វៀតណាមរកឃើញអ្នកឆ្លងវីរុសកូរ៉ូណាថ្មីចំនួន ២៤នាក់នៅថ្ងៃសុក្រនេះ ដែលករណីឆ្លងទាំងអស់នេះ គឺកើតលើជនជាតិវៀតណាម ដែលត្រឡប់មកពីប្រទេសរុស្សីវិញ។ អ្នកទាំងនោះ ត្រូវបានអាជ្ញាធរ ដាក់ឲ្យនៅដាច់ដោយឡែក ពេលត្រឡប់មកពីប្រទេសរុស្សីវិញ។ នេះបើតាមការបញ្ជាក់របស់ក្រសួងសុខាភិបាល។
វៀតណាម ត្រូវបានគេមើលឃើញថា ជាប្រទេសដែលអាចទប់ស្កាត់ការឆ្លងរាតត្បាតវីរុស COVID-19 បានយ៉ាងមានប្រសិទ្ធភាព ដោយប្រទេសនេះមិនមានអ្នកឆ្លងវីរុសចំនួន ២៩ថ្ងៃជាប់គ្នា រហូតដល់ថ្ងៃសុក្រនេះ។
បច្ចុប្បន្ន ប្រទេសដែលមានប្រជាជន ៩៧លាននាក់នេះ មានអ្នកឆ្លងវីរុសសរុបចំនួន ៣១២នាក់ និងមិនមានអ្នកស្លាប់ម្នាក់ឡើយ។ អ្នកជំងឺចំនួន ២៦០នាក់ ឬជាង ៩០ភាគរយ បានជាសះស្បើយពីវីរុស៕
ប្រភព៖ Channelnewsasia
អត្ថបទប្រែសម្រួលដោយ៖ សុភ័ក្រ