ស្ទឹងត្រែង៖ នារីម្នាក់ បើករថយន្តម៉ាក lexus 470 បុកម៉ូតូមួយគ្រឿង បណ្តាលឲ្យស្លាប់ម្នាក់ របួស២នាក់។ ហេតុការណ៍គ្រោះថ្នាក់ចរាចរណ៍នោះ កើតឡើងត្រង់ចំណុចព្រៃចាស់ ភូមិខាំផាន់ សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង វេលាម៉ោង៨យប់ថ្ងៃទី២៤ ខែឧសភា ឆ្នាំ២០២០។
សាក្សីនៅក្បែរកន្លែងកើតហេតុ បានប្រាប់សមត្ថកិច្ចថា រថយន្តបង្កម៉ាក lexus 470ផ្លាកលេខ ភ្នំពេញ 2j 28 99 បើកបរដោយនារីម្នាក់ឈ្មោះស្រី នាង អាយុ២៨ឆ្នាំ រស់នៅភូមិសៀមប៉ាង ឃុំសេកុង ស្រុកសៀមប៉ាង ខេត្តស្ទឹងត្រែង។ រថយន្តបើកក្នុងទិសដៅពីត្បូងទៅជើង គឺបានចេញពីក្រុងស្ទឹងត្រែង ទៅផ្ទះរបស់នាង នៅស្រុកសៀមប៉ាង។ ពេលធ្វើដំណើរទៅ បានបុកម៉ូតូហុងដាឌ្រីមC125 ផលិតនៅឆ្នាំ២០១០ ពាក់ផ្លាកលេខស្ទឹងត្រែង 1B 2974 ដែលបើកបញ្ច្រាសទិសគ្នា ប៉ើងជាច្រើនម៉ែត្រ ស្លាប់ទាំង២នាក់។
ជនរងគ្រោះឈ្មោះសំអន អាយុ ៥២ ឆ្នាំ មុខរបរកសិករ ជាជីតាស្លាប់នៅនឹងកន្លែងកើតហេតុ និងចៅស្រី 2 នាក់គឺចៅមានអាយុ 14 ឆ្នាំនិង15 ឆ្នាំ រួមដំណើរជាមួយតា រងរបួសធ្ងន់ទាំងពីរនាក់ ដឹកយកទៅសង្គ្រោះនៅមន្ទីរពេទ្យបង្អែកខេត្តស្ទឹងត្រែង ទាំងយប់។
របាយការណ៍ប៉ូលិស បានបញ្ជាក់ថា រថយន្តនិងម៉ូតូ ត្រូវបានរក្សាទុកនៅប៉ុស្តិ៍សង្កាត់សាមគ្គី រង់ចាំមានចំណាត់ការបន្ត៕
ដោយ៖សុខុម
