បាត់ដំបង៖ កម្លាំងប៉ូលិសការិយាល័យប្រឆាំងគ្រឿងញៀនខេត្តបាត់ដំបង បានចាប់ជនសង្ស័យ៣នាក់ ជួញដូររក្សាទុកនិងថ្នាំម៉ាទឹកកក៣កញ្ចប់ធំនិង១២កញ្ចប់តូច ថ្នាំយ៉ាម៉ាចំនួន ០៧ គ្រាប់និងសម្ភារពាក់ព័ន្ធមួយទៀត កំពង់កសាងសំណុំរឿងតាមនីតិវិធី។
ហេតុការណ៍ចាប់ឃាត់ខ្លួនជនសង្ស័យ៣នាក់នេះ បានធ្វើឡើងកាលពីវេលាម៉ោង១៦និង២០នាទីថ្ងៃទី៩ ខែឧសភា ឆ្នាំ២០២០ នៅចំណុចនៅចំណុចភូមិបួរ ឃុំបួរ ស្រុកភ្នំព្រឹក ខេត្តបាត់ដំបង។
លោកឧត្តមសេនីយ៍ត្រី កុយ ហៀងស្នងការរងទទួលផែនការងារប្រឆាំងគ្រឿងញៀនខេត្តបាត់ដំបង បានឲ្យដឹងថាជនសង្ស័យ៣នាក់ ដែលចាប់ឃាត់ខ្លួនទី១ ឈ្មោះគង់ ហ៊ុយឡេង ភេទប្រុស អាយុ៣៦ឆ្នាំរស់នៅក្រុមទី១០ ភូមិភ្នំតូច ឃុំពេជ្រចិន្ដា ស្រុកភ្នំព្រឹក ខេត្តបាត់ដំបង (ជាប្តី)។ ទី២ ឈ្នោះ ភាន ស្រីល័ក្ខ ភេទស្រី អាយុ៣៣ឆ្នាំ រស់នៅក្រុមទី១០ភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង(ជាប្រពន្ធ)។ ទី៣ ឈ្មោះ សន សឿន ភេទប្រុស អាយុ៣៤ឆ្នាំ រស់នៅភូមិអូរថ្មី ឃុំពេជ្រចិន្ដាស្រុកភ្នំព្រឹក ខេត្តបាត់ដំបង។ក្នុងប្រតិបត្តការនេះ កម្លាំងដកហូតបានថ្នាំម្ស៉ៅក្រាមពណ៌សថ្លា ច្រកក្នុងថង់កឹបមាត់ចំនួន០៣កញ្ចប់ធំ និង១២កញ្ចប់តូច(មិនទាន់ថ្លឹងទម្ងន់) ថ្នាំប្រភេទគ្រាប់ចំនួន ០៧ គ្រាប់ (ប្រាំពីរគ្រាប់) មានសញ្ញាអក្សរ WY លើគ្រាប់ថ្នាំ ទូរសព្ទដៃ ០២គ្រឿង និងសម្ភារសម្រាប់ច្រកថ្នាំញៀនមួយចំនួនទៀត ហើយចាប់ឃាត់ខ្លួន កាលពីម៉ោង១៦និង២០នាទីថ្ងៃទី០៩ខែឧសភាឆ្នាំ២០២០ នៅចំណុចនៅចំណុចភូមិបួរ ឃុំបួរ ស្រុកភ្នំព្រឹក ខេត្តបាត់ដំបង។
លោកឧត្តមសេនីយ៍ត្រី កុយ ហៀង បានបញ្ជាក់ថា កម្លាំងបានសហការជាមួយកម្លាំងប៉ូលិសស្រុក ចុះបង្ក្រាបបានករណីរនេះ ហើយចាប់ឃាត់ខ្លួនជនសង្ស័យ៣នាក់ និងវត្ថុតាងបានភ្លាមៗជាក់ស្ដែងតែម្ដង។ បច្ចុប្បន្ននេះ កម្លាំងបានកំពុងសាកសួរកសាងសំណុំរឿង បញ្ជូនជនសង្ស័យ និងវត្ថុតាងទៅតុលាការ ដើម្បីចាត់ការទៅតាមផ្លូវច្បាប់ ហើយ៕
ដោយ ៖ អ៊ុងសារុំ