ភ្នំពេញ៖ លោកពេជ្រស្រស់ប្រធានគណបក្សយុវជនកម្ពុជា នៅពាក់កណ្តាលអធ្រាត្រ ថ្ងៃទី២២ឧសភា បានសរសេរសារលើហ្វេសប៊ុកថា ប្រភពច្បាស់លាស់១០០% លោក ខាន់ សុវណ្ណ ត្រូវបានសម្តេចតេជោ ហ៊ុន សែន បណ្តេញចេញពីវិទ្យុបាយ័នចាប់ពីពេលនេះតទៅ ក្រោយគណៈសង្ឃនាយកចេញសេចក្តីថ្លែងការណ៍ថ្កោលទោសយ៉ាងខ្លាំងក្លាចំពោះលោក ខាន់ សុវណ្ណ ដែលចង់ឱ្យផ្សឹកព្រះសង្ឃទាំងអស់ ព្រះជន្មក្រោម៥៦វស្សា។
សង្ឃប្រកាសវ៉ៃអ្នកលេង Facebook ឈ្មោះ ខាន់ សុវណ្ណ ដែលមានចេតនាញុះញង់ឲ្យមានការចាប់ផ្សឹកព្រះសង្ឃ
ដែលមានជន្មាក្រោម៥៦ឆ្នាំនៅទូទាំងប្រទេសកម្ពុជា ហើយចេតនានេះគឺជាការបើកផ្លូវឲ្យរបបប្រល័យពូជសាសន៍ត្រឡប់មកវិញ ដោយសាររបបដ៏ខ្មៅងងឹតនេះមិនគាំទ្រឲ្យមានព្រះសង្ឃឡើយ។
“ថ្ងៃនេះ ខ្ញុំ ពេជ្រ ស្រស់ សូមគោរពស្នើសុំរដ្ឋមន្ត្រីថ្មី នៃក្រសួងធម្មការចេញកណ្តាប់ដៃដែក មានចំណាត់ការផ្លូវច្បាប់ចំពោះលោក ខាន់ សុវណ្ណ ដើម្បីជាការបន្ថយកំហឹងរបស់ពលរដ្ឋដែលកំពុងពុះកញ្ជ្រោលចំពោះទង្វើថោកទាបបំផុតរបស់បុគ្គលឈ្មោះខាន់ សុវណ្ណ។ ពេជ្រ ស្រស់ 21/05/2020” ៕
ដោយ៖កូឡាប
