បន្ទាយមានជ័យ ៖ សម្តេចក្រឡាហោម ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃថ្លែងថា ការបោះឆ្នោតព្រឹទ្ធសភាខាងមុខអាចមានប្រឈមតិចតួច ។តែបោះឆ្នោតរដ្ឋសភានាខែកក្កដា ឆ្នាំ២០១៨ នឹងប្រឈមច្រើន។
ដូច្នេះក្នុងនាមយើងជាគណបក្ស ជារដ្ឋាភិបាលកាន់អំណាចត្រូវតែប្រុងប្រយ័ត្ន ត្រូវចេះវិភាគនិងគ្រប់គ្រងសភាពការណីអោយបានណែនដូចដែលយើងបានទ្រោលបានគ្រប់ដំណាក់កាលកន្លងមក។
សម្តេចក្រឡាហោម ស ខេង ថ្លែងដូច្នេះកាលពីម្សិលមិញថ្ងៃទី២៣មករាឆ្នាំ២០១៨ ក្នុងពិធីបិទសន្និបាតបូកសរុបការងាររដ្ឋបាលខេត្តបន្ទាយមានជ័យ។
សម្តេចបង្ហាញប្រៀបខ្លាំងថា ៖ តាំងពីក្រោយឆ្នាំ១៩៧៩ យើង(សាធារណរដ្ឋប្រជាមានិតកម្ពុជា) ជួបប្រឈមខ្លាំងក្លាណាស់ដោយសហគមន៍អន្តរជាតិលោកខាងលិច អង្កការសហប្រជាជាតិមិនទទួលស្គាល់ មិនផ្តល់អាសន:នៅអសបនិងបាយយើងគ្រប់ច្រក ។
ប៉ុន្តែយើងទ្រោល និងឈរជើងបាន។តែដើម្បីសន្តិភាព កំណើនជីវភាព សេដ្ឋកិច្ចសង្គមនិងបង្រួបបង្រួមជាតិ យើងសុខចិត្តចចារសន្តិភាព ហើយនាំអោយមានកិច្ចព្រមព្រៀងសន្តិភាពទីក្រុងប៉ារីសឆ្នាំ១៩៩១ ហើយមានពហុគណបក្សបោះឆ្នោតសាកលតាមបែបលទ្ធិប្រជាធិបតេយ្យ សេរីយុត្តិធម៍ និងគោរពសិទ្ធិមនុស្ស។
ចំណែកសភាពការណ៍នយោបាយបច្ចុប្បន្ន យើងក៏ប្រឈមច្រើនដែរក្រោយតុលាការឬក៏យើងតែម្តង បានរំលាយទាំងស្រុងគណបក្សប្រឆាំង-សង្គ្រោះជាតិ និងរចនាសម្ព័ន្ធ អង្កការចាត់តាំងរបស់គេ ហើយហាមប្រាមអ្នកនយោបាយអតីតគណបក្សនោះជាច្រើនមិនអោយធ្វើនយោបាយដើម្បីកុំអោយគេមកប្រកួតប្រជែងបាន។
យើងក៏បានកាច់បំបាក់ គាស់រំលើងទាំងស្រុងនូវលទ្ធភាពដែលអាចនឹងមានបដិវត្តពណ៍(ដែលមានគណបក្សប្រឆាំាងជាអ្នកធ្វើនិងមានបរទេសលោកខាងលិចជាខ្នងបង្អែក) នៅក្នុងប្រទេសដែលផុយស្រួយនឹងកើតឡើងដូចមានក្នុងដានប្រវត្តិសាស្ត្រនេះមែន ប៉ុន្តែមនុស្សនិងសកម្មភាពឬចលនាគណបក្សប្រឆាំងមិនទាន់បាត់រលត់នៅឡើងទេ។
យើងមិនត្រូវមើលស្រាល ឬសន្តិភាពនិយមជាមួយពួកនេះទេ ។ ព្រោះអតីតគណបក្សប្រឆាំងដែលមានពលរដ្ឋគាំទ្រគេច្រើនគួរសមបន្ទាប់ពីយើងនិងបរទេសដែលគាំទ្រជាបង្អែករបស់គេក៏មិនសុខចិត្ត ហើយនៅចិញ្ចឹមចិត្តស្តារស្ថានការណ៏័។
សម្តេចក្រឡាហោម បន្តថា៖ CNRP ត្រូវយើងរំលាយខ្ទេចមែន តែទឹកចិត្ត ,បណ្តាញ ,កម្លាំងរបស់ពួកគេនៅមានដដែលទេគ្រាន់តែធ្វើជាសម្ងាត់។ ហើយខ្នងបង្អែកបរទេសខាងគេក៏មិនសុខចិត្តឡើយ ។ចូរប្រយ័ត្នបំផុត ។
