បន្ទាយមានជ័យ ៖ រដ្ឋបាលខេត្តបន្ទាយមានជ័យ នឹងបើកការស៊ើបអង្កេតលើមន្ត្រី និងពលរដ្ឋពាក់ព័ន្ធ ដោយឡែកម្នាក់ៗ ជុំវិញរឿងអាស្រូវអភិបាលស្រុកភ្នំស្រុក លក់ដីរដ្ឋនៅអាងត្រពាំងថ្ម ។ នេះបើតាមប្រភពព័ត៌មានបានប្រាប់ឲ្យដឹង នៅថ្ងៃទី៩ ខែឧសភា ឆ្នាំ២០២០ ។
ឯកឧត្តមអ៊ុំ រាត្រី អភិបាលខេត្តបន្ទាយមានជ័យ បានឲ្យផ្នែករដ្ឋបាលចេញលិខិតកោះអញ្ជើញ មន្ត្រីជាអភិបាលរងស្រុក ប្រធានភូមិបាល មន្ត្រីពាក់ព័ន្ធនៅស្រុក មេឃុំ មេភូមិ ឈ្មួញ ពលរដ្ឋមួយចំនួន ដើម្បីចូលខ្លួនបំភ្លឺករណីទីតាំងដីទុក សម្រាប់ធ្វើប៉ុស្តិ៍ការពារសន្តិសុខសណ្តាប់ធ្នាប់ របស់កងកម្លាំងទាំង៣ (នគរបាល កងរាជអាវុធហត្ថ និងផ្នែកសឹករងស្រុក) និងដីរបស់ពលរដ្ឋនៅសងខាងផ្លូវ ឡើងអាងទំនប់អាងត្រពាំងថ្ម ស្ថិតនៅភូមិត្រពាំងថ្មកណ្តាល ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ ។ ការបំភ្លឺនឹងធ្វើនៅសាលាខេត្តដាច់ដោយឡែកពីគ្នា នៅថ្ងៃទី១២ ខែឧសភា ឆ្នាំ២០២០ ខាងមុខ ។ ការកោះហៅនេះ បន្ទាប់ពីលោកអភិបាលខេត្ត បានដឹកនាំប្រជុំដោះស្រាយបាតុភាព នៃការផ្ទុះរឿងអាស្រូវ ដោយចោទប្រកាន់ថា លោក យឹម សំណាង អភិបាលស្រុកភ្នំស្រុក បានឃុបឃិតគ្នាលក់ដីរដ្ឋនៅអាងត្រពាំងថ្ម ក្នុងអំឡុងខែមីនា និងខែមេសា ឆ្នាំ២០២០ កន្លងមក ។
សូមរំលឹកថា ៖ កន្លងមក រដ្ឋបាលខេត្តបានបញ្ជូនមន្ត្រី២ក្រុមទីទៃពីគ្នា ចុះស្រាវជ្រាវពាក្យបណ្តឹង របស់កងកម្លាំងទាំង៣ (នគរបាលស្រុក កងរាជអាវុធហត្ថស្រុក និងផ្នែកសឹករងស្រុកភ្នំស្រុក) ដែលអធិការ ,មេបញ្ជាការ នៃអង្គភាពនីមួយៗ បានប្តឹងមកថ្នាក់ខេត្តពីករណី ដែលចោទថា លោក យឹម សំណាង អភិបាលស្រុកភ្នំស្រុក និងអភិបាលរង មន្ត្រីចំណុះស្រុក មេឃុំ មេភូមិនិងពលរដ្ឋបានឃុបឃិតគ្នាជាប្រព័ន្ធ ឆ្ពិនភ្នែកលក់ដីរដ្ឋរបស់អង្គភាពខាងលើ។ បន្ថែមលើនោះ ការបែកធ្លាយដល់ការលក់ ឬធ្វើរបូតបាត់ដីរដ្ឋ នៃសារពើភ័ណ្ឌរបស់អាជ្ញាធរដែនដី និងរបស់មន្ទីរធនធានទឹក និងឧតុនិយមឲ្យទៅជាកម្មសិទ្ធិបុគ្គលឯកជននៅម្តុំនោះ ឲ្យទៅបុគ្គលឯកជនជាច្រើននាក់។ ប៉ុន្តែដោយសារថា របាយការណ៍មន្ត្រីសាលាខេត្តទាំង២ក្រុមនោះមិនដូចគ្នា គឺរបាយការណ៍ខាងក្រុមលោក ណង វុទ្ធី នាយករងរដ្ឋបាលខេត្តថា ដីរដ្ឋវាពិតជាត្រូវគេ ហ៊ានធ្វើឯកសារដើម្បីយកទៅលក់ឲ្យឯកជនមែន។ ផ្ទុយទៅវិញ របាយការណ៍របស់ក្រុមលោក នូ យ៉ត ប្រធានការិយាល័យគ្រប់គ្រង់សារពើភ័ណ្ឌរដ្ឋសាលាខេត្ត ៖ ថាដីរដ្ឋទាំងនោះបានក្លាយទៅជាដីឯកជន ទៅហើយ (អង្ករក្លាយជាបាយ )។ ហេតុនេះហើយទើបឯកឧត្តមអភិបាលខេត្ត ចាត់ឲ្យមន្ត្រីជំនាញចុះធ្វើការស៊ើបអង្កេតជាថ្មីម្តងទៀត មុននឹងរដ្ឋបាលសម្រេច ។ ជាមួយគ្នានេះ រដ្ឋបាលខេត្តបញ្ជាឲ្យទប់ស្កាត់ចាក់ដី, ហាមបញ្ជាក់ទិញលក់ ផ្ទេរ និងសាងសង់សំណង់គ្រប់ប្រភេទនៅលើដីរដ្ឋ នៅសងខាងផ្លូវ ឡើងទៅអាងត្រពាំងថ្មនោះដែរ ។
ក្រោយបែកធ្លាយរឿងអាស្រូវនេះទៅហើយ ក៏លោកអភិបាលស្រុកភ្នំស្រុក និងមន្ត្រីនៅបានឃុបឃិតឲ្យគេចាក់ដីលុបបំបាត់ភស្តុតាង លើដីដែលកងកម្លាំងទាំង៣ កំពុងប្តឹងផ្តល់ និងចាក់លើដីរដ្ឋដែលលក់ឲ្យឯកជនផ្សេងទៀត ។
លិខិតរបស់រដ្ឋបាលខេត្តបន្ទាយមានជ័យ លេខ២៦៦/ ២០សជណ ចុះថ្ងៃទី២០ ខែមេសា ឆ្នាំ២០២០ ចុះហត្ថលេខាដោយឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានបង្ហាញឲ្យដឹងថា ៖ បច្ចុប្បន្នរដ្ឋបាលខេត្តបន្ទាយមានជ័យ បានពិនិត្យឃើញថា មានការចាក់បំពេញអាចម៍ដី និងសាងសង់សំណង់លើទីតាំងដីរដ្ឋ នៅសងខាងផ្លូវឡើងទៅអាងត្រពាំងថ្ម ស្ថិតនៅភូមិត្រពាំងថ្មខាងជើង ភូមិត្រពាំងថ្មខាងត្បូង ឃុំប៉ោយចារ ស្រុកភ្នំស្រុក ។ ពាក់ព័ន្ធករណីនេះ រដ្ឋបាលខេត្តស្នើលោកអភិបាលស្រុកភ្នំស្រុក ចាត់វិធានការទប់ស្កាត់ការចាក់បំពេញអាចម៍ដី ការសាងសង់សំណង់គ្រប់ប្រភេទ ដោយគ្មានលិខិតអនុញ្ញាត ពីអាជ្ញាធរមានសមត្ថកិច្ច និងហាមបញ្ជាក់ទទួលស្គាល់រាល់ការទិញ លក់ដូរ ផ្ទេរសិទ្ធិគ្រប់ប្រភេទលើទីតាំងដីរដ្ឋ នៅសងខាងផ្លូវឡើងទៅអាងត្រពាំងថ្ម ។
