ភ្នំពេញ៖ អធិការដ្ឋាននគរបាលខណ្ឌសែនសុខ បានឲ្យដឹងថា នៅថ្ងៃទី១៤ ឧសភា ២០២០ វេលាម៉ោ១៤ និង០០នាទី ប៉ុស្តិ៍នគរបាលរដ្ឋបាលគោកឃ្លាង ធ្វើការឃាត់ខ្លួនជនសង្ស័យ១នាក់ ករណីលួចម៉ូតូ និងឡាន នៅចំណុចក្នុងផ្ទះលេខ៥៧ ផ្លូវបេតុង ក្រុម១ ភូមិដំណាក់ សង្កាត់គោកឃ្លាង ខណ្ឌសែនសុខ កាលពីថ្ងៃទី១៤ ឧសភា ២០២០ វេលាម៉ោង៥ និង២០នាទីភ្លឺ ។
ជនសង្ស័យឈ្មោះ ឡា តា ភេទប្រុស អាយុ៣២ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះជួលលេខ១៨០ ផ្លូវជាតិលេខ៥ ភូមិបឹងឈូក សង្កាត់គីឡូតិ៍ម៉ែត្រលេខ៦ ខណ្ឌឫស្សីកែវ (មានសារធាតុញៀន) បានធ្វើសកម្មភាពលួចគាស់ទ្វាផ្ទះលួចយកឡាន និងម៉ូតូរបស់ជនរងគ្រោះឈ្មោះ យ៉ាន ម៉េងហៃ ភេទប្រុស អាយុ៣២ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះលេខ៥៧ ផ្លូវបេតុង ក្រុម១ ភូមិដំណាក់ សង្កាត់គោកឃ្លាង ខណ្ឌសែនសុខ ។ សម្ភារបាត់បង់ ម៉ូតូ១គ្រឿង ម៉ាកនិច ពណ៌ខៀវលាយស ផលិតឆ្នាំ២០១៨ ពាក់ផ្លាកលេខភ្នំពេញ 1HB-4710 , សម្ភារបន្សល់ទូក រថយន្ត១គ្រឿង ម៉ាកឡិចស៊ីសRX៣០០ ពណ៌ស ផលិតឆ្នាំ២០០៤ ពាក់ផ្លាកលេខភ្នំពេញ2AD-7263 ។
បច្ចុប្បន្នជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕
ដោយ៖កូឡាប
