ភ្នំពេញ ៖ នគរបាលបង្ក្រាបជនជាតិចិនបន្តបន្ទាប់ ក្រោយពីជនសង្ស័យមានចំនួន៨នាក់ ដែលចាប់ជនរងគ្រោះជម្រិតទារលុយ២០ម៉ឺនយ័ន តែពេលនេះកម្លាំងនគរបាល និងកម្លាំងកងរាជអាវុធហត្ថ ឃាត់បានសរុបចំនួនជនសង្ស័យ៥នាក់ បន្ថែមទៀត នាព្រឹកថ្ងៃទី១០ ខែ ឧសភា ឆ្នាំ ២០២០ នៅចំណុច ផ្លូវព្រះនរោត្ដម សង្កាត់ទន្លេបាសាក់ ខណ្ឌចំការមន ។
ជនសង្ស័យឈ្មោះ វិន តៃ អាយុ ៣៥ឆ្នាំ ជនជាតិចិន មុខរបរ និងអសយដ្ឋាន មិនស្គាល់ ។
ជនរងគ្រោះ ឈ្មោះ លី ឈិន ភេទប្រុស អាយុ ៣៤ឆ្នាំ ជនជាតិចិន មុខរបរបុគ្គលិកក្រុមហ៊ុនអ៊ូឆឹង ស្នាក់នៅបុរីអេលីហ្សេ ក្នុងកោះពេជ្រ សង្កាត់ទន្លេបាសាក់ ខណ្ឌចំការមន ។
ប្រភពព័ត៌មានបានឲ្យដឹងថា កម្លាំងនគរបាលបង្ក្រាបបុរសជនជាតិចិន ជនសង្ស័យម្នាក់ ជាបក្ខពួកចំណោម៨នាក់ ករណីចាប់បង្ខាំងនិងចាប់មនុស្សជម្រិតទារប្រាក់២០ម៉ឺនយ័ន យកមកសាកសួរនាំ នៅព្រហ្មទណ្ឌខណ្ឌ រួចជនសង្ស័យក៏បានឆ្លើយសារភាពប្រាប់ថា កម្លាំងនគរបាលបង្ក្រាបជនសង្ស័យ៤នាក់មុន គឺជាបក្ខពួកខ្លួនមែន ។
លោក ផន អូន អធិការរងខណ្ឌចំការមន បានបញ្ជាក់ថា ជនសង្ស័យសរុប៥នាក់ កម្លាំងនគរបាលយើងឃាត់បាន៣នាក់ កម្លាំងអាវុធហត្ថរាជធានីភ្នំពេញ ឃាត់បាន២នាក់ ក្នុងនោះមានអាវុធខ្លីម៉ាក K ៥៩ ចំនួន១ដើម ចំណែកបុរសសង្ស័យ ដកហូតបានកូនកាំបិតចុចចំនួន១ និងកសាងសំណុំរឿង បញ្ជូនទៅកាន់តុលាការ ដើម្បីចាត់ការតាមផ្លូវច្បាប់ ហើយបក្ខពួកសេសសល់ នឹងខិតខំស្រាវជ្រាវបង្ក្រាបបន្ថែមទៀត ៕ដោយ៖កូឡាប