បាត់ដំបង៖ កម្លាំងប៉ូលិសការិយាល័យប្រឆាំងគ្រឿងញៀនខេត្តបាត់ដំបង បានចាប់បុរសម្នាក់ជួញដូររក្សាទុកនិងថ្នាំម៉ាទឹកកកចំនួន ០២ថង់ទម្ងន់ ៥០,៩៤ក្រាមនិងសម្ភារពាក់ព័ន្ធមួយចំនួនទៀត កំពុងកសាងសំណុំរឿងតាមនីតិវិធី។
ហេតុការណ៍ចាប់ឃាត់ខ្លួនបុរសម្នាក់នេះ បានធ្វើឡើងកាលពីវេលាម៉ោង១៦និង០៥នាទី ថ្ងៃទី១១ ខែឧសភា ឆ្នាំ២០២០ នៅចំ
ណុចភូមិវត្តតាមឹម ឃុំអូរដំបង០១ ស្រុកសង្កែ ខេត្តបាត់ដំបង។
លោកឧត្តមសេនីយ៍ត្រី កុយ ហៀងស្នងការរងទទួលផែនការងារប្រឆាំងគ្រឿងញៀនខេត្តបាត់ដំបង បានឲ្យដឹងថា បុរសដែ
លចាប់ឃាត់ខ្លួនឈ្មោះផាន ឧត្តម ភេទប្រុស អាយុ ៣១ឆ្នាំ មានទីលំនៅ ភូមិបែកចានថ្មី សង្កាត់ព្រែកព្រះស្តេច ក្រុងបាត់ដំបងខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំញៀនប្រភេទមេតំហ្វេតាមីនម៉ាទឹកកក ICE ចំនួន ០២ថង់ទម្ងន់ ៥០,៩៤ក្រាម ទូរស័ព្ទដៃចំនួន០១គ្រឿង និងសម្ភារសម្រាប់ប្រើប្រាស់ថ្នាំញៀនមួយចំនួនទៀត ។
លោកឧត្តមសេនីយ៍ត្រី កុយ ហៀង បានបញ្ជាក់ថា អនុវត្តតាមមតិណែ នាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង និងតាមមតិណែនាំជំនាញរបស់លោកឧត្តមសេនីយ៍ត្រី កុយ ហៀង ស្នងការរងផែនការងារប្រ ឆាំងគ្រឿង លោកវរសេនីយ៍ទោ សុខ និមល នាយការិយាល័យនគរបាលប្រឆាំងគ្រឿងញៀន នៃស្នងាការដ្ឋាន បានដឹកនាំកម្លាំងក្នុងការិយា ល័យរួមជាមួយកម្លាំងអន្តរាគមន៍ប្រឆាំងបទ ល្មើសផងនិងកម្លាំងនគរបាលនៃអធិការដ្ឋានន គរបាលក្រុងបាត់ដំបងដែលមានលោកវរសេនីយ៍ឯក ឆាង វណ្ណឆៃ ជាអធិការនគរបាលក្រុង បាត់ដំបងចុះប្រត្តិបត្តិការបង្ក្រាបករណីជួញដូរ រក្សាទុកឬដឹកជញ្ជូន ដោយខុសច្បាប់នូវសារធាតុ ញៀន ០១ករណីក្នុងបទល្មើសជាក់ស្តែងនៅ ចំណុច ភូមិវត្តតាមឹម ឃុំអូរដំបង០១ ស្រុកសង្កែ ខេត្តបាត់ដំបង។ កម្លាំងបានសហការជាមួយកម្លាំងប៉ូលិសស្រុក ក្រុង ចុះបង្ក្រាបបានករណីរនេះ ហើយចាប់ឃាត់ខ្លួនជនសង្ស័យម្នាក់ និងវត្ថុតាងបានភ្លាមៗជាក់ស្ដែងតែម្ដង។ បច្ចុប្បន្ននេះ កម្លាំងបានកំពុងសាកសួរកសាងសំណុំរឿង បញ្ជូនជនសង្ស័យ និងវត្ថុតាងទៅតុលាការ ដើម្បីចាត់ការទៅតាមផ្លូវច្បាប់ហើយ៕ ដោយ៖ អ៊ុងសារុំ
