ខេត្តស្វាយរៀង៖ នៅថ្ងៃទី២៣ ខែមករា ឆ្នាំ២០១៨នេះ នៅទីបញ្ជាការដ្ឋាននៃកងរាជអាវុធហត្ថខេត្តស្វាយរៀង បានបង្ហាញមុខជនសង្ស័យចំនួន១០នាក់ និងគ្រឿងញៀន៧ក្រាមគីឡូក្រាម រួមនិងកាំភ្លើងខ្លី២ដើម។ ការសាកសួរពេញមួយថ្ងៃនេះ សមត្ថកិច្ចកងរាជអាវុធបានបង្ហាញថាជនសង្ស័យត្រូវឃាត់ខ្លួនមានចំនួន១០នាក់ ចំណែកឯថ្នាំញៀនមានចំនួន៧គីឡូក្រាម ត្រូវបានកសាងសំណុំរឿងបញ្ជូនទៅតុលាការចាត់ការតាមនិតិវិធីច្បាប់។ ការចូលរួមធ្វើតេស្តសារធាតុញៀន និងសាកសួរនេះមានការចូលរួមពីលោកព្រះអាជ្ញាខេត្តស្វាយរៀង និងលោកមេបញ្ជាការរងកងរាជអាវុធហត្ថខេត្ត កម្លាំងជំនាញកងរាជអាវុធហត្ថលើផ្ទៃប្រទេស នាយពលអាវុធហត្ថជាច្រើនរូបផងដែរ ហើយមេខ្លោងគ្រឿងញៀនដ៏ធំនេះមានឈ្មោះ ង៉ូវ សុភារម្យ អាយុ៣០ឆ្នាំ ប្រព្រឹត្តិនៅសង្កាត់ផ្សារកណ្តាល២ រាជធានីភ្នំពេញ ពីបទរក្សាទុកនិងជួញដូរគ្រឿងញៀនរក្សាទុកញៀនរ ហូតដល់ទៅ៧គីឡូក្រាម។
នៅរសៀលថ្ងៃដដែល លោកឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង បានធ្វើសន្និសីទកាសែតដោយបានបញ្ជាក់ថា ៖ ប្រតិបត្តិការបង្ក្រាបគ្រឿងញៀនដ៏ធំពីកងរាជអាវុធហត្ថខេត្តស្វាយរៀង នាពេលនេះមានការចង្អុលបង្ហាញពីលោកនាយឧត្តម សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងមានការសហការពីកងរាជអាវធហត្ថលើផ្ទៃប្រទេស និងសមត្ថកិច្ចនៅរាជធានីភ្នំពេញ។ ក្នុងនោះកម្លាំងយើងបានឃាត់ខ្លួនជនសង្ស័យបាន៥នាក់ដែលពាក់ពន្ធ័រួម និងថ្នាំញៀនសរុបបានចំនួន៧.៤២៩.៨ក្រាមនេះ ចាត់ទុកជាករណីមួយធំមួយសម្រាប់ស្វាយរៀងផងដែរ។
គួររំលឹកផងដែរថា ៖ កម្លាំងមូលដ្ឋានកងរាជអាវុធហត្ថខណ្ឌជ្រោយចង្វារ បានសហការជាមួយកម្លាំងកងរាជអាវុធហត្ថរាជធានីភ្នំពេញ កម្លាំងកងរាជអាវុធហត្ថខេត្តស្វាយរៀង និងកម្លាំងកងរាជអាវុធហត្ថលើផ្ទៃប្រទេស និងដោយមានការសម្របសម្រួលនីតិវិធីពី លោក សឿន មុនីរ័ត្ន ព្រះរាជអាជ្ញារងអមសាលាដំបូងរាជធានីភ្នំពេញ និងព្រះរាជអាជ្ញាអមសាលាកម្លាំងបានចុះបង្ក្រាបករណីគ្រឿងញៀន ដោយឃាត់ខ្លួនជនសង្ស័យជាជនជាតិខ្មែរចំនួន ១០នាក់ នៅចំណុចសណ្ឋាគារមេគង្គវីយូថោវ័រ ស្ថិតនៅភូមិ៣ សង្កាត់ជ្រោយចង្វា ខណ្ឌជ្រោយចង្វារាជធានីភ្នំពេញប្រតិបត្តិការនេះធ្វើឡើងកាលពីម៉ោង១១យប់ថ្ងៃទី២០ ខែមករា ឆ្នាំ២០១៨ ។