ទោះយ៉ាងណាយអ្នកត្រូវចងចាំថា យើងរំលាយបក្សនោះព្រោះ តែទុកនឹងនាំអោយមានសង្គ្រាម មានការបែកបាក់ សាមគ្គីភាពជាតិ។
ដូចកាលពីឆ្នៃ២០១៣ បក្សប្រឆាំង(គេ)មហាបាតុកម្មធំតវ៉ា រាល់ថ្ងៃតាមផ្លូវ ក្នុងបំណងផ្តួលយើង តែយើងមិនដួល។កាលណោះ បើយើងលោតតាមគេ មិនវាងវៃទេ ប្រហែលយើងចូលអន្ទាក់គេបាត់ទៅហើយ ។ តែគេលោត ក៏ចូលអន្ទាក់យើងវិញ។
សម្តេចបន្ថែមថា ៖ យើងដឹងហើយគេ(បក្សប្រឆាំង) គេធ្វើនេះមានបរទេសបង្គាប់បញ្ជា ឬធ្វើតាមបរទេស។ ឯយើងម្ចាស់ការខ្លួនឯង ។តែយើងធ្លាប់ពឹងជំនាញការវៀតណាមដែរកាលក្រោយឆ្នាំ១៩៧៩ ។ តែក្រោយមក យើងមិនពឹងទៀតទេ ។ ពោលគឺកុំឃើញទឹកនឹង ថាគ្មានក្រពើក្នុងនោះអោយសោះ ។ យើងរំលាយគេ គេក៏រង់ចាំតែឱកាសបកមកវិញ ហើយរកឱកាសនឹងផ្ទុះឡើង ។ដូចជាឥឡូវនៅក្រៅប្រទេស គេបង្កើតចលនាសង្គ្រោះជាតិ ដើរតួនាទីជំនួសគណបក្សសង្គ្រោះជាតិ ។ក្នុងប្រទេស ក៏មានពលរដ្ឋគាំទ្រ ទោះជាមិនចេញមុខ។
គេទៅផ្លុំត្រចៀកអោយសភាសហភាពអឺរ៉ុប អាមេរិកនិងប្រទេសលោកសេរីផ្សេងទៀតគាំទ្រគេ ។ គេក៏ជម្រុញជប់ូន កូរ៉េខាងត្បូង… អោយដាក់ទ័ណ្ឌកម្មសេដ្ឋកិច្ចយើង តែប្រទេសមិត្តទាំងនេះ ក៏ដូចរដ្ឋាភិបាលប្រទេសសេរីជាច្រើនមិនទាន់ដាក់ទណ្ឌកម្មយើង គេមិនធ្វើតាមសភាគេទេ។
ដូច្នេះសម្តេចក៏ផ្តាំផ្ញើអោយមន្ត្រី ត្រូវតែចេះរៀនទស្សនទាយសភាពការណ៍ ស្ថានការណ៍នយោបាយតើនឹងមានអ្វីកើតឡើងនាពេកខាងមុខ ពិសេសពេលបោះឆ្នោតជ្រើសរើសអ្នកតំណាងរាស្ត្រខាងមុខ។
ក៏ត្រូវបង្កើនការចុះមូលដ្ឋានឬធ្វើវេទិកានានាដើម្បីពន្យល់ពលរដ្ឋកុំអោយស្រឡាញ់ ជឿជាក់លើអតីតគណបក្សប្រឆាំង ហើយបញ្ជាក់ថា អ្វីៗដែលយើងធ្វើគឺស្របច្បាប់ ការពារ ថែរក្សាសន្តិភាព ស្ថេរភាព សិទ្ធិមនុស្ស ប្រជាធិបតេយ្យសេរីពហុបក្សនិងនិតិរដ្ឋ ។ មិនមែនយើងជាអ្នកបំផ្លាញទេ។
ហើយក៏ត្រៀមខ្លួនជាស្រេចប្រឈមមុខដោះស្រាយនឹងស្ថានភាពលំបាកៗដែលនឹងកើតឡើងនៅមុននិងអំឡុងបោះឆ្នោតជ្រើសរើសរដ្ឋសភាខែកក្កដាខាងមុខ ក៏ត្រូវប្រុងប្រយ័ត្ន ហើយបង្ការជាមុនព្រោះថា បណ្តាញការងារ ចលនារបស់គេមិនទាន់ចប់ទាំងស្រុងទេ។ ឧទាហរណ៍ ការបោះឆ្នោតសភាខាងមុខ បើគេជម្រុញពលរដ្ឋទៅបោះឆ្នោតដែរ តែទៅបោះបំផ្លាញ គូសអោយខូចសន្លឹកឆ្នោត អោយទៅជាអត់បានការបាន។
ចុះបើអត់បានការច្រើនទៅ ឬ ជិត៥០ភាគរយបូកមួយ ។ ទោះCPP យើងនៅតែបោះឆ្នោតទៅឈ្នះ ក៏វាមិនសូវល្អមើល។ សម្តេចបន្តថា៖ យើងលើកទឹកចិត្តនិងគោរពសិទ្ធិសេរីភាពខាងនយោបាយ ខាងបញ្ចេញមតិ និងធ្វើបាតុកម្មអហឹង្សារ ។ប៉ុន្តែ សម្រាប់ពួកអតីតបក្សប្រឆាំងត្រូវមើលអោយមែនទែន ៕ ដោយ ៖ បន្ទាយ