ភ្នំពេញ៖ នៅថ្ងៃ ព្រហស្បតិ៍ ទី ១៤ ខែ ឧសភា ឆ្នាំ ២០២០វេលាម៉ោង ២រំលងអធ្រាត្រ នៅចំណុចផ្លូវ៦០ម៉ែត្រ មុខសំណង់មិនរៀបរយ ក្រុមទី៨ ភូមិ ព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ សមត្ថកិច្ចបានឃាត់ខ្លួនជនសង្ស័យចំនួន ១នាក់ ឈ្មោះ ហេងបូរ៉ា ភេទ ប្រុសអាយុ ២៥ឆ្នាំ ជនជាតិខ្មែរមុខរបរមិនពិតប្រាកដ ស្នាក់នៅ ផ្លូវ៦០ម្រ៉ែត ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ។
សមត្ថកិច្ចបានបញ្ជាក់ពីដំណើររឿងថា នៅថ្ងៃទី១៤ ខែឧសភា ឆ្នាំ២០២០ វេលាម៉ោង២យប់ កម្លាំងប៉ុស្តិ៍នគរបាលរដ្ឋបាលចាក់អង្រែលើ ចុះល្បាតក្នុងមូលដ្ឋាន មកដល់ចំណុច កើតហេតុខាងលើក៏ប្រទះឃើញជនសង្ស័យ ឈ្មោះ ហេងបូរ៉ា កំពុងឈរលក់ថ្នាំញៀនក៏ឃាត់ត្រួតពិនិត្យ ឃើញមានក្រាមសថ្លាចំនួន ៥ កញ្ចប់ថង់តូច (សង្ស័យជាគ្រឿងញៀ) ក៏ឃាត់ខ្លួនយកមកធ្វើការសាកសួរ នៅប៉ុស្តិ៍នគរបាលចាក់អង្រែលើតែម្ដង។ វត្ថុតាងដកហូត មាន៖ ក្រាមពណ៌សថ្លា ចំនួន៥កញ្ចប់ថង់តូច ។ បច្ចុបន្បន្នជនសង្ស័យ ឈ្មោះ ហេងបូរ៉ា ឃាត់ខ្លួននៅអធិការដ្ឋាននគរបាលខណ្ឌមានជ័យ កសាងសំណុំរឿងតាមនីតិវិធីច្បាប់៕
ដោយ៖ CEN
