ភ្នំពេញ៖ ក្រសួងធនធានទឹកនិងឧតុនិយម បានចេញសេចក្តីជូនដំណឹង ស្តីពី ស្ថានភាពធាតុអាកាស ចាប់ពីថ្ងៃទី២០ដល់ថ្ងៃទី២៦ខែឧសភាឆ្នាំ២០២០ នឹងអាចមានភ្លៀងធ្លាក់រាយប៉ាយពីតិចទៅបង្គួរ ។
ក្រសួងដដែល បានបន្តថា តាមរយៈនៃការប្រែប្រួលជាបន្តបន្ទាប់ នៃស្ថានភាពអាកាសធាតុដែលបណ្តាលមកពីជ្រលងសម្ពាធទាប គួបផ្សំនឹងខ្យល់មូសុងនិរតីគ្របដណ្តប់ និងបក់លើកម្ពុជា ចាប់ពីថ្ងៃទី២០ដលទី២៦ខែឧសភា នឹងធ្វើឲ្យបណ្តាខេត្តនៅតំបន់វាលទំនាបកណ្តាល មានសីតុណ្ហភាពអប្បបរមានមានពី២៥ទៅ២៨អង្សាសេ សីតុណ្ហភាពអតិបរមាមានពី៣៧ទៅ៣៩អង្សារ នឹងអាចមានភ្លៀងធ្លាក់រាយប៉ាយពីតិចទៅបង្គួរ ក្នុងនោះផ្នែកខ្លះនៃវាលទំនាបខាងក្រោមនឹងអាចមានៅភ្លៀងធ្លាក់ច្រើន។ បណ្តាខេត្តនៅតំបន់ជួរភ្នំដងរែក និងខ្ពង់រាបឦសាន សីតុណ្ហភាពអប្បបរមាមានពី២៤ទៅ២៦អង្សាសេ និងសីតុណ្ហភាពអតិបរមាមានពី៣៣ទៅ៣៨អង្សាសេ នឹងអាចមានភ្លៀងធ្លាក់ពីតិចទៅមធ្យម។ បណ្តាខេត្តនៅតំបន់មាត់សមុទ្រ សីតុណ្ហភាពអប្បបរមានមានពី២៦ទៅ២៨អង្សាសេ សីតុណ្ហភាពអតិបរមាមានពី៣៣ ទៅ៣៥អង្សាសេ នឹងអាចមានភ្លៀងពីខ្សោយទៅមធ្យម។
ក្រសួងធនធានទឹក បានបញ្ជាក់ថា ស្ថានភាពអាកាសធាតុដូចខាងលើនេះ សូមសាធារណជន ប្រុងប្រយ័ត្នចំពោះបាតុភូតផ្គរ រន្ទះ និងខ្យល់កន្ត្រាក់ ដែលអាចកើតមានឡើងជាយថាហេតុ ជាពិសេស បណ្តាខេត្តនៅតំបន់ជួរភ្នំដងរែក និងតំបន់វាលទំនាបកណ្តាល ចាប់ពីថ្ងៃទី២៦ដល់២៦ខែឧសភា៕
ដោយ៖កូឡាប
