កោះកុង៖ ស្នងការដ្ឋាននគរបាលខេត្តកោះកុង បានរាយការណ៍ព័ត៌មានបឋមថា នៅថ្ងៃទី១៥ ឧសភា ២០២០ នាវេលម៉ោង ១០និង៤៥ នាទីព្រឹក មានករណីគ្រោះថ្នាក់ ចរាចរកើតឡើង នៅលើផ្លូវជាតិលេ ៤៨ ចន្លោះបង្គោលគីឡូម៉ែតលេខ ១-២ (ចំណុចស្ពានអូរជ្រៅ) ក្នុងភូមិអូរជ្រៅឃុំ បឹងព្រាវ ស្រុកស្រែអំបិល។
ស្នងការដ្ឋាននគរបាលខេត្តកោះកុង បានបន្តថា គ្រោះថ្នាក់នេះ ដោយរថយន្តធំ បុកគ្នាជាមួយរថយន្តតូច (បញ្ច្រាសទិសគ្នា) ហើយធ្លាក់ចូលអូរទឹក បណ្តាលឲ្យស្លាប់ ២ នាក់ ស្រី១ នាក់ (ក្មេង១នាក់ប្រុស) និងរងរបួសធ្ងន់ស្រាល ៦ នាក់ ស្រី៤ នាក់ ។
បច្ចុប្បន្នកម្លាំងយើង កំពុងជួយសង្គ្រោះយកអ្នករងរបួសទៅកាន់មន្ទីរពេទ្យ៕
ដោយ៖កូឡាប
