កណ្ដាល៖ នគរបាល ស្រុកស្អាង បានរាយការណ៍ករណី សង្ស័យ ជាអំពើ ឃាតកម្ម ដែលបង្កឡើងដោយបុរសជាប្តី វាយសម្លាប់ប្រពន្ធ បន្ទាប់ពី លែងលះគ្នារយៈពេលជាង១ខែមកហើយ ។ ករណីនេះកើតហេតុថ្ងៃទី១០ ខែឧសភាឆ្នាំ ២០២០វេលាម៉ោង១៦និង៣០ នាទី នៅចំណុច ចិញ្ចើមផ្លូវបេតុងចូលវត្តស្អាងភ្នំខាងកើតស្ពាន បឹងកាចាន់ ស្ថិតនៅភូមិព្រែកខ្មែរ ឃុំស្អាងភ្នំ ស្រុកស្អាង ខេត្តកណ្តាល ។
ជនរងគ្រោះជា (ប្រពន្ធ) ឈ្មោះនី ឡេហ្សា ភេទស្រី អាយុ ២២ ឆ្នាំជនជាតិខ្មែរ មុខរបរកម្មការិនី រោងចក្រ មានទីលំនៅភូមិ ពាមសាលា ឃុំស្អាងភ្នំ ស្រុកស្អាង ខេត្តកណ្តាល(ស្លាប់) ។ ចំណែកជនសង្ស័យជា(ប្ដី) ឈ្មោះជួន សារ៉ន ភេទប្រុសអាយុ៣៧ ឆ្នាំ ជនជាតិខ្មែរ មានទីលំនៅភូមិវាល ឃុំស្អាងភ្នំ ស្រុកស្អាង ខេត្តកណ្តាល។
កន្លងមកជនសង្ស័យ និងជនរងគ្រោះជាប្តីប្រពន្ធ បានឈ្លោះ លែងលះគ្នារយៈពេលជាង១ខែមកហើយ។ លុះដល់ថ្ងៃខែកើតហេតុ ជនសង្ស័យបានជិះម៉ូតូ ទៅកៀរម៉ូតូរបស់ជនរងគ្រោះបណ្ដាលឲ្យធ្លាក់ពី ចិញ្ចើមផ្លូវរួចអង្គុយនិយាយ ជាមួយប្រពន្ធ បានបន្តិចជនសង្ស័យ បានយកដៃឆ្វេងគៀកក ហើយយកដៃស្ដាំដាល់ទៅលើដើមទ្រូងជនរងគ្រោះ ។ ពេលវាយរួចជនសង្ស័យ បានឡើងជិះម៉ូតូគេចខ្លួនបាត់។ ចំណែកជនរងគ្រោះបាន ដួលផ្កាប់មុខទៅលើដី ហើយបានក្រុមគ្រួសារដឹកយកទៅពេទ្យ តែជនរងគ្រោះក៏បានស្លាប់នៅមន្ទីរពេទ្យបង្អែកស្រុកស្អាង។
ករណីនេះសមត្ថកិច្ចខេត្ត បានទទួលព័ត៌មានពីមន្ត្រីជំនាញថ្នាកស្រុកនៅវេលាម៉ោង៩និង៥៩នាទី ព្រឹកថ្ងៃទី១១ ឧសភា ២០២០។ សមត្ថកិច្ចស្រុកបានស្នើសុំ មន្ត្រីជំនាញកោសល្យវិច័យខេត្ត ចូលរួមពិនិត្យ និង ស្នើសុំមន្ត្រីជំនាញ ខេត្តចូលរួមជួយ បើកធ្វើការស៊ើបអង្កេត ។
ដោយបានការបញ្ជាដឹកនាំពីលោកស្នងការនគរបាលខេត្ត និង ទទួលបានការសម្របសម្រួល នីតិវិធីពីលោក ព្រះរាជអាជ្ញា អមសាលាដំបូងខេត្តកណ្ដាល នៅព្រឹកថ្ងៃទី១១ ឧសភា ២០២០ មន្ត្រីជំនាញ ខេត្ត ស្រុក ប៉ុស្តិ៍
បានដំណើរការ ធ្វើកោសល្យវិច័យលើសាកសព និង បើកការស៊ើប អង្កេត រកបទល្មើស ដែលបណ្ដាលឲ្យជនរងគ្រោះស្លាប់ នៅមន្ទីរពេទ្យបង្អែកស្រុកស្អាង ។ បន្ទាប់មកកម្លាំងជំនាញការិយាល័យបច្ចេកទេស និងវិទ្យាសាស្ត្រ ខេត្តសហការនិងកម្លាំងពិនិត្យវិភាគកន្លែងកើតហេតុ ស្រុក កម្លាំងប៉ុស្តិ៍ អាជ្ញាធរមូដ្ឋាន និង ក្រុមគ្រួសារសាច់ញាតិ ជនរងគ្រោះ ដើម្បីធ្វើការពិនិត្យសាកសព ។
ជាលទ្ធផល ត្រួតពិនិត្យសាកសព៖ ១.ស្នាមកកិត រលាត់ដាច់ស្បែកចុងភ្នែកស្ដាំ ២.ស្នាមរលាត់ លើបបូរមាត់ ផ្នែកខាងលើ
៣.ស្នាមមុតដើមទ្រូងចំនួន២កន្លែង (ជម្រៅ មុតធ្លុះដល់ក្នុង និងមុតដល់ឆ្អឹង) ៤.ស្នាមមុតលើគន្លាក់ដៃឆ្វេងចំនួន១កន្លែង ៥.ស្នាមមុតក្បែរ ថ្លើមដៃ ចំនួន១កន្លែង ៦.ស្នាមរលាត់ដាច់ស្បែកក្រោមកែងដៃ
ការសន្និដ្ឋាន សមត្ថកិច្ចឲ្យដឹងថាជនរងគ្រោះស្លាប់ដោយអំពើ(ឃាតកម្ម)៕ ដោយ៖កូឡាប
