ភ្នំពេញ៖ តាមការសង្កេតឃើញរបស់ខ្ញុំ នៅលើបណ្តាញសង្គម (Media Social) គឺក្រោយពីមានការអនុវត្ត នៃការរឹតបន្តឹងច្បាប់ចរាចរណ៌គោកថ្មីៗនេះ បើទោះជាធ្វើឡើងក្នុងគោលបំណង ការពារអាយុជីវិតរបស់ប្រជាពលរដ្ឋយ៉ាងណាក្តី តែប្រជាពលរដ្ឋភាគច្រើនពុំសប្បាយចិត្តនោះទេ ដោយក្នុងនោះគេក៏បានបញ្ចេញនូវរូបភាព ប្រម៉ាញបានដ៏ហួសៗចិត្តបង្ហាញមន្ត្រីប៉ូលិសមួយចំនួនតូច ពុំបានគោរពច្បាប់ ដោយជិះម៉ូតូពុំពាក់មួកសុវត្ថិភាពជាដើម។
ប្រការជាក់ស្តែងនេះ បានធ្វើឲ្យប្រជាពលរដ្ឋរិះគន់ថា ការអនុវត្តផាកពិន័យរបស់សមត្ថកិច្ចធ្វើឡើងពុំស្មើភាពគ្នានោះឡើយ។
ទោះយ៉ាងណា នៅមុននេះបន្តិច ស្នងការដ្ឋាននគរបាលរាជធានីភ្នំពេញ បានចេញសេចក្តីបញ្ជាក់យ៉ាងដូច្នេះថា៖ “ក្នុងនាមជាសមត្ថកិច្ច ដែលជាអ្នកអនុវត្តច្បាប់ ត្រូវតែគោរពច្បាប់ និងធ្វើជាគំរូឲ្យបានល្អ ដល់ប្រជាពលរដ្ឋ ។ បើក្នុងករណីសមត្ថកិច្ចមិនគោរពច្បាប់ នឹងត្រូវផាកពិន័យតាមច្បាប់ស្មើភាពគ្នា ជាមួយប្រជាពលរដ្ឋ “៕
ដោយ៖ លឹម ហុង
