ភ្នំពេញ៖ ស្ថានទូតចិនប្រចាំកម្ពុជា នៅថ្ងៃទី១៧ឧសភានេះ បានចេញប្រកាសព័ត៌មានថា ចាប់តាំងពីមានការផ្ទុះឡើងនូវជំងឺវីរុសCOVID-19មក ស្ថានីយវារីអគ្គិសនីឬស្សីជ្រុំដែលសាងសង់ឡើងដោយចិន និងមានទីតាំងក្នុងតំបន់ព្រៃនៃខេត្តកោះកុង នាប៉ែកនិរតីនៃប្រទេសកម្ពុជា នៅតែបន្តរក្សាដំណើរការដដែល បានធ្វើឲ្យប្រទេសក្នុងអាស៊ីអាគ្នេយ៍មួយនេះប្រឈមមុខជាមួយភាពមិនច្បាស់លាស់នៃស្ថានភាពជំងឺវីរុសប្រកបដោយសេចក្តីអង់អាចនិងក្លាហាន។
វារីអគ្គិសនី ឬស្សីជ្រុំក្រោម ស្ថិតនៅជួរភ្នំក្រវ៉ាញ ស្រុកមណ្ឌលសីមា ខេត្តកោះកុង។ ទំនប់មានប្រវែង ៣២២ម៉ែត្រ និងកម្ពស់៥៨ម៉ែត្រ មានអនុភាព ៣៣៨មេហ្គាវ៉ាត ។ ខ្សែបញ្ជូន ២៣០គីឡូវុល មានប្រវែង១៥,៥គីឡូម៉ែត្រ ។បញ្ជូនពីស្ថាននីយ៍ឬស្សីជ្រុំក្រោម ទៅខ្សែបញ្ជូនរបស់គម្រោងវារីអគ្គិសនីតាតៃ រួមបញ្ចូលនៅស្ថានីយ៍វារីអគ្គិសនីអូសោម បន្តបញ្ជូនភ្ជាប់ទៅបណ្តាញភ្នំពេញ-កំពង់ឆ្នាំង-ពោធិ៍សាត់-បាត់ដំបង សម្រាប់ចែកចាយប្រើប្រាស់ទូទាំងប្រទេស។ ស្ថានីយ៍វារីអគ្គិសនីស្ទឹងឬស្សីជ្រុំក្រោម សាងសង់ដោយក្រុមហ៊ុន China Huadian Company។
សូមបញ្ជាក់ថា នាថ្ងៃទី៤ ខែកញ្ញា ឆ្នាំ២០១៩ លោកWang Wentianឯកអគ្គរដ្ឋទូតចិនប្រចាំកម្ពុជាបានអញ្ជើញចុះពិនិត្យសុវត្ថិភាពស្ថានីយវារីអគ្គិសនីតាតៃនៃក្រុមហ៊ុនសាជីវកម្ម China National Heavy Machinery Corporation និងស្ថានីយវារីអគ្គិសនីឬស្សីជ្រុំក្រោមនៃក្រុមហ៊ុនសាជីវកម្ម China Huadian Corporation Ltd លោកWu Guoquanទីប្រឹក្សាកិច្ចការសេដ្ឋកិច្ចពាណិជ្ជកម្មនៃស្ថានទូតចិនប្រចាំកម្ពុជាអញ្ជើញរួមដំណើរផងដែរ។
ក្នុងដំណើរចុះពិនិត្យ លោកឯកអគ្គរដ្ឋទូតបានអញ្ជើញពិនិត្យមើលទំនប់ទឹកនិងរោងចក្រថាមពលអគ្គិសនីនៃទីតាំងខាងលើ ហើយអញ្ជើញជួបពិភាក្សាជាមួយបុគ្គលិកថ្នាក់គ្រប់គ្រង និងបុគ្គលិកថា្នក់ប្រតិបត្តិនៃសហគ្រាសខាងលើ ព្រមទាំងអញ្ជើញស្តាប់របាយការណ៍សុវត្ថិភាពផលិកម្មដែលរាយការណ៍ដោយអ្នកទទួលបន្ទុកលើកិច្ចការសហគ្រាសខាងលើ។ លោកឯកអគ្គរដ្ឋទូតបានស្នើសហគ្រាសដែលពាក់ព័ន្ធត្រូវចងចាំការអភិវឌ្ឍន៍សុវត្ថិភាពឲ្យបានខ្ជាប់ខ្ជួន លើកកម្ពស់ការយល់ដឹងពីសុវត្ថិភាពផលិកម្ម អនុវត្តការទំនួលខុសត្រូវលើសុវត្ថិភាពផលិកម្មចម្បងរបស់សហគ្រាសឲ្យបានល្អ ដើម្បីធានាគម្រោងផែនការណ៍ប្រកបដោយសុវត្ថិភាព និងគ្មានបញ្ហាកើតមានឡើង។
