ភ្នំពេញ៖ ភាសាអង់គ្លេស ត្រូវបានចាត់ទុកជាភាសាសំខាន់ទី១ សម្រាប់ប្រើប្រាស់ជាសកល ក្នុងការទំនាក់ទំនងជាមួយមនុស្សនៅជុំវិញពិភពលោក ។ ហេតុនេះហើយ ទើបមាតាបិតា និងអាណាព្យាបាលសិស្សតែងតែជំរុញកូនៗរបស់ពួកគេ ឲ្យសិក្សាភាសានេះជាភាសាទីពីរ។
ទោះយ៉ាងណា ភាសាអង់គ្លេសនេះ បើគិតឲ្យស៊ីជម្រៅទៅ គឺមានលក្ខណៈស្មុគស្មាញណាស់ ទាំងពាក្យរបស់វាមានសូរស័ព្ទដូចៗគ្នាច្រើន និងសូម្បីឃ្លាប្រយោគវេយ្យាករណ៍ជាដើម ។ ហេតុនេះ គឺតម្រូវឲ្យអ្នកសិក្សាភាសានេះ ត្រូវព្យាយាមខិតខំរៀនសូត្រ និងរួមជាមួយការអនុវត្តន៍ជាក់ស្តែងជាមួយជនបរទេសឲ្យបានច្រើន ទើបឲ្យភាសាអង់គ្លេសរបស់អ្នកឆាប់វិវឌ្ឍទៅមុខបានល្អប្រសើរ។ ហើយអ្នកដែលអាចចេះនិយាយភាសាមួយនេះ បានយ៉ាងស្ទាត់ជំនាញ ត្រូវចាត់ទុកថាមិនធម្មតានោះទេ។
ដោយឡែក សម្រាប់ក្មេងស្រីម្នាក់នេះវិញ ដែលមានអាយុប្រហែលជា ៨ ទៅ ៩ ឆ្នាំ ប៉ុណ្ណោះ ប៉ុន្តែ នាងអាចនិយាយភាសាអង់គ្លេសបានយ៉ាងល្អ មិនចាញ់មនុស្សធំឡើយ ដែលធ្វើឲ្យគ្រប់គ្នាឃើញហើយមិនសរសើរមិនបាន ។ ទោះយ៉ាងណា អ្វីដែលធ្វើឲ្យនាងតូចអាចនិយាយភាសាអង់គ្លេសបានយ៉ាងល្អបែបនេះ ក្មេងស្រីរូបនេះបានបង្ហាញពីបទពិសោធខ្លះៗដូចខាងក្រោម៖
ទី១- នាងតែងតែស្តាប់យ៉ាងយកចិត្តទុកដាក់ នៅពេលលោកគ្រូ អ្នកគ្រូ បង្រៀន
ទី២- នាងមិនដែលមាត់ឡូឡា ឬជជែកគ្នាលេង ក្នុងម៉ោងសិក្សានោះទេ
ទី៣- នៅពេលទំនេរ នាងតែងអានសៀវភៅ ឬ ធ្វើលំហាត់ជាដើម
ទី៤- នាងតែងតែជួយបង្រៀន ឬ ពន្យល់ដល់មិត្តភក្តិ
ទី៥- នាងតែងមករៀនមិនដែលខកខាន និង កែប្រែទម្លាប់ក្នុងការសិក្សា
បើតាមគណនីហ្វេសប៊ុកឈ្មោះ Bong Pheak បានប្រាប់ឲ្យដឹងថា ក្មេងស្រីម្នាក់នេះមានឈ្មោះ យ៉ុន ស្រីលាភ រៀនពូកែផ្នែកភាសារអង្គគ្លេស ប៉ុន្តែ នាងកំព្រាឪពុក ៕
ដោយ៖ លឹម ហុង
