ស្ទឹងត្រែង៖សមត្ថកិច្ចចម្រុះចុះបង្ក្រាប សិប្បកម្មកែច្នៃឈើមួយកន្លែង នៅភូមិស្រែ ឃុំក្បាលរមាស ស្រុកសេសាន ខេត្តស្ទឹងត្រែង កាលពីថ្ងៃទី ២២ ខែឧសភា ឆ្នាំ២០២០ ។
មន្ត្រីចូលរួមចុះបង្ក្រាប បាននិយាយឲ្យដឹងថា ប្រតិបត្តិការ រួមមាន កម្លាំងកងរាជអាវុធហត្ថខេត្ត ស្រុកសេសាន នគរបាល រដ្ឋបាលព្រៃឈើ ដោយមានការសម្របសម្រួល ពីលោក វង្ស សាវ៉ាត ព្រះរាជអាជ្ញារង នៃសាលាដំបូងខេត្តស្ទឹងត្រែង។
មន្ត្រីជំនាញរដ្ឋបាលព្រៃឈើ អះអាងថា ការចុះបង្ក្រាបរោងសិប្បកម្មកែច្នៃឈើ គ្មានលិខិតអនុញ្ញាត នៅភូមិស្រែគរ ឃុំស្រែគរ ស្រុកសេសាន ខេត្តស្ទឹងត្រែង មួយកន្លែង មិនទាន់វាស់ឲ្យដឹងម៉ែត្រគុបនៅឡើយទេ។ គ្រាន់តែបានប្រមូលយកឈើ និងភស្តុតាង សម្ភារម៉ាស៊ីនមួយចំនួន និងបានពិនិត្យទីតាំងចាស់ៗ ធ្លាប់មានកិច្ចសន្យាចំនួន៤កន្លែងបន្ថែមទៀត។ ពេលនេះ ជំនាញរដ្ឋបាលព្រៃឈើ កំពុងបន្តនីតិវិធីច្បាប់៕
ដោយ៖សុខុម