ប្រទេសសឹង្ហបុរី ៖ ថ្ងៃទី២១ខែឧសភាឆ្នាំ២០២០- ក្រុមហ៊ុន MVLLABS ភីធីអិលធីឌី (“MVL”) ដែលជាក្រុមហ៊ុននៅពីក្រោយក្រុមហ៊ុន TADA -សេវាកម្មកក់ការធ្វើដំណើរមិនកាត់កម្រៃជើងសារដំបូងបង្អស់នៅអាសុីអាគ្នេយ៍ផ្អែកលើបច្ចេកវិទ្យាBlockchain- បានប្រកាសថ្ងៃនេះចំពោះការទទួលប្រាក់វិនិយោគទុនបន្តពីការវិនិយោគ Series A លើកមុនពីធនាគារពាណិជ្ជកម្មShinhanដែលជាធនាគារមានទុនច្រើនជាងគេមួយនៅប្រទេសកូរ៉េខាងត្បូង។ក្រុមហ៊ុនSamkee Automotive ដែលជាក្រុមហ៊ុនឯកទេសខាងធ្វើពុម្ពគ្រឿងម៉ាសុីនលំដាប់ថ្នាក់អន្តរជាតិមួយនិងក្រុមហ៊ុនiloomដែលជាម៉ាក់គ្រឿងសង្ហារឹមក្នុងផ្ទះដ៏ល្បីល្បាញមួយនៅប្រទេសកូរ៉េខាងត្បូងក៏បានចូលរួមក្នុងការវិនិយោគទុនលើកនេះផងដែរ។ការវិនិយោគទុនលើកនេះនាំឲ្យ MVL ទទួលប្រាក់វិនិយោគសរុបជិត១០លានដុល្លារបើគិតតាំងពីការវិនិយោគ Series A លើកមុន។
ហិរញ្ញប្បទានពីការវិនិយោគទុននេះនឹងត្រូវបានប្រើដើម្បីបន្តពង្រីកទីផ្សារបច្ចុប្បន្នរបស់ MVL ក៏ដូចជាការអភិវឌ្ឍប្រព័ន្ធអេកូចល័តដែលបង្កើតទ្បើងនៅលើបច្ចេកវិទ្បាBlockchainរបស់ MVL។ការវិនិយោគនេះនឹងធ្វើឲ្យ MVL អាចមានលទ្ធភាពបង្កើនទុនពីការពង្រីកទីផ្សាររបស់កម្មវិធី TADA ដែលជាផលិតផលរបស់ MVL។ក្រុមហ៊ុនសង្ឃឹមថាទាំងអ្នកបើកបរនិងអ្នកជិះអាចចូលរួមចំណែកក្នុងការធ្វើដំណើរនាថ្ងៃអនាគតប្រកបដោយនិរន្តរភាព។តាមការវិនិយោគទុននេះក្រុមហ៊ុនក៏អាចធ្វើការអភិវឌ្ឍសមត្ថភាពរបស់ខ្លួនដើម្បីនាំមកនូវផលិតផលនិងសេវាកម្មដែលមានភាពច្នៃប្រឌិតលើបច្ចេកវិទ្យាBlockchainរបស់ MVL។
លោក Kay Woo, នាយកប្រតិបត្តិរបស់MVL មានប្រសាសន៍ថា : “ជាមួយការវិនិយោគទុននេះយើងនឹងអាចបន្តបេសកម្មរបស់យើងក្នុងការបង្កើតប្រព័ន្ធអេកូចល័តមួយប្រកបដោយនិរន្តរភាពនិងភាពប្រសើរជាងមុន។ថ្មីៗនេះផងដែរយើងក៏បានបើកដំណើរនូវសេវាកម្មដឹកជញ្ជូន TADA នៅក្នុងប្រទេសកម្ពុជាដើម្បីជួយសម្រួលដល់អាជីវកម្មនិងអ្នកបើកបររបស់យើងដែលបានទទួលរងផលប៉ះពាល់ពីការវាយលុកនៃវុីរុសកូវីដ-១៩។នេះជាអ្វីដែលយើងចង់បង្ហាញថាយើងអាចប្រើបច្ចេកវិទ្យារបស់យើងជាកម្លាំងវិជ្ជមានមួយបាន។យើងសូមថ្លែងអំណរគុណដល់អ្នកវិនិយោគទុនរបស់យើងដែលមានភាពជឿជាក់ទៅលើចក្ខុវិស័យនៃប្រព័ន្ធអេកូចល័តដែលប្រសើរមាននិរន្តរភាពនិងមិនលម្អៀងរបស់យើង។”
អ្នកនាំពាក្យរបស់ធនាគារShinhanក៏មានប្រសាសន៍ផងដែរថា: “ប្រព័ន្ធចល័តលើបច្ចេកវិទ្យាBlockchainរបស់ MVL មានការរីកចម្រើនយ៉ាងខ្លាំងសម្រាប់អ្នកប្រើប្រាស់ក្នុងរយៈពេល៣ឆ្នាំកន្លងមកនេះ។យើងរំពឹងថានឹងបង្កើតនូវផលិតផលរួមគ្នាឲ្យកាន់តែប្រសើរជាមួយសេវាកម្មហិរញ្ញវត្ថុរបស់ធនាគារShinhanដូចជាកាបូបលុយអេឡិចត្រូនិចរបស់យើងដើម្បីផ្តល់អត្ថប្រយោជន៍ឈ្នះឈ្នះដល់ធនាគារShinhanនិងក្រុមហ៊ុន MVL”។
