ភ្នំពេញ៖ រឿងរ៉ាវរបស់តារា TikTok សុខា បានកំពុងទទួលការចាប់អារម្មណ៍ជាខ្លាំង ពីសំណាក់អ្នកប្រើប្រាស់បណ្តាញសង្គមហ្វេសប៊ុក បន្ទាប់ពី សុខា ដែលទើបតែបានចូលប៉ុស្តិ៍ប៉ូលិសកាលពីពេលកន្លងទៅថ្មីៗនេះ ស្រាប់តែមានឱកាសក្លាយទៅជាតារាសិល្បៈ ដោយត្រូវបានក្រុមហ៊ុនក្នុងស្រុកចំនួនពីរទទួលយក ក្នុងនោះបានជ្រើសរើសរូបនាង សុខា ធ្វើជាតួសម្តែងក្នុងខ្សែភាពយន្តបែបអប់រំ ដោយលាយឡំនឹងឈុតឆាកកំប្លែង ដែលបើតាមការឲ្យដឹង គឺត្រៀមនឹងចេញនាដើមខែមិថុនាខាងមុខនេះ។
ទោះយ៉ាងណា ជុំវិញការលើកស្ទួយមនុស្សស្រីដែលតែងរៀបចំខ្លួនជាមនុស្សប្រុសម្នាក់នេះ ឲ្យមានមុខមាត់នៅក្នុងវិស័យសិល្បៈដ៏គួរឲ្យភ្ញាក់ផ្អើល គេសង្កេតឃើញថា មនុស្សមួយចំនួនហាក់មិនពេញចិត្តសោះឡើយ ដោយក្នុងនោះគេបានលើកឡើងបែបនេះថា៖ “គេត្រូវការមនុស្សបែបនេះហើយ ដើម្បីបន្តវេនសិល្បៈហើយមើលទៅ ឲ្យតែចេះជេរ ចេះនិយាយធ្វើឡប់ៗ បំពុលសង្គម នាំយុវវ័យមើលហើយធ្វើឆ្កួតតាមនឹង បានក្លាយជាតារាហើយ” ។
ក្នុងនោះផងដែរ កីឡាករប្រដាល់ជើងខ្លាំងមួយរូប ដែលមានឈ្មោះល្បីនៅក្នុងប្រទេសកម្ពុជា និងត្រូវបានមហាជនផ្តល់រហស្សនាមកែវមជ្ជរាជ លោក វង្ស ណយ ក៏បានសម្តែងការហួសចិត្តផងដែរថា៖ “idol ខំដឹកងៀតក្របីចង់ ងា ប់ ដល់ពេលមនុស្សអ៊ីចឹងសោះ ល្បី សង្គមនេះ ពិតជាអស្ចារ្យមែន (មិនយល់ មិនយល់ទេ)”។ ប៉ុន្តែ ការលើកឡើងរបស់កីឡាកររូបនេះ បែរជាធ្វើឲ្យមនុស្សមួយចំនួនរិះគន់ថា លោក វង្ស ណយ ហាក់មានចិត្តច្រណែននឹង សុខា ហើយមើលទៅ ។
ជាការឆ្លើយតបនឹងការរិះគន់ថា លោក វង្ស ណយ មានចិត្តច្រណែន ក្នុងនោះគណនីហ្វេសប៊ុកមួយបាន Comment ដាក់ទៅវិញថា៖ “មនុស្សមិនចេះទើសរាល់ទង្វើខុស គឺស្មើនឹងសត្វតិរច្ឆានហើយ មិនមែនវាសនាគេល្អទេ គឺមកពីមនុស្សឆ្កួតវាស្រូបទង្វើឆ្គួតដូចគ្នាហើយ ហើយបើយើងមិនទើសវាមិនខុសពីយើងគាំទ្រមនុស្សឆ្កួតដូចវានោះទេ, មនុស្សល្អគឺត្រូវមានចិត្តទើសទង្វើរខុសអ៊ីចឹងហើយ មានតែមនុស្សសន្ដានអាក្រក់ទេដែលមិនចេះទើស ព្រោះខ្លាចបាត់បង់ប្រយោជន៍ផ្ទាល់ខ្លួនវា”៕ ដោយ៖ លឹម ហុង
