ភ្នំពេញ៖ នៅថ្ងែទី២៣ ខែឧសភា ឆ្នាំ២០២០ មានការភ្ញោក់ផ្អើលមួយ នៅតាមបណ្តោយផ្លូវឌួង ងៀត នៅសង្កាត់អូរបែកក្អម ខណ្ឌសែនសុខ រាជធានីភ្នំពេញ ដោយបុរសម្នាក់ធ្លាក់ពីលើដំបូលអគាររោងចក្រ បណ្តាលឲ្យរបួសធ្ងន់ ហើយត្រូវបញ្ជូនតាមរថយន្តសង្គ្រោះ ទៅព្យាបាលនៅមន្ទីរពេទ្យព្រះកុសុមៈ។
ប្រភពពីភ្នាក់ងារសារព័ត៌មាន CEN បានឲ្យដឹងថា បុរសម្នាក់ ដែលជាកម្មកររោងចក្រមួយកន្លែង
បានធ្លាក់ពីលើដំបូលរោងចក្រកម្ពស់៧ម៉ែត្របណ្តោយឱ្យរងរបួសក្បាលធ្ងន់ធ្ងរ ហើយត្រូវបានកម្លាំងសមត្ថកិច្ចប៉ុស្តិ៍អូរបែកក្អម បញ្ជូនទៅកាន់មន្ទីរពេទ្យព្រះកុសុមៈ ប៉ុន្តែទោះយ៉ាងណា សមត្ថកិច្ចមិនទាន់បញ្ជាក់ពីមូលហេតុនៅឡើយ៕
ដោយ៖ សហការី CEN
