ភ្នំពេញ ៖ បុរសម្នាក់បានចងកសម្លាប់ខ្លួន នៅក្នុងផ្ទះល្វែងមួយកន្លែង មានការភ្ញាក់ផ្អើល ដល់បងប្អូនប្រជាពលរដ្ឋ ។ ហេតុការណ៍នេះ បានកើតឡើងនៅវេលាម៉ោង៨និង៤៥នាទីព្រឹក ថ្ងៃទី២៣ ខែឧសភា ឆ្នាំ២០២០ ស្ថិតនៅក្នុងភូមិក្បាលដំរីទី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
បើតាមសម្តីបងប្អូនក្រុមគ្រួសារសាច់ញាតិ របស់សពបានប្រាប់ភ្នាក់ងារសារព័ត៌មាន CEN យើងថា បុរសមានឈ្មោះ គីម ទ្បា អាយុ២៥ឆ្នាំ សញ្ជាតិខ្មែរ មាន មុខរបរជាបុគ្គលិកនៅព្រលានយន្តហោះពោធិ៍ចិនតុង មានស្រុកកំណើតនៅភូមិក្បាលដំរីទី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
ពេលកើតហេតុ បានឃើញបុរសម្នាក់ បានសម្រាកក្នុងបន្ទប់ដូចរាល់ដង ហើយព្រឹកឡើងក៏ក្រុមគ្រួសារ បើកទ្វាមើលក៏ឃើញបុរសបានចងកនៅចម្រឹងដែក បានស្លាប់បាត់ទៅហើយ ។ ម្តាយក៏បានរាយការណ៍ទៅសមត្ថកិច្ចមូលដ្ឋាន ឲ្យបានដឹងផងដែរ។
ក្រោយពេលកើតហេតុ សមត្ថកិច្ចមូលដ្ឋាន សហការជាមួយផ្នែកជំនាញកោសល្យវិច័យ បានមកដល់កន្លែងកើតហេតុ ពិនិត្យទៅលើសាកសព ពិតជាស្លាប់ដោយសារចងក ពិតប្រាកដមែន ។ សមត្ថកិច្ចធ្វើកំណត់ហេតុ ហើយក៏ប្រគល់សាកសព ទៅឲ្យក្រុមគ្រួសារយកទៅធ្វើបុណ្យ ឯស្រុកកំណើតតាមប្រពៃណី៕
ដោយ៖សហការី CEN