ភ្នំពេញ ៖ តារាចម្រៀងលំដាប់ជួរមុខលោក ខេមរៈ សិរីមន្ត ត្រូវបានចាត់ទុកថា ជាតារាចម្រៀងមួយរូប ដែលមានការលាក់បាំងពីជីវិតឯកជនខ្លាំងបំផុត ដែលធ្វើឲ្យមហាជនមួយចំនួនធំលើកឡើងហេតុផលថា ការលាក់បាំងរបស់លោកបែបនេះ គឺព្រោះតែខ្លាចធ្លាក់ប្រជាប្រិយភាព។
ទោះយ៉ាងណា ក្នុងអំឡុងឆ្នាំ២០១៨ ជីវិតឯកជនដែលលោកខំលាក់បាំងជាយូរឆ្នាំ ក៏លេចធ្លាយព័ត៌មានថា លោកមានប្រពន្ធ និងកូនរួចទៅហើយៗ ទីបំផុត លោកក៏បានបង្ហាញមុខភរិយាដ៏ស្រស់ស្អាតជាសាធារណៈ រហូតមកទល់ពេលនេះ។
យ៉ាងណាមិញ ថ្មីៗនេះ ស្រាប់តែលេចឡើងនូវរូបភាព១សន្លឹក ដែលជារូបភាពដ៏កម្របានឃើញ ពេលលោក និងភរិយា នៅជាគូសង្សានឹងគ្នា ធ្វើឲ្យគ្រប់គ្នាភ្ញាក់ផ្អើល និងលានមាត់ថា មុខមាត់អតីតរបស់លោក និងភរិយា បើប្រៀបនឹងបច្ចុប្បន្ន គឺពិតជាខុសប្លែកគ្នាឆ្ងាយ ១៨០ ដឺក្រេ ព្រោះពេលនេះសាច់ឈាមលោក និងភរិយាប្រែជាស្រស់ថ្លា មានសាច់ជាមុន ខណៈជីវិតគ្រួសាររបស់អ្នកទាំងពីរក៏ឡើងទ្រនំខ្ពង់ខ្ពស់មិនធម្មតា។
តាមរយៈរូបភាពនេះផងដែរ ហ្វេនៗរបស់លោក ក៏បានជួនពរដល់អ្នកទាំងពីរ បន្តចាប់ដៃគ្នាដើរលើវិថីជីវិតគ្រួសារ ដ៏មានសុភមង្គលនេះជារៀងរហូត៕
ដោយ៖ លឹម ហុង
