ភូមា៖ កាលពីថ្ងៃទី១៩ ខែឧសភា ឆ្នាំ២០២០ ប្រជាពលរដ្ឋនៅក្នុងភូមិ ឡឹកកាន នៃទីប្រជុំជន ម៉ុងយ៉ាវ ប្រទេសមីយ៉ាន់ម៉ា បានរំភើបចិត្តយ៉ាងខ្លាំង នៅពេលដែលពួកគេបានឃើញវត្តមានរថយន្តជាលើកដំបូងក្នុងប្រវត្តិសាស្ត្រ នៃដំណើរជីវិតរស់នៅលើទឹកដីនេះអស់រយៈពេល ១៩ ឆ្នាំ ។
ឡឹកកាន គឺជាភូមិមួយបាននិងកំពុងស្ថិតក្នុងដំណើរការកសាង អស់រយៈពេលជាង ៥ ឆ្នាំ មកហើយ ប៉ុន្តែ ពុំដែលមានរថយន្តណា១គ្រឿង ចូលមកក្នុងភូមិនេះទេ ចាប់តាំងពីភូមិនេះកកើតមក។
ព្រោះតែចង់បានភូមិមួយ មានផ្លូវថ្នល់ចេញចូលល្អប្រសើរ ហេតុនេះ ពួកគេបានរួមដៃគ្នាធ្វើការកសាងភូមិ ក្នុងនោះសំខាន់ទៅលើផ្លូវដើរ ដោយខិតខំតស៊ូធ្វើតាមដែលពួកគេអាចធ្វើបាន ដើម្បីឲ្យពិភពខាងក្រៅបានចូលមកទីនេះ។ ឥឡូវនេះ ពួកគេបានសម្រេចគោលដៅជីវិតរបស់ពួកគេហើយ ។
សូមបញ្ជាក់ថា រថយន្តដែលបានមកដល់ក្នុងភូមិនេះ មានចំនួន ៣ គ្រឿង គឺជារបស់ក្រុមការងារសប្បុរសធម៌ ដើម្បីមកចែកអំណោយដល់ភូមិនៅទីនេះ ដែលកំពុងតស៊ូដើម្បីជីវិតឯកោ អស់រយៈពេល ១៩ ឆ្នាំ មកហើយ។
ដោយសារតែអររំភើយរីករាយខ្លាំង និងក៏ដូចសម្តែងនូវការដឹងគុណ ដល់ក្រុមសប្បុរសធម៌ ពួកអ្នកភូមិបានធ្វើពិធីសាសនា សូត្រមន្ត និងផ្តល់ចំណីឲ្យរថយន្តបរិភោគ ដែលគេធ្លាប់ឃើញចាស់ៗក្មេងៗខ្មែរយើងសម័យមុន បាននាំគ្នាយកចេក ល្ហុង ដូង អំពៅទៅឲ្យឡានស៊ីដូចគ្នាផងដែរ៕
ប្រែសម្រួល៖ លឹម ហុង (ប្រភព៖ https://thutasone.net/)