សូមរំលឹកដែរថា កន្លងមក ដល់ថ្ងៃនេះ នៅតែមានករណីដូចដែលខេត្ត បានហាមដូចខាងលើ ដែលមើលទៅលោកអភិបាលស្រុកភ្នំស្រុក និងរដ្ឋបាលស្រុកនេះ មិនត្រឹមតែមិនទទួលស្គាល់កំហុសរបស់ខ្លួន ដែលប្រើល្បិចកលជាក្រុមបន្លំលក់ដីរដ្ឋ របស់អាជ្ញាធរដែនដី និងដីរដ្ឋនៃក្រសួងធនធានទឹក ទៅឲ្យឯកជនប៉ុណ្ណោះទេ ។ ប៉ុន្តែនៅថែមទាំងធ្វើជាខ្នងបង្អែក ឲ្យអ្នកឃុបឃិតក្នុងរត់ការធ្វើប័ណ្ណសម្គាល់កម្មសិទ្ធិលើអចលនវត្ថុ (ប្លង់រឹង) និងឲ្យមានចលនាចាក់ដីបំពេញលើបឹងត្រាវ បឹងកំប្លោក បឹងឈូកជាដីរដ្ឋនៅទីតាំងខាងលើថែមទៀត។ សកម្មភាពខុសច្បាប់ខាងលើ បានផុលផុសខ្លាំងនៅក្នុងទូទាំងខេត្ត និងប្រទេសបានជាប់ដៃបាននិងកំពុងធ្វើយុទ្ធនាការ ប្រយុទ្ធប្រឆាំងនឹងជំងឺកូវីត១៩។ សូមរំលឹកដែរថា ដីរដ្ឋ៣ទីតាំងនៅជាប់អាងត្រពាំងថ្ម ដែលត្រូវបានលោក យឹម សំណាង អភិបាលស្រុកភ្នំស្រុក និងមន្ត្រី ព្រមទាំងឈ្មួញ រត់ការឃុបឃិតគ្នាលក់ ផ្ទេរ ដោះដូរមាន៣ ៖ ប្រភេទទី១ ដីនោះស្ថិតនៅជាប់ខាងត្បូងផ្លូវចូលអាងត្រពាំងថ្ម និងក៏ជាប់នឹងរោង ខ្ចូសលក់អាហាររមណីយដ្ឋានអាងត្រពាំងថ្ម ហើយត្រូវបានចែកជារបបអង្គភាពរដ្ឋ៣ស្ថាប័ន ( នគរបាល អាវុធហត្ថ និងយោធា) មានទំហំទទឹង៣៦ម៉ែត្រ បណ្តាយជិត១០០ម៉ែតត្រ ឬប្រមាណ៥.៥៧៣ម៉ែត្រក្រឡា។ លក់ក្នុងតម្លៃ១ម៉ែត្រ ដើរគុណជម្រៅ១០០ម៉ែត្រ តម្លៃ៣.៥០០ទៅ៤.០០០ដុល្លារ ។ ទី២ -ដីជាប់-ក ខាងកើតនៃស្ពានទី១ទំនប់អាងត្រពាំងថ្ម ដែលដោះដូរឲ្យឯកជនធ្វើហាងអាហារយីហោ យៀត និមល ទំហំជាង៣០ម៉ែត្រគុណ៥០ម៉ែត្រ ។ និងទី៣ ក៏មានការផ្ទេរកម្មសិទ្ធិដីធ្លី ពីក្នុងនោះ២កន្លែងទៀត ក៏ត្រូវបានផ្ទេរកម្មសិទ្ធិផងដែរ ។ គឺដីរបស់ឈ្មោះ សាវ៉ង់ យាយថឺង ១កន្លែងដែលកំពុងចាក់ដី និងដីរបស់ឈ្មោះ រតន៍ ដែលកំពុងសាងសង់ហាងកាហ្វេកុងតឺន័រ ។ ដី១កន្លែងៗ មានទំហំទទឹងជាង៣០ម៉ែត្រ បណ្តោយជាង១០០ម៉ែត្រ ។
