឹមហៀក ប្រធានមន្ទីរសម្រាកព្យាបាល សុធារិទ្ធ បែកចាន និង លោកវេជ្ជបណ្ឌិត ស្រស់ សុភ័ក្ត្រា ម្ចាស់ទុនមន្ទីរសម្រាកព្យាបាលសុធារិទ្ធ បែកចាន ចំពោះកំហុសចំនួន២ករណី ។មន្ទីរសម្រាកព្យាបាលសុធារិទ្ធ បែកចាន មានទីតាំងស្ថិតនៅផ្ទះលេខ៤០ ផ្លូវលេខ៤ ឃុំបែកចាន ស្រុកអង្គស្នួល ខេត្តកណ្តាល ។
បើតាមសេចក្តីប្រកាសព័ត៌មានរបស់ក្រសួងសុខាភិបាលា លោកជំទាវ ឱ វណ្ណឌីនអ្នកនាំពាក្យនិងជារដ្ឋលេខាធិការនៃ ក្រសួងសុខាភិបាល សូមព្រមាន ចំពោះលោកវេជ្ជបណ្ឌិត គូរ គឹមហៀក និង លោកវេជ្ជបណ្ឌិត ស្រស់ សុភ័ក្ត្រា ទៅលេីករណីដែលបានយករថយន្តគិលានស ង្គ្រោះទៅដឹកអ្នករ ង រ បួ សដោយ គ្រោះ ថ្នា ក់ចរាចរណ៍ មកព្យាបាល នៅក្នុងមន្ទីរសម្រាក ព្យាបាល របស់ខ្លួនខុសទៅនឹងចរាចរណែនាំរបស់ក្រសួងសុខាភិបាល ដែលករណីនេះកេីតឡេីងនៅថ្ងៃទី៦ ខែឧសភា ឆ្នាំ២០២០ និង ការយកតម្លៃសេវាព្យាបាលច្រេីនលេីសពីប្រក្រតីដែលមិនមានតារាងតម្លៃច្បាស់លាស់ដាក់នៅក្នុងមន្ទីរសម្រាកព្យាបាលសម្រាប់អោយអតិថិជន ឬ អ្នកជំងឺបានដឹងជាមុនទៅតាមការណែនាំរបស់ក្រសួងសុខាភិបាល ។
បន្ថែមលេីការព្រមាននេះ ក្រសួងបានធ្វេីការផាកពិន័យស្របតាមច្បាប់ដែលមានជាធរមាន ។ ក្នុងករណីមិនគោរពតាមការណែនាំ ក្រសួងសុខាភិបាលនឹងបិទមន្ទីរសម្រាកព្យាបាល សុធារិទ្ធ បែកចាន ព្រមទាំងលោកវេជ្ជបណ្ឌិត គូរ គឹមហៀក និង លោកវេជ្ជបណ្ឌិត ស្រស់ សុភ័ក្ត្រា ត្រូវទទួលខុសត្រូវចំពោះមុខច្បាប់ជាធរមាន ។
សូមបញ្ជាក់ថា ប្តីប្រពន្ធ២នាក់ បានជួបថ្នាក់ចរាចរណ៍ រងរបួសរលាត់ដៃជើង និងមុខមាត់ ក៏បាននាំគ្នាចូលទៅលាងរបួស និងព្យួរសេរ៉ូមម្នាក់១ប្លោក នៅមន្ទីរសម្រាកព្យាបាល និងសម្ភព សុធារិទ្ធបែកចាន។ លុះពេលខាងមន្ទីរពេទ្យចេញវិក្កយបត្របង់លុយស្រាប់តែអស់ជិត១ពាន់ដុល្លារ ធ្វើឲ្យប្តីប្រពន្ធរងគ្រោះហួសចិត្តស្ទើរទន់ជង្គង់ដួលសន្លប់។
ករណីមន្ទីរពេទ្យកោរអ្នកជំងឺមិនដាក់ទឹកនេះ បានកើតឡើង នៅវេលាយប់ថ្ងៃទី៦ ខែឧសភា ឆ្នាំ២០២០ នៅចំណុចមន្ទីរសម្រាកព្យាបាល និងសម្ភព សុធារិទ្ធបែកចាន ស្ថិតនៅផ្ទះលេខ៤០ ផ្លូវជាតិលេខ៤ ភូមិស្វាយជ្រុំ ឃុំបែកចាន ស្រុកអង្គឈ្នួល។
ប្តីប្រពន្ធជនរងគ្រោះ បានប្រាប់ឲ្យដឹងថា ក្រោយពីពួក គាត់ជួបគ្រោះថ្នាក់ចរាចរណ៍ ក៏បាននាំគ្នាមកលាងមុខរបួស រុំដៃជើង និងព្យួរសេរ៉ូមអស់ម្នាក់១ប្លោក លុះពេលខាងមន្ទីរពេទ្យចេញវិក្កយបត្របង់លុយចំនួន២សន្លឹក សរុបចូលគ្នាមានចំនួនទឹកប្រាក់ដល់៧៥០ដុល្លារ ធ្វើឲ្យពួកគាត់រន្ធត់ចិត្តជាខ្លាំង ហើយពេលនេះខាងមន្ទីរពេទ្យកំពូលកោរ បានបង្ខំឲ្យពួកគាត់យកលុយមកបង់ថ្លៃពេទ្យជាបន្ទាន់ បើដោះស្រាយមិនទាន់នោះទេត្រូវទុកម៉ូតូនៅទីនោះសិន ចាំយកលុយមកគ្រប់ចំនួនចាំដោះស្រាយគ្នា។
ប្តីប្រពន្ធជនរងគ្រោះ បញ្ជាក់ថា ពួកគាត់មានជីវភាពក្រីក្រណាស់ ពោលគឺរកមួយថ្ងៃសម្រាប់ហូបមួយថ្ងៃ ហើយគ្រាន់តែចូលលាងមុខរបួសរលាត់ដៃជើង និងព្យួរសេរ៉ូមម្នាក់១ប្លោកប៉ុណ្ណឹង ខាងមន្ទីរសម្រាកព្យាបាល និងសម្ភព សុធារិទ្ធបែកចាន គិតលុយថ្លៃបែបនេះ តើពួកគាត់រកប្រាក់ឯណាបានឲ្យនោះ ។ ពួកគាត់ សំណូមពរដល់ ក្រសួងសុខាភិបាលកម្ពុជា ក៏ដូចសមត្ថកិច្ចពាក់ព័ន្ធ មេត្តាចុះត្រួតពិនិត្យមើលគ្លីនិកមួយនេះផង កុំឲ្យយកថ្លៃពេក ដែលរកស៊ីបែបនេះ មិនខុសចាប់ជម្រិតយកលុយអ្នកជំងឺទេ៕ ដោយ៖កូឡាប