អ្នកប្រើប្រាស់បណ្តាញសង្គម ផ្ទុះកំហឹងជាខ្លាំង នៅពេលឃើញទិដ្ឋភាពដ៏សែនសង្វេកបំផុត មេឆ្កែ១ក្បាលត្រូវបានជនឃោរឃៅចាក់សម្លាប់គ្មានក្តីមេត្តា ឲ្យងាប់ចោលកូនៗទាំង៥របស់វាឲ្យកំព្រាឯកោ។
សមាគមសត្វម៉ាឡេស៊ី តាមរយៈទំព័រហ្វេសប៊ុករបស់ពួកគេ ដើម្បីបង្ហាញមេឆ្កែអនាថា១ក្បាលដែលត្រូវបានគេចាក់សម្លាប់យ៉ាងអាណោចអាធម ខណៈគេទើបតែឃើញវាកំពុងបំបៅកូនៗរបស់វាដែលទើបនឹងកើត។
ពួកគេបានសរសេរយ៉ាងដូច្នេះថា៖ «ករណីចាក់សម្លាប់មួយទៀត! ខណៈមេឆ្កែ១ក្បាលមានកូន៥ក្បាល ត្រូវបានគេសម្លាប់ ខណៈវាកំពុងមើលថែកូនៗរបស់វា។ ហេតុការណ៍ដ៏ស្លុតចិត្តនេះ បានកើតឡើងនៅ Jinjang ទីក្រុងគូឡាឡាំពួរ។ សមាគមសត្វម៉ាឡេស៊ី កំពុងអំពាវនាវរកសាក្សីណាដែលបានដឹងអត្តសញ្ញាណរបស់ជនល្មើស ឲ្យចេញមុខដោយក្លាហាន ដើម្បីប្រឈមមុខនឹងអាជ្ញាធរ។ ករណីពាក់ព័ន្ធនឹងអំពើដ៏សាហាវឃោរឃៅលើសត្វបែបនេះ មិនគួរនៅស្ងាត់ស្ងៀមបានទេ គឺចាំបាច់ត្រូវនាំជនល្មើសមកដាក់ទោសឲ្យរៀងចាល»។
ពួកគេបន្ថែមថា៖ «ប្រទេសម៉ាឡេស៊ីមានច្បាប់សុខុមាលភាពសត្វឆ្នាំ ២០១៥ ដែលផ្តល់អាទិភាព និងការពារសារៈសំខាន់នៃសិទ្ធិសត្វ ពីភាពសាហាវព្រៃផ្សៃ និងការរំលោភបំពាន។ សូមកុំព្រួយបារម្ភអំពីសុវត្ថិភាពរបស់អ្នក, WhatsApp លេខទូរស័ព្ទទំនាក់ទំនងសមាគមសត្វម៉ាឡេស៊ី + ៦០១១-២០៩០១០៩៧ ដើម្បីចែករំលែកព័ត៌មានទាក់ទងនឹងឧប្បត្តិហេតុ និងជនល្មើស។ ព័ត៌មានអំពីអ្នកផ្តល់ព័ត៌មាននឹងត្រូវបានយកចិត្តទុកដាក់»៕ »៕
ប្រែសម្រួល៖ លឹម ហុង (ហ្វេសប៊ុក៖ Persatuan Haiwan Malaysia – Malaysia Animal Association)