ចំពោះដីទីតាំងទី១ ខាងលើ បើយោងលិខិតរដ្ឋបាលស្រុកភ្នំស្រុក បានឲ្យដឹងថា ៖ កាលពីថ្ងៃទី៩ ខែកញ្ញា ឆ្នាំ២០២០ ក្រុមការងារស្រុកដែល រួមមានលោក សុក រឹទ្ធី អភិបាលរងស្រុក លោក តាំង ផាន ប្រធានភូមិបាលស្រុក លោកឃុត ឃួន មេឃុំប៉ោយចារ និងមន្ត្រីអាជ្ញាធរ និងជំនាញបានចុះអង្កេតវាស់វែងដីលំនៅឋាន របស់ឈ្មោះ ស៊ិប ប៊ុនធូ អាយុ៥២ឆ្នាំ និងប្រពន្ធឈ្មោះ ឃាង ឆៃ អាយុ៤៦ឆ្នាំ លំនៅភូមិ-សង្កាត់កំពង់ស្វាយ ក្រុងសិរីសោភ័ណ។ គឺផ្ទេរកម្មសិទ្ធិកាន់កាប់ដីលំនៅដ្ឋាន ពីឈ្មោះ តោ ប៊ុនហ៊ាន ភេទប្រុស អាយុ៦៤ឆ្នាំ និងឈ្មោះ ផាំង កែវឡៃ អាយុ៦៤ឆ្នាំ ជាប្រពន្ធនៅភូមិត្រពាំងថ្មខាងត្បូង ឃុំប៉ោយចារ ស្រុកភ្នំស្រុកនោះ ។ អំពីការផ្ទេរកម្មសិទ្ធិនេះ មន្ត្រីនៃអង្គភាពខាងលើ ក៏ដូចពលរដ្ឋបានបញ្ជាក់ថា ៖ នេះជាដីរដ្ឋ មិនមែនដីរបស់ពលរដ្ឋឈ្មោះ តោ ប៊ុនហ៊ាន និងប្រពន្ធឈ្មោះ ផាំង កែវឡៃ ទៀតទេ ។
រដ្ឋបាលខេត្តបន្ទាយមានជ័យ នឹងស៊ើបអង្កេតលើមន្ត្រី និងពលរដ្ឋ ពាក់ព័ន្ធដោយឡែកម្នាក់ៗ ជុំវិញរឿងអាស្រូវ អភិបាលស្រុកភ្នំស្រុក លក់ដីរដ្ឋ នៅអាងត្រពាំងថ្ម
បន្ទាយមានជ័យ ៖ រដ្ឋបាលខេត្តបន្ទាយមានជ័យ នឹងបើកការស៊ើបអង្កេតលើមន្ត្រី និងពលរដ្ឋពាក់ព័ន្ធ ដោយឡែកម្នាក់ៗ ជុំវិញរឿងអាស្រូវអភិបាលស្រុកភ្នំស្រុក លក់ដីរដ្ឋនៅអាងត្រពាំងថ្ម ។ នេះបើតាមប្រភពព័ត៌មានបានប្រាប់ឲ្យដឹង នៅថ្ងៃទី៩ ខែឧសភា ឆ្នាំ២០២០ ។
ឯកឧត្តមអ៊ុំ រាត្រី អភិបាលខេត្តបន្ទាយមានជ័យ បានឲ្យផ្នែករដ្ឋបាលចេញលិខិតកោះអញ្ជើញ មន្ត្រីជាអភិបាលរងស្រុក ប្រធានភូមិបាល មន្ត្រីពាក់ព័ន្ធនៅស្រុក មេឃុំ មេភូមិ ឈ្មួញ ពលរដ្ឋមួយចំនួន ដើម្បីចូលខ្លួនបំភ្លឺករណីទីតាំងដីទុក សម្រាប់ធ្វើប៉ុស្តិ៍ការពារសន្តិសុខសណ្តាប់ធ្នាប់ របស់កងកម្លាំងទាំង៣ (នគរបាល កងរាជអាវុធហត្ថ និងផ្នែកសឹករងស្រុក) និងដីរបស់ពលរដ្ឋនៅសងខាងផ្លូវ ឡើងអាងទំនប់អាងត្រពាំងថ្ម ស្ថិតនៅភូមិត្រពាំងថ្មកណ្តាល ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ ។ ការបំភ្លឺនឹងធ្វើនៅសាលាខេត្តដាច់ដោយឡែកពីគ្នា នៅថ្ងៃទី១២ ខែឧសភា ឆ្នាំ២០២០ ខាងមុខ ។ ការកោះហៅនេះ បន្ទាប់ពីលោកអភិបាលខេត្ត បានដឹកនាំប្រជុំដោះស្រាយបាតុភាព នៃការផ្ទុះរឿងអាស្រូវ ដោយចោទប្រកាន់ថា លោក យឹម សំណាង អភិបាលស្រុកភ្នំស្រុក បានឃុបឃិតគ្នាលក់ដីរដ្ឋនៅអាងត្រពាំងថ្ម ក្នុងអំឡុងខែមីនា និងខែមេសា ឆ្នាំ២០២០ កន្លងមក ។
សូមរំលឹកថា ៖ កន្លងមក រដ្ឋបាលខេត្តបានបញ្ជូនមន្ត្រី២ក្រុមទីទៃពីគ្នា ចុះស្រាវជ្រាវពាក្យបណ្តឹង របស់កងកម្លាំងទាំង៣ (នគរបាលស្រុក កងរាជអាវុធហត្ថស្រុក និងផ្នែកសឹករងស្រុកភ្នំស្រុក) ដែលអធិការ ,មេបញ្ជាការ នៃអង្គភាពនីមួយៗ បានប្តឹងមកថ្នាក់ខេត្តពីករណី ដែលចោទថា លោក យឹម សំណាង អភិបាលស្រុកភ្នំស្រុក និងអភិបាលរង មន្ត្រីចំណុះស្រុក មេឃុំ មេភូមិនិងពលរដ្ឋបានឃុបឃិតគ្នាជាប្រព័ន្ធ ឆ្ពិនភ្នែកលក់ដីរដ្ឋរបស់អង្គភាពខាងលើ។ បន្ថែមលើនោះ ការបែកធ្លាយដល់ការលក់ ឬធ្វើរបូតបាត់ដីរដ្ឋ នៃសារពើភ័ណ្ឌរបស់អាជ្ញាធរដែនដី និងរបស់មន្ទីរធនធានទឹក និងឧតុនិយមឲ្យទៅជាកម្មសិទ្ធិបុគ្គលឯកជននៅម្តុំនោះ ឲ្យទៅបុគ្គលឯកជនជាច្រើននាក់។ ប៉ុន្តែដោយសារថា របាយការណ៍មន្ត្រីសាលាខេត្តទាំង២ក្រុមនោះមិនដូចគ្នា គឺរបាយការណ៍ខាងក្រុមលោក ណង វុទ្ធី នាយករងរដ្ឋបាលខេត្តថា ដីរដ្ឋវាពិតជាត្រូវគេ ហ៊ានធ្វើឯកសារដើម្បីយកទៅលក់ឲ្យឯកជនមែន។ ផ្ទុយទៅវិញ របាយការណ៍របស់ក្រុមលោក នូ យ៉ត ប្រធានការិយាល័យគ្រប់គ្រង់សារពើភ័ណ្ឌរដ្ឋសាលាខេត្ត ៖ ថាដីរដ្ឋទាំងនោះបានក្លាយទៅជាដីឯកជន ទៅហើយ (អង្ករក្លាយជាបាយ )។ ហេតុនេះហើយទើបឯកឧត្តមអភិបាលខេត្ត ចាត់ឲ្យមន្ត្រីជំនាញចុះធ្វើការស៊ើបអង្កេតជាថ្មីម្តងទៀត មុននឹងរដ្ឋបាលសម្រេច ។ ជាមួយគ្នានេះ រដ្ឋបាលខេត្តបញ្ជាឲ្យទប់ស្កាត់ចាក់ដី, ហាមបញ្ជាក់ទិញលក់ ផ្ទេរ និងសាងសង់សំណង់គ្រប់ប្រភេទនៅលើដីរដ្ឋ នៅសងខាងផ្លូវ ឡើងទៅអាងត្រពាំងថ្មនោះដែរ ។
ក្រោយបែកធ្លាយរឿងអាស្រូវនេះទៅហើយ ក៏លោកអភិបាលស្រុកភ្នំស្រុក និងមន្ត្រីនៅបានឃុបឃិតឲ្យគេចាក់ដីលុបបំបាត់ភស្តុតាង លើដីដែលកងកម្លាំងទាំង៣ កំពុងប្តឹងផ្តល់ និងចាក់លើដីរដ្ឋដែលលក់ឲ្យឯកជនផ្សេងទៀត ។
លិខិតរបស់រដ្ឋបាលខេត្តបន្ទាយមានជ័យ លេខ២៦៦/ ២០សជណ ចុះថ្ងៃទី២០ ខែមេសា ឆ្នាំ២០២០ ចុះហត្ថលេខាដោយឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានបង្ហាញឲ្យដឹងថា ៖ បច្ចុប្បន្នរដ្ឋបាលខេត្តបន្ទាយមានជ័យ បានពិនិត្យឃើញថា មានការចាក់បំពេញអាចម៍ដី និងសាងសង់សំណង់លើទីតាំងដីរដ្ឋ នៅសងខាងផ្លូវឡើងទៅអាងត្រពាំងថ្ម ស្ថិតនៅភូមិត្រពាំងថ្មខាងជើង ភូមិត្រពាំងថ្មខាងត្បូង ឃុំប៉ោយចារ ស្រុកភ្នំស្រុក ។ ពាក់ព័ន្ធករណីនេះ រដ្ឋបាលខេត្តស្នើលោកអភិបាលស្រុកភ្នំស្រុក ចាត់វិធានការទប់ស្កាត់ការចាក់បំពេញអាចម៍ដី ការសាងសង់សំណង់គ្រប់ប្រភេទ ដោយគ្មានលិខិតអនុញ្ញាត ពីអាជ្ញាធរមានសមត្ថកិច្ច និងហាមបញ្ជាក់ទទួលស្គាល់រាល់ការទិញ លក់ដូរ ផ្ទេរសិទ្ធិគ្រប់ប្រភេទលើទីតាំងដីរដ្ឋ នៅសងខាងផ្លូវឡើងទៅអាងត្រពាំងថ្ម ។
សូមរំលឹកដែរថា កន្លងមក ដល់ថ្ងៃនេះ នៅតែមានករណីដូចដែលខេត្ត បានហាមដូចខាងលើ ដែលមើលទៅលោកអភិបាលស្រុកភ្នំស្រុក និងរដ្ឋបាលស្រុកនេះ មិនត្រឹមតែមិនទទួលស្គាល់កំហុសរបស់ខ្លួន ដែលប្រើល្បិចកលជាក្រុមបន្លំលក់ដីរដ្ឋ របស់អាជ្ញាធរដែនដី និងដីរដ្ឋនៃក្រសួងធនធានទឹក ទៅឲ្យឯកជនប៉ុណ្ណោះទេ ។ ប៉ុន្តែនៅថែមទាំងធ្វើជាខ្នងបង្អែក ឲ្យអ្នកឃុបឃិតក្នុងរត់ការធ្វើប័ណ្ណសម្គាល់កម្មសិទ្ធិលើអចលនវត្ថុ (ប្លង់រឹង) និងឲ្យមានចលនាចាក់ដីបំពេញលើបឹងត្រាវ បឹងកំប្លោក បឹងឈូកជាដីរដ្ឋនៅទីតាំងខាងលើថែមទៀត។ សកម្មភាពខុសច្បាប់ខាងលើ បានផុលផុសខ្លាំងនៅក្នុងទូទាំងខេត្ត និងប្រទេសបានជាប់ដៃបាននិងកំពុងធ្វើយុទ្ធនាការ ប្រយុទ្ធប្រឆាំងនឹងជំងឺកូវីត១៩។ សូមរំលឹកដែរថា ដីរដ្ឋ៣ទីតាំងនៅជាប់អាងត្រពាំងថ្ម ដែលត្រូវបានលោក យឹម សំណាង អភិបាលស្រុកភ្នំស្រុក និងមន្ត្រី ព្រមទាំងឈ្មួញ រត់ការឃុបឃិតគ្នាលក់ ផ្ទេរ ដោះដូរមាន៣ ៖ ប្រភេទទី១ ដីនោះស្ថិតនៅជាប់ខាងត្បូងផ្លូវចូលអាងត្រពាំងថ្ម និងក៏ជាប់នឹងរោង ខ្ចូសលក់អាហាររមណីយដ្ឋានអាងត្រពាំងថ្ម ហើយត្រូវបានចែកជារបបអង្គភាពរដ្ឋ៣ស្ថាប័ន ( នគរបាល អាវុធហត្ថ និងយោធា) មានទំហំទទឹង៣៦ម៉ែត្រ បណ្តាយជិត១០០ម៉ែតត្រ ឬប្រមាណ៥.៥៧៣ម៉ែត្រក្រឡា។ លក់ក្នុងតម្លៃ១ម៉ែត្រ ដើរគុណជម្រៅ១០០ម៉ែត្រ តម្លៃ៣.៥០០ទៅ៤.០០០ដុល្លារ ។ ទី២ -ដីជាប់-ក ខាងកើតនៃស្ពានទី១ទំនប់អាងត្រពាំងថ្ម ដែលដោះដូរឲ្យឯកជនធ្វើហាងអាហារយីហោ យៀត និមល ទំហំជាង៣០ម៉ែត្រគុណ៥០ម៉ែត្រ ។ និងទី៣ ក៏មានការផ្ទេរកម្មសិទ្ធិដីធ្លី ពីក្នុងនោះ២កន្លែងទៀត ក៏ត្រូវបានផ្ទេរកម្មសិទ្ធិផងដែរ ។ គឺដីរបស់ឈ្មោះ សាវ៉ង់ យាយថឺង ១កន្លែងដែលកំពុងចាក់ដី និងដីរបស់ឈ្មោះ រតន៍ ដែលកំពុងសាងសង់ហាងកាហ្វេកុងតឺន័រ ។ ដី១កន្លែងៗ មានទំហំទទឹងជាង៣០ម៉ែត្រ បណ្តោយជាង១០០ម៉ែត្រ ។
ចំពោះដីទីតាំងទី១ ខាងលើ បើយោងលិខិតរដ្ឋបាលស្រុកភ្នំស្រុក បានឲ្យដឹងថា ៖ កាលពីថ្ងៃទី៩ ខែកញ្ញា ឆ្នាំ២០២០ ក្រុមការងារស្រុកដែល រួមមានលោក សុក រឹទ្ធី អភិបាលរងស្រុក លោក តាំង ផាន ប្រធានភូមិបាលស្រុក លោកឃុត ឃួន មេឃុំប៉ោយចារ និងមន្ត្រីអាជ្ញាធរ និងជំនាញបានចុះអង្កេតវាស់វែងដីលំនៅឋាន របស់ឈ្មោះ ស៊ិប ប៊ុនធូ អាយុ៥២ឆ្នាំ និងប្រពន្ធឈ្មោះ ឃាង ឆៃ អាយុ៤៦ឆ្នាំ លំនៅភូមិ-សង្កាត់កំពង់ស្វាយ ក្រុងសិរីសោភ័ណ។ គឺផ្ទេរកម្មសិទ្ធិកាន់កាប់ដីលំនៅដ្ឋាន ពីឈ្មោះ តោ ប៊ុនហ៊ាន ភេទប្រុស អាយុ៦៤ឆ្នាំ និងឈ្មោះ ផាំង កែវឡៃ អាយុ៦៤ឆ្នាំ ជាប្រពន្ធនៅភូមិត្រពាំងថ្មខាងត្បូង ឃុំប៉ោយចារ ស្រុកភ្នំស្រុកនោះ ។ អំពីការផ្ទេរកម្មសិទ្ធិនេះ មន្ត្រីនៃអង្គភាពខាងលើ ក៏ដូចពលរដ្ឋបានបញ្ជាក់ថា ៖ នេះជាដីរដ្ឋ មិនមែនដីរបស់ពលរដ្ឋឈ្មោះ តោ ប៊ុនហ៊ាន និងប្រពន្ធឈ្មោះ ផាំង កែវឡៃ ទៀតទេ ។
សូមបញ្ជាក់ថា តាមរយៈលិខិតរបស់ក្រសួងធនធានទឹកនិងឧតុនិយម ដែលចេញផ្សាយកាលពីថ្ងៃទី៨ខែឧសភាឆ្នាំ២០២០ ឯកឧត្តមលឹម គានហោ ជារដ្ឋមន្ត្រីនៃក្រសួងនេះ បានជម្រាបជូនដល់អភិបាលរាជធានីខេត្ត ឲ្យជួយទប់ស្កាត់ការរំលោភ ចាក់ដីលុបចំណីមាត់ច្រាំងទន្លេ ស្ទឹង ព្រែក អូរ ប្រឡាយ អាងទឹក បឹងបួ។
បើតាមឯកឧត្តមរដ្ឋមន្ត្រី យោងតាមស្ថានភាពសេដ្ឋកិច្ចនៃព្រះរាជាណាចក្រកម្ពុជា មានការរីកចម្រើនក្នុងរយៈពេលប៉ុន្មានឆ្នាំចុងក្រោយនេះ បានធ្វើឲ្យមានកំណើននៃការសាងសង់គួរឲ្យកត់សម្គាល់។ ទន្ទឹមនឹងការរីកចម្រើននេះ យើងក៏សង្កេតឃើញមានសកម្មភាពអវិជ្ជមានមួយចំនួន ដូចជាការរំលោភចាក់ដីលុបចំណីមាត់ច្រាំងទន្លេ ស្ទឹង ព្រែក អូរ ប្រឡាយ អាងទឹក បឹងបួ ដែលជាសម្បត្តិសាធារណៈរបស់រដ្ឋ។
ផ្តើមចេញពីសកម្មភាពខាងលើនេះ ក្រសួងធនធានទឹក និងឧតុនិយម មានការព្រួយបារម្ភជាខ្លាំងចំពោះបញ្ហាដែលអាចកើតឡើងដល់លទ្ធភាពនៃការរំដោះទឹក និងបង្កជាគ្រោះមហន្តរាយទឹកជំនន់ ដោយសារចំណីមាត់ច្រាំងទន្លេ ព្រែក អូរ ប្រឡាយ អាងទឹក បឹងបួ ឬតំបន់ផ្ទៃរងទឹកភ្លៀងមួយចំនួនត្រូវបានរំលោភចាក់ដីលុប និងការសាងសង់បិទផ្លូវទឹក នានា ដោយពុំស្របតាមលិខិតបទដ្ឋានគតិយុត្តិជាធរមាន។
ចំពោះករណីខាងលើនេះ ឯកឧត្តមរដ្ឋមន្ត្រី សូមឯកឧត្តម លោកជំទាវ អភិបាល នៃគណៈអភិបាលរាជធានីខេត្ត មានវិធានការសមស្របដើម្បីជួយទប់ស្កាត់ការរំលោភ និងចាក់ដីលុប៕ដោយ៖កូឡាប