ខេត្តកណ្តាល ៖ កម្លាំងការិយាលយ័ប្រឆាំងការជួញដូរ និងការពារអនីតិជននៃស្នងការដ្ឋាននគរបាលខេត្តកណ្តាល បានបញ្ជូនលោកគ្រូស្រោចទឹកម្នាក់ទៅសាលាដំបូងខេត្តកណ្តាល ក្នុងករណីលោកគ្រូរូបនោះ រំលោភអ្នកជំងឺទំនងសម្រេចបានជាច្រើនដង នៅរសៀលថ្ងៃទី២៤ ខែមករា ឆ្នាំ២០១៨ ។
បច្ចុប្បន្នជនសង្ស័យកំពុងស្ថិតក្រោមការសាកសួររបស់លោក ទិន សុចិត្រា ព្រះរាជអាជ្ញាររងអមសាលាដំបូងខេត្តកណ្តាល។
ហេតុការណ៍នេះបានកើតឡើងនៅ ថ្ងៃចន្ទ ទី២២ ខែ មករាឆ្នាំ២០១៨ វេលាម៉ោង ១០និង៣០ នាទី នៅចំណុចភូមិជ័យឧត្តម២ ឃុំសំរោងធំ ស្រុកកៀនស្វាយ ខេត្តកណ្តាល។
នគរបាលស្រុកកៀនស្វាយបានប្រាប់អោយដឹងថា ជនរងគ្រោះ ឈ្មោះ ស ប ណអាយុ ២៦ ឆ្នាំ មុខរបរ កម្មករមានទីលំនៅ ភូមិ មេលោង ឃុំ ចេកស្រុក ស្វាយជ្រំ ខេត្ត ស្វាយរៀង។ ជនសង្ស័យឈ្មោះ ឯក កុសល ភេទ ប្រុស អាយុ ៣៩ ឆ្នាំ មុខរបរ រត់ម៉ូតូកង់បី (គ្រូស្រោចទឹក) មានទីលំនៅ ភូមិ ជ័យឧត្តម២ ឃុំសំរោងធំ ស្រុកកៀនស្វាយ ខេត្តកណ្តាល ។
នគរបាលបានស្រង់សម្តីស្ត្រីរងគ្រោះមកបញ្ជាក់ថា នាងខ្ញុំមានជំងឺប្រចាំកាយ ហើយបានទៅមើលជំងឺស្ថិតក្នុងភូមិជ័យឧត្តម២ ឃុំ សំរោងធំ ស្រុកកៀនស្វាយ ខេត្ត កណ្តាល នៅផ្ទះរបស់ឈ្មោះ ឯក កុសល ស្រាប់តែឈ្មោះ ឯកកុសល បានប្រាប់ខ្ញុំថា កូនគេចូលរូបមកកាន់នាងខ្ញុំហើយជនសង្ស័យក៏បានចាប់រំលោភនាងខ្ញុំនៅក្នុងអាស្រំ បានសម្រេចចំនួន២ដង ក្នុងពេលមួយយប់។ ហើយថ្ងៃបន្ទាប់មកទៀតជនសង្ស័យនោះបានរំលោភនាងខ្ញុំចំនួន៣ដងទៀត រួចហើយជនសង្ស័យនោះ បានគំរាមនាងខ្ញុំថា បើមិនព្រមគឺបារមីនិងកាច់បង ប្អូន ឪពុក ម្តាយនាងខ្ញុំស្លាប់ទាំងអស់។ ហើយជារៀងរាល់ថ្ងៃ ជនសង្ស័យនោះតែងតែរំលោភនាងខ្ញំបានសម្រេច ២ទៅ៣ដងរហូត។ នាងខ្ញុំបានមកដាក់ពាក្យបណ្តឹងនៅសាលាឃុំ ប៉ុស្តិ៍នគរបាលរដ្ឋបាលសំរោងធំ បានទទួលបណ្តឹងរួចក៏បានរាយការណ៍ជំនាញស្រុក ដើម្បីកសាងសំណុំរឿងតាមនិតិវិធីច្បាប់៕ ដោយ៖បញ្ញាស័ក្តិ