ភ្នំពេញ៖សេចក្ដីប្រកាសព័ត៌មាន របស់អគ្គស្នងការដ្ឋាននគរបាលជាតិ គឺ ពុំបានប្រកាសឬដាក់ចេញនូវគោលការណ៍ពន្យារ ឬលើកពេលក្នុងការត្រួតពិនិត្យិនិត្យ និងពិន័យចំពោះករណីគ្មានប័ណ្ណបើកបរនោះទេ។ សូមបងប្អូនកុំយល់ច្រលំចំពោះព័ត៌មានចាស់ៗ កាលពី ២០១៥ កន្លងមក។
សូមរួសរាន់ទៅប្រឡងយកប័ណ្ណបើកបរ ទៅតាមតម្រូវការរបស់បងប្អូនប្រើប្រាស់យានជំនិះ។
អ្នកនាំពាក្យនៃអគ្គស្នងការដ្ឋាននគរបាលជាតិ មានកិត្តិយស សូមជម្រាបជូន សាធារណជន និងអ្នកប្រើប្រាស់ផ្លូវទាំងអស់ មេត្តាជ្រាបថា ៖ ក្នុងរយៈពេលដែលសមត្ថកិច្ចនគរបាលចរាចរណ៍កំពុងតែអនុវត្តវិធានការរឹងបន្តឹងអនុវត្តច្បាប់ចរាចរណ៍ផ្លូវគោក តាមស្មារតីអនុក្រឹត្យ៣៩ អនក្រ.បកចុះថ្ងៃទី១៧ ខែមីនា ឆ្នាំ២០២០ ស្រាប់តែមានប្រព័ន្ធ ទំនាក់ទំនងសង្គមមួយចំនួនបានបង្ហោះឃ្លីបសារសំឡេងរបស់ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ ដែលមានខ្លឹមសារថា «អគ្គស្នងការ នគរបាលជាតិប្រកាសលើកពេលពិន័យឡាន ម៉ូតូ ដែលគ្មានប័ណ្ណបើកបរ » ដោយការផ្សព្វផ្សាយនេះ នាំឲ្យអ្នកប្រើប្រាស់ផ្លូវមានការភ័ន្តច្រឡំ ចំពោះចំណាត់ការ របស់សមត្ថកិច្ច ៕ ដោយ៖កូឡាប
សូមអានខ្លឹមសារទាំងស្រុងនៅខាងក្រោមនេះ ៖