លោកឯកអគ្គរដ្ឋទូតសូមតំណាងឲ្យស្ថានទូតជូនពរពិធីបុណ្យសែននំព្រះខែចិននាពេលខាងមុខនេះដល់បុគ្គលិកបម្រើការងារនៃគម្រោងវារីអគ្គិសនីខាងលើ និងថ្លែងអំណរគុណដល់អ្នកទាំងអស់គ្នាដែលតែងលះបង់យ៉ាងសកម្មក្នុងកិច្ចសហប្រតិបត្តិការរវាងចិននិងកម្ពុជា។
សម្តេចតេជោហ៊ុន សែន អញ្ជើញចូលរួមសម្ពោធដាក់ឲ្យដំណើរការវារីអគ្គិសនីប្ញស្សីជ្រុំក្នុងឃុំប៉ាក់ខ្លងស្រុកមណ្ឌលសីមា ខេត្តកោះកុងនៅថ្ងៃទី១២មករា២០១៥។
ស្ថានីយវារីអគ្គីសនីឬស្សីជ្រុំបានដំណើរការសាងសង់ដោយក្រុមហ៊ុនចិនឈ្មោះCHINAHUDIAN HONGKONG CO,LTកាលពីថ្ងៃទី២៨ខែធ្នូឆ្នាំ២០១០។
វារីអគ្គិសនីស្ទឹងឫស្សីជ្រុំក្រោម ជាការវិនិយោគរបស់ ក្រុមហ៊ុន China Huadian Corporation របស់ប្រទេស ចិនក្រោមរូបភាព“សាងសង់-ដំណើរការ-ផ្ទេរ ”(BOT)ក្នុងទឹកប្រាក់វិយោគចំនួន ៤៩៥,៧៦លានដុល្លារអាមេរិកមានអនុភាព ៣៣៨ មេហ្កាវ៉ាត់ ដែលអាចផលិតថាមពលអគ្គិសនីប្រចាំឆ្នាំជាមធ្យមប្រមាណជាង១.០២០ លានគីឡូវ៉ាត់ម៉ោងមានរយៈពេលសម្បទាន៣៥ឆ្នាំក្នុងនោះ៥ឆ្នាំសំរាប់ដំណើរការសាងសង់ និង៣០ឆ្នាំសម្រាប់ដំណើរការធ្វើអាជីវកម្ម ។ថ្លៃអគ្គិសនីលក់ឱ្យក្រុមហ៊ុនអគ្គិសនីកម្ពុជាស្មើនិង ៧,៣៥ សេនដុល្លារអាមេរិក ក្នុងមួយគីឡូវ៉ាត់ម៉ោង ។
មកដល់ពេលនេះកម្ពុជាកំពុងដំណីរការផលិតថាមពលអគ្គិសនីធំៗចំនួន៨ដែលរាជរដ្ឋាភិបាលបានអនុម័តឱ្យដំណើរការសាងសង់ក្នុងនោះរួមមានវារីអគ្គិសនីកំចាយ មានអនុភាព១៩៣,២មេហ្គាវ៉ាត់,វារីអគ្គិសនីស្ទឹងអាតៃមានអនុភាព១២០មេហ្កាវ៉ាត់,វារីអគ្គិសនីស្ទឹងតាតៃ មានអនុភាព២៦០ មេហ្កាវ៉ាត់ ,វារីអគ្គិសនីគីរីរម្យ៣មានអនុភាព១៨ មេហ្កា វ៉ាត់, វារីអគ្គិសនីឬស្សីជ្រុំក្រោម មានអនុភាព៣៣៨មេហ្គាវ៉ាត់,អគ្គិសនីដុតធ្យូងថ្មទី១មានអនុភាព១០០មេហ្កាវ៉ាត់,អគ្គិសនីដុតធ្យូងថ្មទី២ មានអនុភាព២៧០មេហ្កាវ៉ាត់ ,វារីអគ្គិសនីសេសានក្រោមទី២ មានអនុភាព ៤០០ មេហ្កាវ៉ាត់ និងគំរោងវារីអគ្គិសនី ១២ ផ្សេងទៀត កំពុងសិក្សា៕
ដោយ៖កូឡាប