ខេត្តស្វាយរៀង៖ វេលាម៉ោង១៦និង៣០នាទី ល្ងាចថ្ងៃទី២៤ ខែឧសភា ឆ្នាំ២០២០ មានករណីគ្រោះថ្នាក់គ្រោះធម្មជាតិ រន្ទះបាញ់ នៅចំណុចវាលស្រែ ស្ថិតនៅភូមិព្រៃគគីរ ឃុំព្រៃគគីរ ស្រុកចន្ទ្រា ខេត្តស្វាយរៀង បណ្តាលឱ្យងាប់គោចំនួន ២ ក្បាល ។
សមត្ថកិច្ចបានឱ្យដឹងថា ម្ចាស់គោមានឈ្មោះ ១ -ឈ្មោះពេជ្រ ដា ភេទប្រុស អាយុ ៥៥ ឆ្នាំ ជនជាតិខ្មែរ មានទីលំនៅភូមិព្រៃគគី ឃុំព្រៃគគីរ ស្រុកចន្ទ្រា ខេត្តស្វាយរៀង។ ២ -ឈ្មោះថង ស៊ា ភេទប្រុស អាយុ៥៦ឆ្នាំ ជនជាតិខ្មែរ មានទីលំនៅភូមិព្រៃគគីរ ឃុព្រៃគីរ ស្រុកចន្ទ្រា ខេត្តស្វាយរៀង។
ប្រភពដដែលបានឱ្យដឹងទៀតថា ក្រោយកើតហេតុសមត្ថកិច្ច ក៏បានប្រគល់សត្វគោទាំង២ក្បាលនោះ ឱ្យម្ចាស់វិញហើយ ក្រោយពីបានពិនិត្យឃើញថា សត្វគោទាំង២ក្បាលនោះ ពិតជាបានងាប់ដោយសារគ្រោះថ្នាក់ធម្មជាតិរន្ទះបាញ់ពិតប្រាកដមែន៕
ដោយ៖វ៉ៃកូ