ភ្នំពេញ៖ លោកជំទាវ Eva Nguyen ឯកអគ្គរដ្ឋទូតសាធារណរដ្ឋបារាំង ប្រចាំព្រះរាជាណាចក្រកម្ពុជា បានចាត់ទុកជំនួបរវាង សម្ដេចតេជោ ហ៊ុន សែន នាយករដ្ឋមន្ត្រី និងឯកឧត្តម កឹម សុខា កាលពីពេលថ្មីៗនេះ ជាជំហានវិជ្ជមានដំបូង។
លោក មុត ចន្ថា នាយកខុទ្ទកាល័យលោក កឹម សុខា បានលើកឡើង តាមបណ្ដាញសង្គមហ្វេសប៊ុកថា រសៀលថ្ងៃអង្គារ ទី១២ ខែឧសភា ឆ្នាំ២០២០ ឯកឧត្តម កឹម សុខា បានទទួលជួប លោកជំទាវ Eva Nguyen ឯកអគ្គរដ្ឋទូតសាធារណរដ្ឋបារាំង ប្រចាំព្រះរាជាណាចក្រកម្ពុជា នៅគេហដ្ឋានរបស់លោក ក្នុងរាជធានីភ្នំពេញ។
ជាកិច្ចចាប់ផ្តើម លោកជំទាវ ឯកអគ្គរដ្ឋទូត បានស្វាគមន៍ (welcome) ចំពោះជំនួបរវាងឥស្សរជនខ្មែរទាំងពីរ គឺសម្តេចអគ្គមហាសេនាបតីតេជោ ហ៊ុន សែន និង ឯកឧត្តម កឹម សុខា នៅថ្ងៃទី៥ ខែឧសភា ដោយចាត់ទុកថាជា “ជំហានវិជ្ជមានដំបូង” (positive first step)។
ក្នុងជំនួបនេះ ឯកឧត្តម កឹម សុខា និងលោកជំទាវ ឯកអគ្គរដ្ឋទូត បានពិភាក្សាគ្នា អំពីបញ្ហាសង្គម និងសេដ្ឋកិច្ច(social and economic issues) ក្នុងស្ថានភាពកូវីដ-១៩ និងអំពីស្ថានភាពអនាគតទៀត៕ដោយ៖កូឡាប