ភ្នំពេញ ៖ នៅរសៀលថ្ងៃទី២១ ខែឧសភា ឆ្នំ២០២០ មានករណីគ្រោះថ្នាក់ចរាចរណ៍ រថយន្តមួយគ្រឿង បានបើកបុកស្លាកប៉ាន់ណូ រួចរត់គេចទៅប៉ះរថយន្តមួយគ្រឿងទៀត តាំងពីម្តុំផ្សារធំថ្មី រួចបើករត់គេចមកត្រង់ចំណុចស្តុបផ្សារកាប់គោ តាមបណ្តោយផ្លូវព្រះនរោត្តម កែងផ្លូវ២៩៤ ខណ្ឌបឹងកេងកង រាជធានីភ្នំពេញ ទៅបុករថយន្តមួយគ្រឿងទៀត ។
បន្ទាប់ពីបង្កហេតុ សមត្ថកិច្ចបានចាប់ខ្លួនស្ត្រីបើករថយន្តបង្កនោះ យកទៅប៉ុស្តិ៍ប៉ូលិស ដើម្បីដោះស្រាយសំណង ប៉ុន្តែសមត្ថកិច្ចពុំទាន់បញ្ជាក់ពីអត្តសញ្ញាណនៅឡើយ។ រថយន្តបង្កម៉ាកវីហ្គោ ពណ៌ខ្មៅ ពាក់ផ្លាកលេខ ភ្នំពេញ 2I 1367។ រថយន្តនោះ បុកគេយ៉ាងខ្លាំង បណ្តាលឲ្យផ្ទុះពោង និងបែកកញ្ចក់។
រថយន្តវីហ្គោនោះ ក៏បានជ្រុលទៅបុករថយន្តមួយគ្រឿងទៀត ម៉ាក កាមរីបាឡែន ពណ៌ខ្មៅ ភ្នំពេញ 2A 8081 បណ្តាលឲ្យរងការខូចខាងតផ្នែកខាងក្រោយ និងចំហៀងខាងស្តាំ យ៉ាងដំណំផងដែរ ហើយធ្វើរថយន្តកាមរីបាឡែននេះ ជ្រុលទៅបុកឡើងលើសួនច្បារពុះចែកទ្រូងផ្លូវ និងបុកដើមមួយដើម។
នគរបាលមូលដ្ឋាន បាននិយាយប្រាប់អ្នកកាសែតថា ស្ត្រីនោះ មានសតិមិនប្រក្រតីផង ៕
ដោយ៖សហការី