ជនសង្ស័យទាំង ៧នាក់ រួមមាន ១-ឈ្មោះ ង្វៀង ធីទឿងអាន ភេទស្រី អាយុ ២១ឆ្នាំ ជនជាតិវៀតណាម, ២-ឈ្មោះ ង្វៀង ហុងដាំ ភេទប្រុស អាយុ ៣១ឆ្នាំ ជនជាតិវៀតណាម, ៣-ឈ្មោះ ង្វៀង ថៃសឺន ភេទប្រុស អាយុ ៣០ឆ្នាំ ជនជាតិវៀតណាម, ៤-ឈ្មោះ ហ្វង់ ហុងហ្វី ភេទប្រុស អាយុ ៤០ឆ្នាំ ជនជាតិវៀតណាម, ៥-ឈ្មោះ ជ័យ សុភាព ភេទប្រុស អាយុ ៤០ឆ្នាំ ជនជាតិខ្មែរ, ៦-ឈ្មោះ ពៅ លក្ខិណា ភេទប្រុស អាយុ ៣៥ឆ្នាំ ជនជាតិខ្មែរ និង ៧-ឈ្មោះ ឃិន វិសាល ភេទប្រុស អាយុ ៣៤ឆ្នាំ ជនជាតិខ្មែរ ។ កម្លាំងក៏បានចាប់យកវត្ថុតាង រួមមាន រុក្ខជាតិក្រៀម ២កញ្ចប់, ម្សៅក្រាមពណ៌សថ្លា ចំនួន ៦កញ្ចប់ធំ ទម្ងន់ ៤៩,១ ក្រាម, ថ្នាំគ្រាប់ពណ៌ទឹកក្រូច មានទម្ងន់ ១៨៩,៦ ក្រាម, ខ្សែកលោហធាតុពណ៌ខៀវ ១ខ្សែ, អាវុធ ១ដើម ម៉ាក P២៣០ គ្រាប់ ៧ បង់១, ពិលឡាស៊ែ ១, ទូរស័ព្ទ ២គ្រឿង, ម៉ូតូ ១គ្រឿង, រថយន្ត ១គ្រឿង, ប្រាក់ ៨៥០០ដុល្លារ និង ៤៥០ ០០០រៀល និងលុយដុងមួយចំនួន ។
ប្រភពដដែរបន្តទៀតថាលុះនៅវេលាម៉ោង១និង៣០នាទី រសៀលថ្ងៃទី២២ខែមករាឆ្នាំ២០១៨ កម្លាំងកងរាជអាវុធហត្ថខេត្តស្វាយរៀងសហការជាមួយកម្លាំងប្រឆាំងបទល្មើស គ្រឿងញៀន កងរាជអាវុធហត្ថរាជធានីភ្នំពេញ រួមនិងសហការជាមួយនិងកម្លាំងកងរាជអាវុធហត្ថខណ្ឌមានជ័យ ដឹកនាំកម្លាំងជាច្រើននាក់ នាំជនសង្ស័យម្នាក់មកបង្ហាញទីតាំង និងចុះឆែកឆេរស្ថិតនៅចំណុចផ្ទះជួលមួយកន្លែង ក្នុងសង្កាត់ចាក់អង្រែលើខណ្ឌមានជ័យ រាជធានីភ្នំពេញ របស់ជនសង្ស័យម្នាក់ទៀត ដកហូតបានថ្នាំញៀនជាង៥គីឡូ រួមនិងអាវុធម៉ាក K59ចំនួន១ដើមចំណែកជនសង្ស័យម្ចាស់ថ្នាំញៀ នរួមនិងកាំភ្លើងដែលដកហូតបានគឺបានដឹងខ្លួនជាមុនរត់គេចខ្លួនបាត់ស្រមោល ។
ក្រោយប្រតិបត្តិការកម្លាំងសមត្ថកិច្ចបាននាំជនសង្ស័យរួមនិងវត្ថុតាង គ្រឿងញៀនជាង៧គីឡូ ក្រាមនិងកាំ ភ្លើង ចំ នួន២ដើម បញ្ជន ទៅកាន់បញ្ជាការដ្ឋានកងរាជអាវុធហត្ថខេត្តស្វាយរៀងវិញដើម្បីកសាងសំណុំរឿងចាត់ការតាមច្បាប់បន្តទៀត៕វ៉ៃកូ
