ភ្នំពេញ៖ រថយន្តទ្រុងមួយគ្រឿង បើករអិល ពេលដែលមេឃកំពុងតែភ្លៀងរេចង្កូឡើងលើសួនពុះចែកទ្រូងផ្លូវ បណ្ដាលឲ្យក្រឡាបផ្ងារជើងមួយចំហៀង បង្កឲ្យមានការភ្ញាក់ផ្អើលកាលពីវេលាម៉ោង៨ និង០០នាទី នៅថ្ងៃទី២០ ខែឧសភា ឆ្នាំ២០២០ស្ថិតតាមបណ្ដោយផ្លូវ ៥០ ម៉ែត្រ ក្នុងភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ។
ឈ្មោះម្ចាស់រថយន្ដ បឹម ចៅ អាយុ៣០ឆ្នាំ មុខរបរ ស៊ីឈ្នួលបើកបរ បច្ចុប្បន្នស្នាក់នៅខណ្ឌច្បារអំពៅ មានស្រុកកំណើតនៅភូមិថ្នល់ទទឹង ភូមិប្រដាក ស្រុកបន្ទាយស្រី ខេត្តសៀមរាប។
បើយាងតាមប្រភពព័ត៌មានពីកន្លែងកើតហេតុ បានប្រាប់ឲ្យថា មានរថយន្ដទ្រុងពណ៌ខ្មៅ លាយខៀវ ដឹកទឹកសុទ្ធមួយគ្រឿង ពាក់ផ្លាកលេខភ្នំពេញ2AS-0318 បានធ្វើដំណើរក្នុងទិសដៅពីពីកើតមកលិច ក្នុងល្បឿនលឿន ខណៈពេលដែលមេឃកំពុងតែភ្លៀងផង ក៏រអិលររេចង្កូតឡើងលើសួន ពុះចែកទ្រូងផ្លូវ បណ្ដាលឲ្យក្រឡាបផ្ងារជើងមួយចំហៀង បណ្ដាលឲ្យរងការខូចខាតស្មៅប្រហែល៤ម៉ែត្រ ចំពោះករណីខាងនេះ មិនបណ្ដាលឲ្យមានអ្នករងរបួសឡើយ។
ក្រោយពេលកើតហេតុសមត្ថកិច្ចក៏មកដល់កន្លែងកើតហេ តុដោយឃើញមិនខូចខាត ដល់សម្បត្តិរដ្ឋ ក៏ប្រគល់រថយន្ដឲ្យម្ចាស់រថយន្ដទៅជួសជុល៕
ដោយ៖ហង់ភក្ត្រា និងសាម៉េត