ចំនួនអ្នកឆ្លងវីរុសកូរ៉ូណា នៅក្នុងប្រទេសសិង្ហបុរី កើនឡើងដល់ជិត ៣០.០០០នាក់ កាលពីថ្ងៃព្រហស្បតិ៍ បន្ទាប់ពីរកឃើញអ្នកឆ្លងថ្មីចំនួន ៤៤៨នាក់។
ការរកឃើញអ្នកឆ្លងថ្មីជិត ៥០០នាក់បន្ថែម បានធ្វើឲ្យតួលេខអ្នកឆ្លង សរុបក្នុងប្រទេសនេះមានចំនួន ២៩.៨១២នាក់។
អ្នកជំងឺម្នាក់វ័យ ៧៣ឆ្នាំបានស្លាប់ និងបានក្លាយជាមនុស្សទី ២៣ដែលស្លាប់ដោយសារវីរុសនេះ ក្នុងប្រទេសសិង្ហបុរី។
សូមបញ្ជាក់ថា ក្នុងរយៈពេល ២សប្តាហ៍ចុងក្រោយនេះ វិរុសកូរ៉ូណា មានការរាតត្បាតខ្លាំង នៅក្នុងប្រទេសសិង្ហបុរី ដោយជារឿងរាល់ថ្ងៃ មានអ្នកឆ្លងថ្មីរាប់រយនាក់។
អត្ថបទប្រែសម្រួលដោយ៖ សុភ័ក្រ
ប្រភព៖ CNA