នាថ្ងៃទី១៨ ខែឧសភា ឆ្នាំ២០២០ ឯកឧត្តម នាយឧត្តម សេនីយ៍ បណ្ឌិត ម៉ៅ ហាវណ្ណាល់រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល បានអនុញ្ញាតិឲ្យ លោក W Patrick Murphy ឯកអគ្គរដ្ឋទូត សហរដ្ឋអាមេរិក និងសហការីចូលជួប សំដែងការគួរសម និងពិភាក្សាការងារ។
ក្នុងជំនួប សំដែងការគួរសម និងពិភាក្សាការងារ បានលើកនូវការវិវត្តិវិស័យអាកាសចរស៊ីវិលនៅកម្ពុជា ជាពិសេសក្នុងអំឡុងពេលCovid-19,ការសងសង់អាកាសយានដ្ឋានអន្តរជាតិ,ការប្រើប្រាស់ប្រភេទអាកាសយានBoeing នៅប្រទេសកម្ពុជា, ការផ្តល់សច្ចាប័ននៃការអនុវត្តអនុសញ្ញា Cape Town Convention ជាប្រយោជន៏សម្រាប់ហិរញ្ញប្បទានក្នុងការជួលអាកាសយាន និងកិច្ចព្រមផ្លូវអាកាសរវាងកម្ពុជានិងអាមេរិច។
ឯកឧត្តមបណ្ឌិតរដ្ឋមន្ត្រីបានបញ្ចាក់ថា ក្នុងរយះពេលចុងក្រោយនេះវិស័យអាកាសចរស៊ីវិលកម្ពុជាមានការីកចម្រើនគួរឲ្យកត់សម្កាល់រហូតដល់មានក្រុមហ៊ុនអាកាសចរដែលបានបង្កើតឡើងនៅកម្ពជាមានចំនួន8 ប៉ុន្តែដោយសាវិបត្តិជំងឺរាតត្បាលជាសកលCovid-19 កម្ពុជាក៏ដូចជាប្រទេសជាច្រើនលើពិភពលោកដែលត្រូវបានផ្អាកក្នុងគោលបំណងទប់ស្កាតជំងឺនេះ ប៉ុន្តែកម្ពុជានៅមានប្រតិបត្តិការខ្លះៗជាធម្មតា ដូចជាការបំពេញភាពជាមនុស្សធម៌ ដឹកអ្នកដំណើរអាមេរិចនិងសាសន៍ផ្សេងៗទៀតពីកប៉ាល់វេសដាំ និងទំនិញជាដើម។
ចំពោះការសាងសង់អាកាសយានដ្ខានថ្មីគឺដោយសារទី1 អាកាសយានដ្ឋានអន្តរជាតិភ្នំពេលមានលក្ខណះតូចចង្អៀតនិងមានទីតាំងមិនអំណោយផល ពោលគឺនៅកៀកក្រុងពេក ហើយព្រលានត្រូវវិនិយោគដោយក្រុមហ៊ុនកូនខ្មែរក្នុងស្រុក ទី2 អាកាសយានដ្ឋានអន្តរជាតិខេត្តសៀមរាប ក៏មានលក្ខណះតូចចង្អៀតដែរ ជាពិសេសស្ថិតនៅជិតអង្ករវត្ត ដែលមានការការពារពី UNESCO ក្រុមហ៊ុននេះវិនិយោគដោយក្រុមហ៊ុនយូណានមកពីប្រទេសចិន និងទី3ចំពោះអាកាសយានដ្ឋានអន្តរជាតិខេត្តព្រះសីហនុគឺយើងទុកលទ្ធភាពជូនក្រុមហ៊ុន SCA/VINCI ធ្វើការវិនិយោគពង្រីកបន្ថែមកម្រិតថ្នាក់4E ហើយនឹងបញ្ចប់នៅខែតុលា ឆ្នាំ2022។ ចំពោះការចង់ឲ្យមានការប្រើប្រាស់ប្រភេទអាកាសយានប៊ូអ៊ីងនៅកម្ពជា ឯកឧត្តមបណ្ដិតសូមស្វាគមន៍ និងសូមឲ្យក្រុមហ៊ុន Boeing មកសហការនិងធ្វើបទបង្ហាញដល់អ្នកប្រើប្រាស់។ ចំពោះឯកឧត្តមបណ្ឌិតផ្ទាល់ក៏ពេញចិត្តធ្វើដំណើរតាមប្រភេទយន្តហោះ Boeing ដែរជាពិសេស ប្រភេទយន្តហោះ B777 ដែលផ្តល់ផាសុកភាពក្នុងការធ្វើដំណើរ។
ឯកឧត្តមបណ្ឌិតក៏មិនជំទាស់ចំសំណើរគិតគូរអនុសញ្ញាខេបថោន Cap Town Convention តែឯកឧត្តមបណ្ឌិតក៏ស្នើឲ្យលោក ឯកអគ្គរដ្ឋទូត ផ្តល់អ្នកប្រឹក្សានិងជំនួយបច្ចេកទេសក្នុងដំណើរការនេះ។ ដោយឡែកចំពោះកិច្ចព្រមព្រៀងសេវាកម្មដឹកជញ្ជូនតាមផ្លូវអាកាសវិញ គឺរហូតមកទល់ពេលនេះកម្ពុជាបានចុះហត្ថលេខាទាំងទ្វេភាគី និងពហុភាគីបានចំនួន44ប្រទេសហើយ ហើយក្នុងនោះជាមួយអាស៊ានមាន6កិច្ចព្រមព្រៀងពហុភាគី។ ជាមួយសហរដ្ឋអាមេរិចយើងបានជួយពិភាក្សាគ្នាតាំងពីឆ្នាំ2014ហើយមានចំនុចឯកភាពគ្នាច្រើន លើកលែងតែ ពាក្យនិយមន័យ ទឹកដី និងការស្នើសុំធ្វើសេវាកម្មផ្ទៃដីដោយភាគីអាមេរិចផ្ទាល់ខ្លួនឯង ចំនុចនេះឯកឧត្តមនងពិនិត្យពន្លឿន ហើយសេវាកម្មផ្ទៃដីគួរក្រុមហ៊ុនអាមេរិចមកធ្វើការពិភាក្សាផ្ទាល់ជាមួយក្រុមហ៊ុនវិនិយោគអាកាសយាមដ្ឋាន BOT អាកាសចរស៊ីវិលចាំតែជួយសម្រួលសម្រួលជូន។
ឯកឧត្តអគ្គរដ្ឋទូត សហរដ្ឋអាមេរិក បានកោតសសើរយ៉ាងខ្លាំងដល់ការដឹកនាំរបស់ឯកឧត្តមបណ្ឌិត ជាពេលរដ្ឋាភិបាលកម្ពុជា ហើយលោកក៏នឹងជំរុញ ឲ្យក្រុមហ៊ុនអាកាសចរអាមេរិកមកពិភាក្សាដោយផ្ទាល់ជាមួយក្រុមហុនវិនិយោគអាកាសយានដ្ឋានកម្ពុជាក្រោមកិច្ចសម្របសម្រួលពី រដ្ឋលេខាធិការដ្ឋានអាកាសចរស៊ីវីល និង នឹងរៀបចំអ្នកទំនាក់ទំនងមករដ្ឋលេខាធិការដ្ឋានអាកាសចរស៊ីវិល និងជំនួយបច្ចេកទេសសម្រាប់ការផ្តល់សច្ចាប័នអនុសញ្ញាCap Town៕ ដោយ ៖ វីដា
