ភ្នំពេញ៖ សាររៀបរាប់ទាំងទឹកភ្នែក និងឈឺចាប់ របស់ស្ត្រីជាម្តាយវ័យក្មេង មានរូបឆោមដ៏ស្រស់សោភាម្នាក់ នៅក្នុងថ្ងៃខួបកំណើតកូនស្រីជាទីស្រឡាញ់ ចំថ្ងៃដែលរូបនាង និងប្តីលែងលះគ្នា បានធ្វើឲ្យអ្នកប្រើប្រាស់បណ្តាញសង្គមដែលសូម្បីតែបុរសៗ ទឹកភ្នែករាក់មួយចំនួន រំជួលចិត្ត ហូរទឹកភ្នែមិនដឹងខ្លួន។
គណនីហ្វេសប៊ុកឈ្មោះ មនុស្ស ស្រីឯកា បានធ្វើការបង្ហោះសារថ្ងៃខួបកំណើតកូនស្រីរបស់នាង ដោយបញ្ចេញទាំងក្រដាសលែងលះគ្នា រៀបរាប់ទាំងកំសត់ថា៖ “HBDកូនសម្លាញ់ម៉ាក់ ជូនពរឲ្យកូនមានសុខភាពល្អ នឹងប្រាជ្ញាឈ្លាសវៃធំឡើងរៀនពូកែនឹងធ្វើជាក្មេងល្អ។ ម៉ាក់សូមទោសកូនថ្ងៃកំណើតកូន គឺជាថ្ងៃដែរម៉ាក់និងប៉ាកូន ត្រូវលែងលះគ្នា គេសុខចិត្តទៅចោលយើង ហើយគេថាគេឈប់ស្រឡាញ់ម៉ាក់ហើយ គេថាបន្តទៀត ក៏គ្មានន័យម៉ាក់ មិនអាចឃាត់ប៉ាកូនបានទេ ម៉ាក់ពិតជាសូមទោស ពិតមែនដែរត្រូវឲ្យកូនកំព្រា។ តែម៉ាក់នឹងតស៊ូចិញ្ចឹមកូនឲ្យធំ ហើយរៀនឲ្យចប់មហាវិទ្យាល័យ ដូចកូនគេដែរ មានប៉ាដែរ សង្ឃឹមថា ប៉ាកូននឹងមិនភ្លេចកូនទៅចុះ” ។
បន្ទាប់មក គណនីខាងលើក៏បានទម្លាយចេញរឿងរ៉ាវ ក្នុងចិត្តដ៏ឈឺចាប់មួយនេះ ឲ្យដឹងទៀតថា៖ “ញុំចង់សួរថាខ្ញុំខុសអី ទើបបង្ខំខ្ញុំឲ្យលែង? ហើយអ្នកនិយាយថា មិនបានស្រឡាញ់ខ្ញុំ ដូចមុនទេ តែអ្នកបែរជាផុសថា មកពីខ្ញុំមិនរស់នៅជាមួយអ្នក តែ៣នាក់ម្ដាយកូន តែសួរថាគ្រាន់ចឹងនាំខ្ញុំទៅលែងលះដែរ ចុះខ្ញុំសូមលោករស់នៅឆ្ងាយគ្នា១រយៈសិន ម៉េចមិនព្រមដាច់ខាត ត្រូវលែងលះសួរអ្នកចង់១០០ដងហើយអ្នកនៅតែចង់លែងខ្ញុំទៀត ខ្ញុំគិតថាបើអ្នកព្រមរស់នៅឆ្ងាយ១រយៈ យើងអាចត្រូវគ្នាវិញ តែអ្នកឆ្លើយថាមិនអាច អ្នកមិនខ្វល់ពីពាក្យអង្វរ នឹងទឹកភ្នែកស្រីម្នាក់នេះទេ សួរថាឈឺចាប់ទេ បើគេដាច់ខាតសុំយើងលែងចឹង ហើយរស់នៅជាមួយមនុស្សដែរ មិនស្រឡាញ់យើង តើអាចរស់នៅកើតទេ បើគេមិនសូម្បីចង់លើកទូរស័ព្ទយើងផងពេលនេះ” ៕ ដោយ៖ លឹម ហុង