សម្រាប់ព័ត៌មានលម្អិតពី MVL សូមចូលទៅកាន់។
សម្រាប់សំណួរទាក់ទងនឹងការផ្សព្វផ្សាយ:
លោកជីមប៉ូលី
ប្រធានចាត់ការទូទៅក្រុមហ៊ុន MVL TADA (Cambodia)
poly.chim@mvlchain.io
អំពីក្រុមហ៊ុន MVLLABS ភីធីអិលធីឌី (“MVL”):
MVL ជាប្រព័ន្ធអេកូចល័តដែលមានមូលដ្ឋានលើបច្ចេកវិទ្យា Blockchain។ក្រុមហ៊ុន MVL កំពុងជំរុញឲ្យមានការផ្លាស់ប្តូរទ្រង់ទ្រាយធំមួយនៃចល័តភាពរបស់ខ្លួនតាមរយៈសេវាកម្មកក់ការធ្វើដំណើរដែលមិនកាត់កម្រៃជើងសារដំបូងបង្អស់នៅអាសុីអាគ្នេយ៍គឺកម្មវិធី TADA ដែលមានអ្នកបើកបរជាង៨១ពាន់នាក់និងអ្នកប្រើប្រាស់ច្រើនជាង៥សែននាក់នៅប្រទេសសិង្ហបុរី, វៀតណាមនិងកម្ពុជា។
ទិន្នន័យនៃចល័តភាពដូចជាការធ្វើប្រតិបត្តិការការធ្វើដំណើរគ្រោះថ្នាក់ផ្សេងៗនិងការថែទាំយានយន្តគឹត្រូវបានកត់ត្រាទុកនិងតភ្ជាប់ទៅក្នុងប្រព័ន្ធរួមតែមួយ។អ្នកដំណើរមានទំនាក់ទំនងជាមួយទិន្នន័យនៃចល័តភាពរបស់ប្រព័ន្ធរួមនៅលើBlockchainតាមរយៈសេវាកម្មដូចជាកម្មវិធី TADA និងសេវាផ្សេងៗដែលនឹងមាននៅពេលខាងមុខនេះ។
អំពីធនាគារShinhan:
ធនាគារShinhanគឺជាផ្នែកមួយនៃសុីនហានហ្វាយនែនគ្រុបដែលជាធនាគារពាណិជ្ជកម្មធំមួយនៅប្រទេសកូរ៉េខាងត្បូង។សម្រាប់ព័ត៌មានលម្អិតពីធនាគារShinhanសូមចូលទៅកាន់: https://www.shinhan.com/en/។
អំពីiloom:
Iloomគឺជាម៉ាកឈានមុខគេមួយដែលមានឯកទេសខាងគ្រឿងសង្ហារឹមក្នុងផ្ទះ។Iloomផ្គត់ផ្គង់គ្រឿងសង្ហារឹមដែលមានភាពច្នៃប្រឌិតស្របទៅតាមទស្សនៈអាជីវកម្មរបស់ខ្លួន “យើងបង្កើតគ្រឿងសង្ហារឹមតាមរបៀបដែលត្រឹមត្រូវ”។Iloomបានឈ្នះពានរង្វាន់iF Design និង Red Dot Design ក៏ដូចជាពានរង្វាន់ Japan’s Good Design និង IDEA ពីសហរដ្ឋអាមេរិកកាលពីឆ្នាំ២០១៨។សម្រាប់ព័ត៌មានលម្អិតពី MVL សូមចូលទៅកាន់: https://www.iloom.com/។
អំពីSamkee Automotive:
Samkee Automotive គឺជាអ្នកឯកទេសខាងផលិតពុម្ពគ្រឿងម៉ាសុីនគ្រឿងអាលុយមីញ៉ូមដែលបង្កើតទ្បើងកាលពីឆ្នាំ១៩៧៨។Samkee Automotive អភិវឌ្ឍនិងផលិតគ្រឿងម៉ាសុីនទាំងមូលចាប់ពីគ្រឿងម៉ាស៊ីនចំហេះខាងក្នុងដែលមានទៅជាយានយន្តអគ្គិសនីនិងសម្ភារៈដែលប្រើថ្ម។ក្រុមហ៊ុននេះបានធ្វើការផ្គត់ផ្គង់គ្រឿងម៉ាសុីនទៅក្រុមហ៊ុន Hyundai-Kia, Volkswagen, និង LG Group។សម្រាប់ព័ត៌មានលម្អិតពី MVL សូមចូលទៅកាន់: http://www.samkee.com/eng/main/ ៕ ដោយ ៖ CEN