កំពត ៖ យុវតីរូបស្រស់សោភាម្នាក់បាន ជួបគ្រោះថ្នាក់ចរាចរណ៍ ដោយរថយន្តយីឌុបកង់១០ បុកម៉ូតូ Nex ជិះឌុបគ្នា២នាក់ បណ្ដាលឲ្យកិនបែកក្បាលស្លាប់យ៉ាងអាណោចអាធ័ម ចំណែកមិត្តភក្តិរងរបួសបាក់ដៃម្ខាង ចំណែកឯតៃកុងរថយន្តបង្ក បានចុះគេចខ្លួនបាត់ នៅតាមផ្លូវជាតិលេខ៤១ ត្រង់ចំណុចជិតដល់រូបសំណាកលោកយាយម៉ៅ ខណៈពេលកំពុងជិះម៉ូតូឌុបគ្នាធ្វេីដំណេីរទៅខេត្តកំពត ជាមួយមិត្តភក្តិប្រុសស្រី៥នាក់ទៀត ជិះម៉ូតូ៣គ្រឿង កាលពីម៉ោងជិត១០យប់ថ្ងៃទី១៦ ខែឧសភា ឆ្នាំ២០២០នេះ ។
សូមបញ្ជាក់ថា រថយន្ត ម៉ាក FUSO ផ្លាកលេខចង្កូតស្ដាំ PP-1982 នៅលើរថយន្ត បានបន្សល់ប័ណ្ណបើកបរប្រភេទ(ខ-B) និងអត្តសញ្ញាណប័ណ្ណ មានឈ្មោះឡេង ហែម រស់នៅឃុំកក់ ស្រុកបរសេដ្ឋ ខេត្តកំពង់ស្ពឺ។
បើតាម ហ្ហ្វេសប៊ុក Phearak Da Irish បានរៀបរាប់ពីដំណេីររឿងរបស់ប្អូនស្រីរងគ្រោះមានឈ្មោ ពិន ស្រីពេជ្រ អាយុ ២០ឆ្នាំ ដែលជួបគ្រោះថ្នាក់ចរាចរណ៍បណ្ដាលឲ្យស្លាប់បាត់បង់ជីវិតនេះ ។
បច្ចុប្បន្នក្រោយពេលកេីតហេតុ សពរបស់យុវតីរងគ្រោះ ត្រូវបានក្រុមគ្រួសារ ដឹកយកមកចាត់ចែងតម្កល់ធ្វេីបុណ្យតាមប្រពៃណី នៅផ្ទះរបស់នាងផ្ទាល់តែម្ដង ស្ថិតនៅជិតវត្តចាស់ ខណ្ឌជ្រោយចង្វា ៕
ដោយ ៖ បញ្ញាស័ក្តិ