ភ្នំពេញ៖ កាលពីថ្ងៃទី៩ ខែឧសភា ម៉ោង១ល្ងាច សាកសពរបស់ទារកម្នាក់ ត្រូវបានរកឃើញនៅក្នុងបន្ទប់ទឹក ក្នុងផ្សារនៅក្នុងភូមិឬស្សី១ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ។
អង្គការ CPU បានទទួលដំណឹង ហើយក្រុមការងារ HIT និង FST បានចូលរួមជាមួយនគរបាលក្រុងភ្នំពេញ និងខណ្ឌមានជ័យ ដើម្បីធ្វើការពិនិត្យកន្លែងកើតហេតុ និងសាកសព។ យើងបានកំណត់អាយុរបស់សាកសព ពី៨ទៅ១២ម៉ោងតែប៉ុណ្ណោះ។
ការត្រួតពិនិត្យសាកសព បានបង្ហាញថា ទារកបានចាប់ផ្តើមដកដង្ហើម ហើយសកម្មភាពជុំវិញមរណភាព ត្រូវបានចាត់ទុកជាករណីឃាតកម្ម។
ការស៊ើបអង្កេតកំពុងតែដំណើរការ ពាក់ព័ន្ធនឹងរឿងរ៉ាវជុំវិញការស្លាប់ និងការពិនិត្យតាមមជ្ឈមណ្ឌលសុខភាព និងមន្ទីរពេទ្យមួយចំនួន។ CPU បានធ្វើការបូជាសាកសពតាមប្រពៃណី។ ការស៊ើបអង្កេតកំពុងតែបន្ត៕ដោយ៖កូឡាប
