បន្ទាយមានជ័យ៖ មកទល់ថ្ងៃទី២៣មករាឆ្នាំ២០១៨ ទើបប្រភពព៍ត័មានខ្លះព្រមទម្លាយរឿងកម្លាំងកងរាជអាវុធហត្ថនិងកងនគរបាលជាតិនៃខេត្តបន្ទាយមានជ័យបានបើក បញ្ចេញលទ្ធផលខ្លះនិងថាបន្តការស៊ើបអង្កេតទីទៃពីគ្នាករណីកូនប្រុសម្នាក់របស់លោកមេមេបញ្ជាការតំបន់ប្រតិបត្តិសឹករងខេត្តបន្ទាយមានជ័យបានបាញ់បោះសេរីកន្លងមកថ្មីៗនេះ។
មន្ត្រីសមត្ថកិច្ចជំនាញព្រហ្មទ័ណ្ឌ សន្តិសុខ នៃកងរាជអាវុធហត្ថខេត្តបន្ទាយមានជ័យប្រាប់ CEN ល្ងាចថ្ងៃទី២៣ ខែមករាថា៖ ពិតជាមានការស៊ើបអង្កេតករណីលោក ភ្លន់ លាងហ៊ុន(កូនប្រុសរបស់លោកឧត្តមសេនីយ៍ ភ្លន់ តារា មេបញ្ញ្ជាការតំបន់ប្រតិបត្តិការសឹករងខេត្តបន្ទាយមានជ័យ) បានបាញ់បោះសេរីកាលពីយប់ម៉ោងជាង១០ ថ្ងៃទី១៨ ខែមករា ឆ្នាំ២០១៨ នៅចំណុចផ្ទះចាស់ឈ្មោះភ្លន់ ហុង (ឧត្តមសេនីយ៍ភ្លន់ តារា)ភេទ ប្រុសអាយុជាង៥០ឆ្នាំ នៅភូមិកន្ទួត សង្កាត់កំពង់ស្វាយ ក្រុងសិរីសោភ័ណ ។ គឺធ្វើតាំងពីថ្ងៃទី១៩មករា មក តែស្ថានភាពដើមបានប្រែប្រួលខ្លះដោយសារទីតាំងស្ថិតក្នុងបរិវេណលំនៅឋានអ្នកបង្កបាញ់បោះ។
ការចុះស៊ើបអង្កេតនោះមកពី ពលរដ្ឋភ័យខ្លាច ផ្អើលភ្ញាក់ ហើយបានប្តឹងសមត្ថកិច្ច ព្រោះវាបានបំផ្លាញផែនការភូមិ-ឃុំមានសុវត្ថិភាព ក្នុងសហគមន៍កណ្តាលក្រុងសិរីសោភ័ណតែម្តង។ និងក៏ដោយសារមានបញ្ជារពីលោកឧត្តមសេនីយ៍ត្រី បោន បិន មេបញ្ចាការកងរាជអាវុធហត្ថខេត្តបន្ទាយមានជ័យនិងសម្របសម្រួលពីលោកព្រះរាជអាជ្ញារង ។
ចំណែកនគរបាលជំនាញព្រហ្មទ័ណ្ឌនិងជំនាញសន្តិសុខក្រុងសិរីសោភ័ណក៏ ព្រមបង្ហើបប្រាប់CENល្ងាចថ្ងៃដដែលថា៖ លោកស្នងការបានបញ្ជាអោយកម្លាំងចុះត្រួតពិនិត្យទីកើតហេតុនោះ ថាជាការពិតឬយ៉ាងណាដែលពលរដ្ឋបានតវ៉ាថា លោកភ្លន់ លាងហុងបានបាញ់កាំភ្លើងទាំងបង់បង្កស្នូរនិងភ័យខ្លាចយ៉ាងនេះ?
ពលរដ្ឋដែលនៅក្បែរទីកើតហេតុអោយសមត្ថកិច្ចដឹងថា ៖ មានរថយន្តទំនើបមួយគ្រឿងដែលគេស្គាល់ថា បើកបរនិងជារបស់ឈ្មោះ ភ្លន់ លាងហ៊ុន ជាមន្ត្រីទាហាននិងជាម្ចាស់ឈ្មោះក្រុមហ៊ុនភ្លន់ លាងហុង ខូអិលធីឌី បានចូលមកក្នុងបរិវេណផ្ទះ ហើយឭសម្លេងសម្លុតក្តុងក្ឌាំង ហើយក៏លឺស្នូរគ្រាប់កាំភ្លើងដៃញាបរន្ធាន់ជាច្រើនគ្រាប់។
ពលរដ្ឋបន្តថា លុះដល់ព្រឹកថ្ងៃទី១៩មករា២០១៨ ទើបគេដឹងថា ម្ចាស់ស្នូគ្រាប់នោះ គឺកូនប្រុសរបស់លោក ភ្លន់ ហុង។
ករណីនេះ មន្ត្រីសមត្ថកិច្ចជំនាញអហនិងនគរបាលអោយដឹងថា៖ ចំពោះឈ្មោះភ្លន់ លាងហ៊ុនបានគេចខ្លួន ពុំអាចធ្វើការបំភ្លឺបាននៅឡើយ។
សន្និដ្ឋានកន្លងមកថា (នៅផ្ទះចាស់លោកភ្លន់ ហុង) ពិតជាមានផ្ទុះអាវុធមែន ។. តែអ្នកបង្កផ្ទុះអាវុធនេះ ជាលោកភ្លន់ លាងហ៊ុនឬមិនមែន ជំនាញរង់ចាំកិច្ចសហការបំភ្លឺផ្ទាល់ពីសាម៉ីជននេះ។ តែបើមិនចូលខ្លួនមកបំភ្លឺទេ សមត្ថកិច្ចមានសិទ្ធិសុំអយ្យការដើម្បីចេញដីកាកោះអញ្ជើញ ដីកានាំខ្លួនឬដល់ដីការចាប់ខ្លួនក៏ថាបាន។
សមត្ថកិច្ចបន្ថែមថា សាមីខ្លួនគួរសហការជាជាងគដចវេះពីការឆ្លើយដកបន្ទុកឬឆ្លើយដាក់បន្ទុក។
សមត្ថកិច្ចបានទាក់ទងទៅទូរស័ព្ទរបស់ជនជាប់សង្ស័យនៅមិនទាន់ទំនាក់ទំនងបាន។ ឯលោកឱពុកនៃឈ្មោះនោះ ថា លោកមិនបានដឹងរឿងនេះទេ៕ ដោយ ៖ បន្ទាយ
ផ្ទះ លោកភ្លន់ ហុង ដែលពលរដ្ឋថាឭស្នូផ្ទុះអាវុធ
