ថ្មីៗនេះ រឿងរ៉ាវមួយបានកំពុងបង្កឲ្យមានភ្ញាក់ផ្អើល ផ្ទុះកក្រើកហ្វេសប៊ុកតែម្តង ទាក់ទងតារាហ្វេសប៊ុកវ័យក្មេងឈ្មោះថា Tawan Jalerm បាននិងកំពុងមានរឿងឈ្លោះគ្នាយ៉ាងសាហាវ ជាមួយស្ត្រីម្នាក់នៅក្នុងខេត្តពោធិ៍សាត់ ទាក់ទងចោទថា ស្ត្រីរូបនោះបានកំពុងទាក់ទងស្នេហាជាមួយឪពុករបស់គាត់ ហើយថែមទាំងប្រើពាក្យប្រមាថមកលើម្តាយរបស់គាត់ទៀតផង។
ក្នុងនោះTawan Jalerm បានទម្លាយចេញរឿងរ៉ាវឲ្យដឹងថា ស្ត្រីចោទថាឆ្ងាញ់ណាស់យកប្តីគេខាងលើនេះ ដែលមានគណនីហ្វេសប៊ុកឈ្មោះ «ច្រិប ស្ទឹងថ្មី» រស់នៅក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្ត ពោធិ៍សាត់ ។ ខណៈប្តីកំពុងជាប់គុក បានឆ្លៀតឱកាសទាក់ទងស្នេហាអូនបងយ៉ាងផ្អែមរលួយជាមួយឪពុករបស់គាត់ ក្នុងអំឡុងពេលផ្ទុះជំងឺកូវីដ១៩ ។ ហើយលុះពេលដែលគាត់ និងម្តាយរបស់គាត់ចាប់បានឆាតទាក់ទងគ្នា ស្ត្រីរូបនេះបានប្រាប់ថាពុំបានទាក់ទងស៊ីជម្រៅអ្វីនោះទេ គឺគ្រាន់តែស្គាល់គ្នាតាមឆែតប៉ុណ្ណោះ ។ នៅពេលគាត់ និងបងប្អូន តបតជេរទៅឡើងឆ្អែត ស្ត្រីរូបនេះក៏បានបិទហ្វេសប៊ុកតែម្តង។
បើតាមក្នុងសំឡេងឆាត ត្រូវបានទម្លាយចេញ ស្ត្រីរូបនេះបានឌឺដាក់ Tawan Jalerm ថា រូបនាងបានទទួលលុយរហូត ៥ ទៅ ៦ លានរៀល ពីឪពុករបស់គាត់ និងសូម្បីបានដេកនៅជាមួយគ្នាយ៉ាងមានសេចក្តីសុខបំផុត។ មិនត្រឹមតែប៉ុណ្ណឹង ស្ត្រីរូបនេះ ក៏បានប្រមាថលើជីវិតម្តាយរបស់គាត់ថា ប្រសិននៅពេលណាដែលឪពុករបស់គាត់សម្លាប់ម្តាយរបស់គាត់ចោល នោះកេរទ្រព្យសម្បត្តិមានដូចជាដីធ្លីទាំងប៉ុន្មាន នឹងបានមកលើរូបនាងទាំងអស់។
ទោះយ៉ាងណា ដើម្បីជាការឆ្លើយតបទៅ Tawan Jalerm វិញ ស្ត្រីរងការចោទប្រកាន់នេះ បានសារភាពថា ក្នុងឆាតនោះគឺជាសំឡេងរបស់នាងពិតប្រាកដមែន ប៉ុន្តែ បានអះអាងថា ការដែលនាងនិយាយបែបនេះ គឺដោយសារតែខឹងខ្លាំងពេក ហើយក៏ចាក់បណ្តោយអ៊ីចឹងទៅ។ ស្ត្រីរូបនេះនៅបានបញ្ជាក់ឲ្យបងប្អូនបានដឹងទៀតថា ឪពុករបស់ Jalerm ក៏បានបដិសេធថាពុំបានទាក់ទងអ្វីជាមួយនឹងរូបនាងដែរ៕
ដោយ៖ លឹម ហុង
ខាងក្រោមជាវីដេអូតបតគ្នា សូមបងប្អូនប្រិយមិត្តពិចារណា ថាតើអ្នកណាខុស អ្នកណាត្រូវ?