ប៉ៃលិន៖ ទាហានរបស់ថៃ បានព្រមរុះរើរោងដែលខ្លួន បានសងនៅលើតាមបន្ទាត់ព្រំដែនជាតំបន់ស ក្នុងភូមិសាស្ត្រខេត្តប៉ៃលិន ។ ការយល់ព្រមនេះ ធ្វើឡើងនៅក្នុងកិច្ចប្រជុំនៅព្រឹកថ្ងៃទី១៩ ខែឧសភា ដោយភាគីកម្ពុជាដឹកនាំ ដោយលោកឧត្តមសេនីយ៍ទោ សេង ធារិន មេបញ្ជាការរង នាយសេនាធិការយោធភូមិភាគ៥ ភាគីថៃ បានដឹកនាំ លោកវរសេនីយ៍ឯក ធីរ៉ាក់វ៉ាត់ សែនចៃរ៉ាក់ មេបញ្ជាការយោធា ខេត្តច័ន្ទ-បូរី ។
ក្នុងការជួបប្រជុំរវាងមេបញ្ជាការរង នាយសេនាធិការយោធភូមិភាគទី៥ ជាមួយមេបញ្ហាការយោធាខេត្តច័ន្ទបូរីនេះ គឺបានដោះស្រាយទំនាស់ ដែលបានកើតឡើងយ៉ាងយូរមកហើយ ហើយនៅក្នុងតំបន់ស តាមខ្សែបន្ទាត់ព្រំដែន កម្ពុជា-ថៃ ពីមុនមក ដោយភាគីថៃព្រមរុះរើរោងដែលថៃ បានសាងសង់នៅលើ ខ្សែបន្ទាត់ព្រំដែនកម្ពុជា-ថៃ ក្នុងតំបន់ស ចេញ ។
ជាមួយគ្នានោះ លោកឧត្តមសេនីយ៍ សេង ធារិន ក៏បានស្នើឲ្យភាគីថៃ បើកច្រកទ្វារអន្តរជាតិព្រំ ប៉ៃលិន ឡើងវិញ ដើម្បីឲ្យមានការដោះដូរទំនិញទៅវិញទៅមក រវាងប្រទេសទាំងពីរ ៕
ដោយ៖អ៊ុងសារុំ
