តាកែវ៖ យុវជន៣នាក់ ដែលជាមុខសញ្ញាជួញដូរ និងប្រើប្រាស់សារធាតុញៀនខុសច្បាប់ នៅក្រុងដូនកែវ ត្រូវបានកម្លាំងកងរាជអាវុធហត្ថខេត្ត ចុះបង្ក្រាប បានកាលពីវេលាម៉ោង ១០ និង៣០នាទី ថ្ងៃទី២១ ខែឧសភា ឆ្នាំ២០២០ ព្រមទាំងដកហូត បានវត្ថុតាងមួយចំនួន។
លោកវរសេនីយ៍ឯក ង៉ែត ចាន់ធី មេបញ្ជាការរងកងរាជអាវុធហត្ថខេត្ត បានឲ្យដឹងថា ក្រោមការសម្របសម្រួលនីតិវិធីដោយ លោក ជីវ ចាន់តារា ព្រះរាជអាជ្ញាអមសាលាដំបូងខេត្ត នៅថ្ងៃទី២១ ខែឧសភា លោកបានដឹកនាំកម្លាំងកំណត់មុខសញ្ញា ជួញដូរ និងប្រើប្រាស់គ្រឿងញៀនបាន ៣នាក់ នៅចំណុចភូមិថ្នល់បែក សង្កាត់រកាក្រៅ ក្រុងដូនកែវ ៖ 1-ឈ្មោះ ង៉ែត ពៅ ភេទ ប្រុស ភេទប្រុស អាយុ 25ឆ្នាំ ជនជាតិខ្មែរ មុខបរ មិនពិតប្រាកដ រស់នៅ ភូមិ រវៀង ឃុំសំបួរ ស្រុកទ្រាំង (ជួញដូរ) 2-ឈ្មោះ ណាង វណ្ណេត ភេទ ប្រុសអាយុ24ឆ្នាំ ជនជាតិ ខ្មែរ មុខរបរមិនពិតប្រាកដ រស់នៅភូមិ កំពង់ស្វាយ ស្រុកគៀនស្វាយ ខេត្តកណ្តាល (ប្រើប្រាស់) 3-ឈ្មោះ កឹង ធា ភេទប្រុសអាយុ 22ឆ្នាំ ជនជាតិខ្មែរ មុខរបរ មិនពិតប្រាកដ រស់នៅ ភូមិរវៀង ឃុំសំបួរស្រុកទ្រាំង ខេត្តតាកែវ (ប្រើប្រាស់)។ ក្នុងនោះសមត្ថកិច្ចដកហូតបានវត្ថុតាងមួយចំនួនរួមមាន ម្ស៉ៅក្រាមសថ្លា ចំនួន5កញ្ចប់ទំងន់17,81ក្រាម លទ្ធផលធ្វើតេស្តបឋម ពណ៌ត្នោតលឿងទុំ ជាប្រភេទ មេតំហ្វេតាមីនICC(ម៉ាទឹកកក) ជញ្ជីងថ្លឹងថ្នាំញៀនចំនួន1គ្រឿង សម្ភារវេចខ្ចប់និងប្រើប្រាស់គ្រឿងញៀនមួយចំនួន ទូរស័ព្ទ4គ្រឿង ម៉ូតូ 2 គ្រឿង (សង់ប៊ិច1គ្រឿង ផ្លាកលេខ 1N 0748 ភ្នំពេញ ស៊ីរ៉ូស1គ្រឿង អត់ផ្លាកលេខ)។
បច្ចុប្បន្នជនសង្ស័យ និងវត្ថុតាង ត្រូវបានការិយាល័យជំនាញ កសាងសំណុំរឿងបញ្ជូន ទៅសាលាដំបូងខេត្ត ដើម្បីចាត់ការបន្ត ទៅតាមនីតិវិធីច្បាប់ ៕
ដោយ៖តាកែវ