ភ្នំពេញ៖ បុរសសន្តិសុខម្នាក់ បានធ្វើឲ្យអ្នកប្រើប្រាស់បណ្តាញសង្គមហ្វេសប៊ុក មានការចាប់អារម្មណ៍ និងកោតសរសើរជាខ្លាំងថា មានដឹកដមសំឡេងដូចទៅនឹងកំពូលតារាចម្រៀងលោក ព្រាប សុវត្ថិ តែម្តង ចំពោះវីដេអូកន្លងទៅច្រើនឆ្នាំមកនេះ ដែលទើបត្រូវបានចែករំលែកតៗគ្នាជាថ្មីម្តងទៀត។
បទចម្រៀងដែលបុរសសន្តិសុខនោះ លើកយកមកច្រៀងគឺបទ «ខ្លុយស្នេហ៍ត្នោតទេរ» ។ តាំងពីដើមដល់ចប់ គេបានកត់សម្គាល់ឃើញថា សំឡេងរបស់គាត់ស្លាប់ទៅ ហាក់មិនឆ្ងាយពីលោក ព្រាប សុវត្ថិ សោះឡើយ ។
ជាការពិតណាស់ ប្រសិនបើយើងគ្រាន់បានស្តាប់សំឡេង តែពុំបានឃើញមុខ នោះយើងប្រាកដណាស់ថា នោះជាសំឡេងរបស់លោក ព្រាប សុវត្ថិ ផ្ទាល់ដែលបានច្រៀងកម្សាន្តលេង៕
ដោយ៖ លឹម ហុង
