សិង្ហបុរី៖ យោងតាមការចែករំលែករឿងរ៉ាវនៅលើ Instagram ឈ្មោះ Jade បានឲ្យដឹងថា ស្ត្រីបរទេសម្នាក់បានដើរលេងជាមួយប្តីរបស់នាង និងប្តីប្រពន្ធ១គូទៀត ត្រូវបានគេចោទប្រកាន់ថា បានបញ្ចេញកេរ្តិ៍ភេទដាក់មនុស្សម្នា និងថែមទាំងធ្វើសកម្មភាពផ្លូវភេទខុសច្បាប់នៅទីនោះជាសាធារណៈទៀតផង។
បន្ទាប់ពីធ្វើការស៊ើបអង្កេតបន្ថែមទៀតលើបញ្ហានេះ ក្នុងគោលបំណងស្រាវជ្រាវរកការពិត គេបានរកឃើញថាប្តីប្រពន្ធទាំងនេះមានអាយុចន្លោះពី ៤០ ឆ្នាំ និង ២០ ឆ្នាំ ពួកគេម្នាក់ៗមានគណនី Twitter ពោរពេញទៅដោយរូបថតអាសអាភាសដែលមានអ្នកតាមដាន ៣៧.០០០ នាក់ ក្នុងរយៈពេល ៣ ខែ។
ករណីនេះដែលត្រូវបានរាយការណ៍ដោយ Min Daily (SMDN) បានបញ្ជាក់ផងដែរថា គណនីរបស់ពួកគេត្រូវបានផ្អាកដោយ Twitter រួចហើយ កាលពីថ្ងៃទី១៥ ខែឧសភា។
ប្តីប្រពន្ធនេះក៏មានក្រុម Telegram ឯកជនមួយដែលជាកន្លែងពួកគេអញ្ជើញ (Invite) មនុស្សឱ្យចូលរួមសម្រាប់ “មាតិកាផ្តាច់មុខ” ។ ប្តីប្រពន្ធនេះបានស្នើសុំឱ្យអ្នកដែលចង់ចូលរួមជាមួយក្រុម Telegram បង់ថ្លៃសមាជិកភាពប្រចាំខែចំនួន $17.63 ។ ក៏មានកញ្ចប់បន្សំ ៣ ខែ ដែលមានទឹកប្រាក់ចំនួន $48.99 ៕
ប្រែសម្រួល៖ លឹម ហុង (ប្រភព៖ worldofbuzz)