ប្រទេសថៃ ៖ សត្វគោ៦ក្បាល បានត្រូវរន្ទះបាញ់ងាប់គរលើគ្នានៅនឹងក្រោមដើមឈើវាលស្រែមួយកន្លែង កាលពីវេលាម៉ោងប្រហែល ៣ និង ១០ នាទីរសៀលថ្ងៃទី១១ ខែឧសភា ឆ្នាំ២០២០ ស្ថិតនៅក្នុងភូមិ Ban Tat ស្រុក Muang ខេត្ត Udon Thani ប្រទេសថៃ។
លោក Saman Srichan អាយុ ៥៩ ឆ្នាំ ដែលជាម្ចាស់គោរងគ្រោះម្នាក់ បានប្រាប់ឲ្យដឹងថា ក្នុងចំណោមគោរងគ្រោះទាំង៦ក្បាល គឺមាន ៤ ក្បាល ជាសត្វចិញ្ចឹមរបស់គាត់ និងក្រៅពីនេះ ២ ក្បាលទៀត ជារបស់អ្នកភូមិជិតខាង។
គាត់បន្តថា ជារៀងរាល់ថ្ងៃ គាត់តែងដឹកគោមកឲ្យស៊ីស្មៅនៅវាលស្រែក្រៅភូមិជាធម្មតា ។ ប៉ុន្តែ នៅថ្ងៃដ៏អាក្រក់នេះ វេលាម៉ោងប្រហែល ៣ រសៀល ស្រាប់តែមានខ្យល់កន្ត្រាក់និងមានភ្លៀងផ្គរខ្លាំងៗ ដែលជាហេតុធ្វើឲ្យសត្វគោទាំងនោះ នាំគ្នាទៅជ្រកក្រោមដើមឈើ ខណៈគាត់ជ្រកនៅកូនខ្ទមរហូតមេឃឈប់ភ្លៀង។
គាត់នៅបានឲ្យដឹងទៀតថា ក្នុងអំឡុងពេលភ្លៀង គាត់បានឮស្នូររន្ទះបាញ់យ៉ាងសាហាវ ប៉ុន្តែ គាត់ពុំបានគិតថាវាបានកើតឡើងមកលើតំបន់ ដែលគោរបស់គាត់កំពុងជ្រកក្រោមឈើនោះឡើយ ។ ទោះយ៉ាងណា នៅពេលគាត់មកមើលគោ ស្រាប់តែប្រទះឃើញគោរបស់គាត់ រួមនឹងអ្នកគោអ្នកជិតខាងទាំង ៦ ក្បាល ដេកងាប់គួរឲ្យតក់ស្លុតបំផុត។
ក្រោយហេតុការណ៍នេះកើតឡើង គាត់ក៏បានជួនដំណឹងនេះទៅអាជ្ញាធរមូលដ្ឋាន ចុះមកត្រួតពិនិត្យ និងបានបញ្ជាក់ថា សត្វគោទាំងនេះនេះពិតជារងទទួលការវាយប្រហារពីរន្ទះបាញ់៕
ប្រែសម្រួល៖ លឹម ហុង (ប្រភព៖ ហ្វេសប៊ុក MGR Online อีสานบ้านเฮา)